Layamon's Brut (British Museum Ms. Cotton Caligula A.IX)

Lines 10001 through 10100

þat he touward him com; and wolde him vfel don. Line 10001 Colgrim hine biþohte; whæt he don mahte. Line 10002 & bonnede his uerde; ȝeond al þan norð ærde. Line 10003 Þer liðen to-somne; alle Scotleode. Line 10004 Peohtes & Sæxes; siȝen heom to-gæderes. Line 10005 & moniennes cunnes men; uuleden Colgrimen. Line 10006 Forð he gon fusen; mid vnimete verde. Line 10007 to-ȝaines Arðure; aðelest kingen. Line 10008 he þohte to quellen; þe king on his þeoden. Line 10009 & his folc ual[l]en; uolden to grunden. Line 10010

Line 10010 & setten al þis kine-lond; an his aȝere hond. Line 10011 & fallen to þan grunde; Arður þene ȝunge. Line 10012 Forð wende Colgrim; & his ferde mid him. Line 10013 & wende mid his ferde; þat he com to ane watere. Line 10014 þat water is ihaten Duglas; duȝeðen hit aquel[d]e Line 10015 Þer com Arður him a-ȝein. ȝaru mid his fehte. Line 10016 in ane brade forde; þa ferden heom imetten. Line 10017 fastliche on-sloȝen; snelle heore ke[m]pen. Line 10018 feollen þa uæie; uolden to grunde. Line 10019 Þer wes muchel blod-gute; balu þer wes riue. Line 10020 brustlede scæftes; beornes þer ueollen. Line 10021 Þat isæh Arður; on mode him wes unneðe. Line 10022 Arður hine biðohte; whæt he don mahte. Line 10023 & t[eh] hine a-bac-ward; in enne uald brade. Line 10024 Þa wenden his feond; þat he flæn walde. Line 10025 þa wes glad Colgrim; and al his ferde mid him. Line 10026 heo wenden þat Arður; mid arhðe weore afallæd þere. Line 10027 & tuȝen ouer þat water; alse heo wode weoren. Line 10028 Þa Arður þat isah; þat Colgrim him wes swa neh. Line 10029 & heo weoren beien; bihalu((e))s þan wateren. Line 10030 þus seide Arður; aðelest kingen. Line 10031 Iseo ȝe mine Bruttes; here us bi[h]alfues. Line 10032 ure iuan uulle; Crist heom a-ualle. Line 10033 Colgrim þene stronge; ut of Sæx-londe. Line 10034 His cun i þisse londe; ure ælderne a-qualden. Line 10035 ah nu is þe dæi icumen; þe Drihten haueð idemed. Line 10036 þat he scal þat lif leosen; & leosien his freonden. Line 10037 oðer we sculle dæde beon; ne muȝe we hine quic iseon. Line 10038 Scullen Sæxisce men; sorȝen ibiden. Line 10039 & we wreken wurhliche; ure wine-maies. Line 10040 Vp bræid Arður his sceld; foren to his breosten. Line 10041 & he gon to rusien; swa þe runie wulf. Line 10042 þenne he cumeð of holte; bi-honged mid snawe. Line 10043 and þencheð to biten; swulc deor swa him likeð. Line 10044 Arður þa cleopede; to leofe his cnihten. Line 10045 For[ð] we biliue; þeines ohte. Line 10046 alle some[d] heom to; alle we sculleð wel don. Line 10047

Line 10047 & heo uorð hælden; swa þe hæȝe wude. Line 10048 þenne wind wode. weieð hine mid mæine. Line 10049 Fluȝen ouer þe woldes. þritti þusend sceldes. Line 10050 & smiten a Colgrimes cnihtes; þat þa eorðe aȝæn quehte. Line 10051 Breken braden speren; brustleden sceldes. Line 10052 feollen Sæxisce men; folden to grunden. Line 10053 Þat isah Colgrim; þer-uore wa wes him. Line 10054 þe alre hendeste mon; þe ut of Sexlonde com. Line 10055 Colgrim gon to flænne; feondliche swiðe. Line 10056 & his hors hine bar; mid hæhȝere strengðe. Line 10057 ouer þat water deope; & scelde hine wið dæðe. Line 10058 Saxes gunnen sinken; sorȝe heom wes ȝiueðe. Line 10059 Arður wende his speres ord; and for-stod heom þene uord. Line 10060 þer adruncke Sexes; fulle seoue þusend. Line 10061 Summe heo gunnen wondrien; swa doð þe wilde cron. Line 10062 i þan mor-uenne; þenne his floc is awemmed. Line 10063 & him halde[ð] after; hauekes swifte. Line 10064 hundes in þan reode; mid reouðe hine imeteð. Line 10065 þenne nis him neouðer god. no þat lond no þat flod. Line 10066 hauekes hine smiteð; hundes hine biteð. Line 10067 þenne bið þe kinewurðe foȝel; fæie on his siðe. Line 10068 Colgrim ouer feldes; flæh him biliues. Line 10069 þat he com to Eouerwic; riden swiðe sellic. Line 10070 he wenden into burȝe; & faste heo biclusde. Line 10071 hafuede he binnen; ten þusend monnen. Line 10072 burh-men mid þa beztse; þe him bihalues weoren. Line 10073 Arður halde after; mid þritti þusend cnihten. Line 10074 & ferde riht to Eouerwic. mid folke swiðe sellic. Line 10075

Line 10075 and bi-læi Colgrim; þe weorrede aȝæin him. Line 10076 Seouen niht þer biuoren; wes suð-ward ifaren. Line 10077 Baldolf þe hende; broðer Colgrimes. Line 10078 and lai bi þare sæ-brimme; & abad Childrichen. Line 10079 Childric wes i þan daȝen; cæiser of riche laȝen. Line 10080 inne Alemaine; þat aðel wes his aȝene. Line 10081 Þa i-herde Baldolf; þer he bi sæ lai. Line 10082 þat Arður hafde inne Eouerwic; Colgrim biclused. Line 10083 Baldolf hæfde ibonned; seouen þusend monnen. Line 10084 baldere beornnen; þe bi sæ leien. Line 10085 heo nomen heom to ræden; þat aȝæin heo wolden riden. Line 10086 and bi-læuen Childric; & faren in-to Eouerwic. Line 10087 & fehten wi[ð] Arðure; & aquellen al his duȝeðe. Line 10088 Baldolf swor on his grome; þat he wolde beon Ar[ð]ures bone. Line 10089 & bruken al þas riche; mid Colgrime his broðere. Line 10090 Nolde Baldolf abide; þan keisere Childriche. Line 10091 ah þenne he ferde uorð; and droh him forð-rihtes nor[ð]. Line 10092 from dæie to dæie; mid bald((r))e duȝeðe. Line 10093 þat he com in ane wude; in ane wilderne. Line 10094 from Ar[ð]ures ferde; fulle seoue milen. Line 10095 He hafde iþohte bi nihten; mid seouen þusend cnihten. Line 10096 to riden uppen Arður; ær þe king ((wore war)). Line 10097 and his folc afeollen & hine seolf aquelle. Line 10098 Ah al hit oðer iwarð; oðer he iwende. Line 10099 for Baldolf hafede on hirede; ænne cniht Bruttiscne. Line 10100