[ LXIV. ]
(HOW CERTAIN TEMPTING DEVILS WERE VANQUISHED.)Addit. MS. 9066.
[leaf 65 (cont'd)]
REdde it is of̘ oon, that wayled̛ and̛ sorowed̛ gretly for his synnes, the deuyls comyn̛ to hym, and̛ seyden, "leue thy sorowe and̛ thy wepyng̘, for thou arte oures, and̛ it may no nothere wise be, but that thou arte oures; and̛ sese, and̛ abide [a] while, and̛ thou shalte sorowe Enoughe in helle." and̛ the more the deuyls spake to hym̛, the more he sorowed̛ and̛ wepte, and̛ wolde not leue for hem. atte laste [they] were constreyned̛ by the holy goste to saye to hym in the Eere, "thou haste ouere-comyn̛ vs." and̛ so they wente away from hym̛. Here it semes wele, þat we moste wepe for oure synnes, while we lyve, wilfully, or Elles in purgatorie or in helle, a-gaynes our wille.