English conquest of Ireland : A.D. 1166-1185 : mainly from the 'Expugnatio hibernica' of Giraldus Cambrensis : part I, the text / edited by Frederick J. Furnivall.

CHAPTER XLIV.

The whyle that Reymond was in this maner in desmonde, come a Messager to hym frome deuelyn, Hastly sende, and broght hym a lettyr frome basyle, his wyfe; but he that hit broght, wyst not what hit was. Reymond hadd with hym a clerke that he trust wel to. / He mad him rede the lettyr priuely, þat thus mych hym sayde: "To hir welbelowid lorde and Spouse, Reymond, his basylle sendyth gretynge. as to hyre-Selfe, wit thou, lefe man, that the grete chektoth that so sore me grewid, is falle; Werfor, yf ye rekyth any-thynge of youre-Selfe, othyr of me, ne leue not to come hastely to me." When Reymond this herde, he vndyrstod by the mych toth, that [Fol. 20b.] Hyr was fall, Betokenyd the Erlys deth; for He Lefte Hym ful seke at deuelyn when he lefte hym. And thegh he lang therto-for was ded, for fere of Irysℏ-men, he was for-holde tyl Reymondes comys and the menyes, in-to leynystere. Reymond̛ turned sone to lymerike. and the Sorrow that was in his herte wythin, he, for al hit, as mych as he cowthe, made fayre semblant without ["he, for al hit, as mych as he cowthe, made fayre semblant without" = exteriorevultus hilaritate valde dissimulans.] ; and to ful few men he shewid the aduenture that so sodeynly was byfall; and of ham that moste good couth, he besoght consayl and rede, what was ham to done. Than was comynly har consail Such, "what for the Erlys deth, what for Reymondys [departing? at first written here.] wendynge out of the londe, that the Cite of lymerik, that was so ferre, and amonge so many enemys, that they sholde leue woyde; and al the meny, holy lede Into leynystere, the tovnes and the castelys vpon the See forto kepe." Reymond, thegh loth hit was to hym, gravntyd this, and stode to har rede; and, for he ne found none that aftyr hym wolde byde there, He yaue Obreyn, the kynge of Thomonde, the Cite to kepe as the kynges barovne, and toke of hym, fryst, new hostagis, and many new othys Sware, the touñe harmles forto kepe, and the Pees trewely forto hold̛ / Vpon thys, thay wentyn al out of the Cite, and lefte obreen and his men within / and vnnethys thay were Passyd the brige, that the othyr ende nas brokyn anoone ryght behynde ham; and the toun, that wel and faste was wallid̛, [aedificiis decenter ornatam, alimentis undique congestis plane refertam.] and wel bylid with good houses, I-herbergid̛ of wytalis, that on euery halfe thedyr was broght wel Stuffid̛, not wythout gret Sorynys of herte,

thay Saw on foure Parties sette afyre. And thus the tray-toure Obreyn shewid opynly how we sholde trust to Iryssℏ-men trouth // Reymond, with al the meny, went to deuelyñ; and the Erlis body that by his byddynge was kepte vnburied was buried in þe modyr church of the trynyte, to-for the Swete Rode, by procurynge of Seynt laurance, that was in that tyme Archebyschope of Deuelyn.