CHAPTER XXVII
The lond was than in good pees by-for the kynge, and the pees wel holde. the kynge herde that the pepil of the londe was of vnclēn̄ lyfe, and̛ ayeȳn̄ godd and holy churche. he thoght that he wolde bryng the pepil Into bettyr lyfe; and mych desyr had therto. he Sende for al the clergy of the lond at Casshel; and that he Enquerid and herde opynly the fylthed of the lond-pepill in whych thay lad har lyfe; and Setten hit in writ, vndyr the Bischopis sele of lysmore, that was also legat of the courte of rome, and heyghest of dygnyte ouer al thay that there were. and the Statutes of holy church, whyche yit men halte [quae adhuc extant.] in the maner that holy church ham holte in England, he lette thare Sette: Whych Statutes, in the Wordis that thay weryn ther Shewyd, is none harme thegh y expresse ham here:—