Oxford Text Archive number: U-1676-B
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
By þe kyng Worshipful fadre in god / and oure Riȝt trusty and welbeloued : We grete you wel / And for asmuche as by þ expresse
and especiale avyse and consent of oure Riȝt trusty and welbeloued vncle þe Duc of Excestre / to whome we had g ranted
by oure lettres patentes þe keping
of alle þe landes þat shul longe by heritage vnto oure trusty and welbelou ed
Cousin Iohn son and heire to william Roos of hamelak þat helde of vs in chief þe day he deyed on / durynge þe non age
of þe said Iohn: we of oure speciale grace haue granted vnto oure said Cousin plein lyuere of alle þe
landes þat longen / or may longe vnto him by heritage wyþ ynne oure Reaume of Engeland / or elleswhere aftre þe fourme
of a copie of a patent annexed to a supplicacion take to vs: þe whiche we sende you closed wyþynne þees oure
lettres: we wol and charge you þat in al þe goodely hast þat ye may ye make vpon oure said grant to oure said Cousin
oure lettres patentes aftre þe fourme of þe said copie þat we sende you and also suche wryttes of lyuere /
and yn suche fourme and nombre as is necessarie and vaylable for him wiþ al þe h. . . and fauour þat ye may.
So þat þis be not take to non euel example: notwyþ standyng þat of oure grace we wol hit An(d)
god haue you in his keping: Yeuen vnder oure signet at oure towne of Mant þe xxiij. day of Iuyne (Signed) Caud . . .
[ [Calendared Kirby 868. The petition is SC8/182/9061. Grant to Exeter recorded 22 Sept. 1414, CPR 1413-16, pp. 235-36; to John Roos 8 July 1419, CPR 1416-22, p. 263.] [torn off] ]