An anthology of Chancery English

1433-50 C1/2/18:21 Petition of John Bredhill, retainer of John Bate, Clerk of Chancery

To the worshipfull ffador in god Iohn Bisshop of Bathe Chauncellere of Engelond Compleyneth your pore
orator Iohn Bredhill parson of the chirche of kyngesswynford oon of the seruantes of Iohn Bate Clerk
of the Chauncery of our souereyn lord the kyng that Iohn Sutton knyght Iohn Sheldon Iohn Clerk Thomas yonge & Thomas
Bradley the tewseday in whitson wike the yere of the regne of our souereyn lord

the kyng xvj wronfully entred in to the
parsonage of your seid suppliant at kyngessynford in the Counte of Stafford and ther breke vp iiij Cofors & bere away
alle his godes. that is to sey j Bibull (historia scholastica) the maistor of stories / j legend aurea. j pupille. the
euangelistes glosed ij gloses vppon Iob. Alquyn vppon sentence. Alquyn de veritatibȝ. viij Bokes of Philo sophie.
j Bok de regimine principorum nobilum . iij Bokes of Bonauenture iiij. Bokes of sermons. the
maistor of sentence Augustyn de caritate. a doctor vppon luke. j myssal ij portuose. xl volumes of Gramare logik
Rethorik & othor science with stuffe of Parchyment & papire whiche godes were worth: l. li. Also they toke away x li in money. xiij. spon(es of) siluer. j maser. iij paire
bedes of corall. j paire bedes of aumbor. j paire bedes of gete vj broches vj rynges. ij Beddes of bokerham hangyng.
j silor with a testor. ij Couerlettes of Tapsery j Couerlette of wostede xvj couerlettes vj blankettes
iij matrace iij Bolsters xviij shetes viij Bordclothes xx sanappes. iij gownes furred ij hodes v hures.j Dowbelette
iij Chistes iiij Cofors. v bassyns. iij lavors ij paire trostell. iij tabull iiij Chaiers j bras potte of xvj galons
vj pannes vij pottes iij brandardes. iij yron broches iij frying pannes ij gredyrons iiij kichon knyves vj Chandellers. v salors
iiijxx peces of peautor vessell vij quarters of Boef v Bakons vj turnell viij Barell for ale. j bras morter
with a pestell of yron. A Chymney of yron ij wyn botell ij pottes of lethor. j. dorser iij Bankers x quysshons. j herneysed
girdill. xx lb wex. v yerdes of Blanket viij ellon of lynnon cloth x lb of lynnon yorn. ij paire wightes for gold. j. dial
a bowe. xxiiij arowes j haboryon & j sweyrd whiche godes were worth: xlviij. li. Also they toke a way. x bushelȝ of
rie iij quarts of malt. j mowe of rie j wayn j payre wheles. j dongewayn CC thraves of stre iiij shoveles iiij spades j plough
iiij yockes. v kyn ij Calves iij Bores j Mere ij Coltes xvj hogges x pigges x Capons x hennes & vj mavlers whiche godes were worth
xvj li. x. s. Also they toke vp the profites of the chirche that is to sey xxx teithe lambes xij ston of teithe
wolle. the teithe hay the offerynges the profites of the glebe the gardyn the chirche yerd and also they hewen doun
& brende his wodes & destroied his houses hegges & diches in harmes & valoue of : xj. li.And also they putte away
his seruantes that is to sey sir Iohn Mere prest Richard Bredhill Thomas Morley & Iohn webbe by whiche your
seid suppliant myssed the seruice of his seid seruantes by the space of xij wekes to the harmes of .x.li vnto the vtterest
vndoyng

of your seid suppliant Wherfore the seid suppliant bi secheth your gracious ffadorhode of remedie aftor
reson & conscience at the high reuerence of the holy Trinite.

[ [Printed PC I.xvii] [superior insert] [torn] ]