The Canterbury tales
About this Item
- Title
- The Canterbury tales
- Author
- Chaucer, Geoffrey, d. 1400
- Publication
- Boston, Mass.: Houghton Mifflin
- 1957
- Rights/Permissions
-
Available at URL http://www.hti.umich.edu/c/cme/
This text has been made available through the Oxford Text Archive for personal scholarly use only. OTA number: U-1678-C
- Link to this Item
-
http://name.umdl.umich.edu/CT
- Cite this Item
-
"The Canterbury tales." In the digital collection Corpus of Middle English Prose and Verse. https://name.umdl.umich.edu/CT. University of Michigan Library Digital Collections. Accessed June 7, 2024.
Pages
Page 149
Line 357
Of pokkes and of scabbe, and every soore Line 358
Shal every sheep be hool that of this welle Line 359
Drynketh a draughte. Taak kep eek what I telle -- Line 360
If that the good-man that the beestes oweth Line 361
Wol every wyke, er that the cok hym croweth, Line 362
Fastynge, drynken of this welle a draughte, Line 363
As thilke hooly jew oure eldres taughte, Line 364
His beestes and his stoor shal multiplie. Line 365
and, sires, also it heeleth jalousie; Line 366
For though a man be falle in jalous rage, Line 367
Lat maken with this water his potage, Line 368
And nevere shal he moore his wyf mystriste, Line 369
Though he the soothe of hir defaute wiste, Line 370
Al had she taken prestes two or thre. Line 371
heere is a miteyn eek, that ye may se. Line 372
He that his hand wol putte in this mitayn, Line 373
He shal have multipliyng of his grayn, Line 374
Whan he hath sowen, be it whete or otes, Line 375
So that he offre pens, or elles grotes. Line 376
goode men and wommen, o thyng warne I yow -- Line 377
If any wight be in this chirche now Line 378
That hath doon synne horrible, that he Line 379
Dar nat, for shame, of it yshryven be, Line 380
Or any womman, be she yong or old, Line 381
That hath ymaad hir housbonde cokewold, Line 382
Swich folk shal have no power ne no grace Line 383
To offren to my relikes in this place. Line 384
And whoso fyndeth hym out of swich blame, Line 385
He wol come up and offre in goddes name, Line 386
And I assoille him by the auctoritee Line 387
Which that by bulle ygraunted was to me. Line 388
by this gaude have I wonne, yeer by yeer, Line 389
An hundred mark sith I was pardoner. Line 390
I stonde lyk a clerk in my pulpet, Line 391
And whan the lewed peple is doun yset, Line 392
I preche so as ye han herd bifoore, Line 393
And telle an hundred false japes moore. Line 394
Thanne peyne I me to strecche forth the nekke, Line 395
And est and west upon the peple I bekke, Line 396
As dooth a dowve sittynge on a berne. Line 397
Myne handes and my tonge goon so yerne Line 398
That it is joye to se my bisynesse. Line 399
Of avarice and of swich cursednesse Line 400
Is al my prechyng, for to make hem free Line 401
To yeven hir pens, and namely unto me. Line 402
For myn entente is nat but for to wynne, Line 403
And nothyng for correccioun of synne. Line 404
I rekke nevere, whan that they been beryed, Line 405
Though that hir soules goon a-blakeberyed! Line 406
For certes, many a predicacioun Line 407
Comth ofte tyme of yvel entencioun; Line 408
Som for plesance of folk and flaterye, Line 409
To been avaunced by ypocrisye, Line 410
And som for veyne glorie, and som for hate. Line 411
For whan I dar noon oother weyes debate, Line 412
Thanne wol I stynge hym with my tonge smerte Line 413
In prechyng, so that he shal nat asterte Line 414
To been defamed falsly, if that he Line 415
Hath trespased to my bretheren or to me. Line 416
For though I telle noght his propre name, Line 417
Men shal wel knowe that it is the same, Line 418
By signes, and by othere circumstances. Line 419
Thus quyte I folk that doon us displesances; Line 420
Thus spitte I out my venym under hewe Line 421
Of hoolynesse, to semen hooly and trewe. Line 422
but shortly myn entente I wol devyse -- Line 423
I preche of no thyng but for coveityse. Line 424
Therfore my theme is yet, and evere was, Line 425
Radix malorum est cupiditas. Line 426
Thus kan I preche agayn that same vice Line 427
Which that I use, and that is avarice. Line 428
But though myself be gilty in that synne, Line 429
Yet kan I maken oother folk to twynne Line 430
From avarice, and soore to repente. Line 431
But that is nat my principal entente; Line 432
I preche nothyng but for coveitise. Line 433
Of this mateere it oghte ynogh suffise. Line 434
thanne telle I hem ensamples many oon Line 435
Of olde stories longe tyme agoon. Line 436
For lewed peple loven tales olde; Line 437
Swiche thynges kan they wel reporte and holde. Line 438
What, trowe ye, that whiles I may preche, Line 439
And wynne gold and silver for I teche, Line 440
That I wol lyve in poverte wilfully? Line 441
Nay, nay, I thoghte it nevere, trewwly! Line 442
For I wol preche and begge in sondry landes; Line 443
I wol nat do no labour with myne handes, Line 444
Ne make baskettes, and lyve therby, Line 445
By cause I wol nat beggen ydelly. Line 446
I wol noon of the apostles countrefete; Line 447
I wol have moneie, wolle, chese, and whete, Line 448
Al were it yeven of the povereste page, Line 449
Or of the povereste wydwe in a village, Line 450
Al sholde hir children sterve for famyne. Line 451
Nay, I wol drynke licour of the vyne, Line 452
And have a joly wenche in every toun. Line 453
But herkneth, lordynges, in conclusioun -- Line 454
Youre likyng is that I shal telle a tale. Line 455
Now have I dronke a draughte of corny ale, Line 456
By god, I hope I shal yow telle a thyng Line 457
That shal be reson been at youre likyng. Line 458
For though myself be a ful vicious man, Line 459
A moral tale yet I yow telle kan, Line 460
Which I am wont to preche for to wynne. Line 461
Now hoold youre pees! my tale I wol bigynne. Line 462