The Canterbury tales
About this Item
- Title
- The Canterbury tales
- Author
- Chaucer, Geoffrey, d. 1400
- Publication
- Boston, Mass.: Houghton Mifflin
- 1957
- Rights/Permissions
-
Available at URL http://www.hti.umich.edu/c/cme/
This text has been made available through the Oxford Text Archive for personal scholarly use only. OTA number: U-1678-C
- Cite this Item
-
"The Canterbury tales." In the digital collection Corpus of Middle English Prose and Verse. https://name.umdl.umich.edu/CT. University of Michigan Library Digital Collections. Accessed May 23, 2024.
Pages
Page 129
Line 73
And for it is no fruyt, but los of tyme; Line 74
Unto my firste I wole have my recours. Line 75
And so bifel that after the thridde cours, Line 76
Whil that this kyng sit thus in his nobleye, Line 77
Herknynge his mynstralles hir thynges pleye Line 78
Biforn hym at the bord deliciously, Line 79
In at the halle dore al sodeynly Line 80
Ther cam a knyght upon a steede of bras, Line 81
And in his hand a brood mirour of glas. Line 82
Upon his thombe he hadde of gold a ryng, Line 83
And by his syde a naked swerd hangyng; Line 84
And up he rideth to the heighe bord. Line 85
In al the halle ne was ther spoken a word Line 86
For merveille of this knyght; hym to biholde Line 87
Ful bisily they wayten, yonge and olde. Line 88
This strange knyght, that cam thus sodeynly, Line 89
Al armed, save his heed, ful richely, Line 90
Saleweth kyng and queene and lordes alle, Line 91
By ordre, as they seten in the halle, Line 92
With so heigh reverence and obeisaunce, Line 93
As wel in speche as in his contenaunce, Line 94
That gawayn, with his olde curteisye, Line 95
Though he were comen ayeyn out of fairye, Line 96
Ne koude hym nat amende with a word. Line 97
And after this, biforn the heighe bord, Line 98
He with a manly voys seide his message, Line 99
After the forme used in his langage, Line 100
Withouten vice of silable or of lettre; Line 101
And, for his tale sholde seme the bettre, Line 102
Accordant to his wordes was his cheere, Line 103
As techeth art of speche hem that it leere. Line 104
Al be it that I kan nat sowne his stile, Line 105
Ne kan nat clymben over so heigh a style, Line 106
Yet seye I this, as to commune entente, Line 107
Thus muche smounteth al that evere he mente, Line 108
If it so be that I have it in mynde. Line 109
He seyde, the kyng of arabe and of inde, Line 110
My lige lord, on this solempne day Line 111
Saleweth yow, as he best kan and may, Line 112
And sendeth yow, in honour of youre feeste, Line 113
By me, that am al redy at youre heeste, Line 114
This steede of bras, that esily and weel Line 115
Kan in the space of o day natureel -- Line 116
This is to seyn, in foure and twenty houres -- Line 117
Wher-so yow lyst, in droghte or elles shoures, Line 118
Beren youre body into every place Line 119
To which youre herte wilneth for to pace; Line 120
Withouten wem of yow, thurgh foul or fair; Line 121
Or, if yow lyst to fleen as hye in the air Line 122
As dooth an egle whan hym list to soore, Line 123
This same steede shal bere yow evere moore, Line 124
Withouten harm, til ye be ther yow leste, Line 125
Though that ye slepen on his bak or reste, Line 126
And turne ayeyn with writhyng of a pyn. Line 127
He that it wroghte koude ful many a gyn. Line 128
He wayted many a constellacion Line 129
Er he had doon this operacion, Line 130
And knew ful many a seel and many a bond. Line 131
This mirour eek, that I have in myn hond, Line 132
Hath swich a myght that men may in it see Line 133
Whan ther shal fallen any adversitee Line 134
Unto youre regne or to youreself also, Line 135
And openly who is your freend or foo. Line 136
And over al this, if any lady bright Line 137
Hath set hire herte on any maner wight, Line 138
If he be fals, she shal his tresoun see, Line 139
His newe love, and al his subtiltee, Line 140
So openly that ther shal no thyng hyde. Line 141
Wherfore, ageyn this lusty someres tyde, Line 142
This morour and this ryng, that ye may see, Line 143
He hath sent to my lady canacee, Line 144
Youre excellente doghter that is heere. Line 145
The vertu of the ryng, if ye wol heere, Line 146
Is this, that if hire lust it for to were Line 147
Upon his thombe, or in hir purs it bere, Line 148
Ther is no fowel that fleeth under the hevene Line 149
That she ne shal wel understonde his stevene, Line 150
And knowe his menyng openly and pleyn, Line 151
And answere hym in his langage ageyn; Line 152
And every gras that groweth upon roote Line 153
She shal eek knowe, and whom it wol do boote, Line 154
Al be his wondes never so depe and wyde. Line 155
This naked swerd, that hangeth by my syde, Line 156
Swich verty hath that, what man so ye smyte, Line 157
Thurgh out his armure it wole kerve an byte, Line 158
Were it as thikke as is a branched ook; Line 159
And what man that is wounded with the strook Line 160
Shal never be hool til that yow list, of grace, Line 161
To stroke hym with the plat in thilke place Line 162
Ther he is hurt; this is as muche to seyn, Line 163
Ye moote with the platte swerd ageyn Line 164
Stroke hym in the wounde, and it wol close. Line 165
This is a verray sooth, withouten glose; Line 166
It failleth nat whils it is in youre hoold. Line 167
And whan this knyght hath thus his tale toold, Line 168
He rideth out of halle, and doun he lighte. Line 169
His steede, which that shoon as sonne brighte, Line 170
Stant in the court as stille as any stoon. Line 171
This knyght is to his chambre lad anoon, Line 172
And is unarmed, and to mete yset. Line 173
The presentes been ful roially yfet, -- Line 174
This is to seyn, the swerd and the mirour, Line 175
And born anon into the heighe tour Line 176
With certeine officers ordeyned therfore; Line 177
And unto canacee this ryng is bore Line 178
Solempnely, ther she sit at the table. Line 179
Page 130
Line 179
But sikerly, withouten any fable, Line 180
The hors of bras, that may nat be remewed, Line 181
It stant as it were to the ground yglewed. Line 182
Ther may no man out of the place it dryve Line 183
For noon engyn of wyndas or polyve; Line 184
And cause why? for they kan nat the craft. Line 185
And therfore in the place they han it laft, Line 186
Til that the knyght hath taught hem the manere Line 187
To voyden hym, as ye shal after heere. Line 188
Greet was the prees that swarmeth to and fro Line 189
To gauren on this hors that stondeth so; Line 190
For it so heigh was, and so brood and long, Line 191
So wel proporcioned for to been strong, Line 192
Right as it were a steede of lumbardye; Line 193
Therwith so horsly, and so quyk of ye, Line 194
As it a gentil poilleys courser were. Line 195
For certes, fro his tayl unto his ere, Line 196
Nature ne art ne koude hym nat amende Line 197
In no degree, as al the peple wende. Line 198
But everemoore hir mooste wonder was Line 199
How that it koude gon, and was of bras; Line 200
It was of fairye, as the peple semed. Line 201
Diverse folk diversely they demed; Line 202
As many heddes, as manye wittes ther been. Line 203
They murmureden as dooth a swarm of been, Line 204
And maden skiles after hir fantasies, Line 205
Rehersynge of thise olde poetries, Line 206
And seyden it was lyk the pegasee, Line 207
The hors that hadde wynges for to flee; Line 208
Or elles it was the grekes hors synon, Line 209
That broghte troie to destruccion, Line 210
As man moun in thise olde geestes rede. Line 211
Myn herte, quod oon, is everemoore in drede; Line 212
I trowe som men of armes been therinne, Line 213
That shapen hem this citee for to wynne. Line 214
It were right good that al swich thyng were knowe. Line 215
Another rowned to his felawe lowe, Line 216
And seyde, he lyeth, for it is rather lyk Line 217
An apparence ymaad by som magyk, Line 218
As jogelours pleyen at thise feestes grete. Line 219
Of sondry doutes thus they jangle and trete, Line 220
As lewed peple demeth comunly Line 221
Of thynges that been maad moore subtilly Line 222
Than they kan in hire lewednesse comprehende; Line 223
They demen gladly to the badder ende. Line 224
And somme of hem wondred on the mirour, Line 225
That born was up into the maister-tour, Line 226
Hou men myghte in it swiche thynges se. Line 227
Another answerde, and seyde it myghte wel be Line 228
Naturelly, by composiciouns Line 229
Of anglis and of slye reflexiouns, Line 230
And seyde that in rome was swich oon Line 231
They speken of alocen and vitulon, Line 232
And aristotle, that writen in hir lyves Line 233
Of queynte mirours and of perspectives, Line 234
As knowen they that han hire bookes herd. Line 235
And oother folk han wondred on the swerd Line 236
That wolde percen thurghout every thyng, Line 237
And fille in speche of thelophus the kyng, Line 238
And of achilles with his queynte swerd Line 239
For he koude with it bothe heele and dere. Line 240
Right in swich wise as men may with the swerd Line 241
Of which right now ye han youreselven herd. Line 242
They speken of sondry hardyng of metal, Line 243
And speke of medicynes therwithal, Line 244
And how and whanne it sholde yharded be, Line 245
Which is unknowe, algates unto me. Line 246
Tho speeke they of canacees ryng, Line 247
And seyden alle that swich an wonder thyng Line 248
Of craft of rynges herde they nevere noon, Line 249
Save that he moyses and kyng salomon Line 250
Hadde a name of konnyng in swich art. Line 251
Thus seyn the peple, and drawen hem apart. Line 252
But nathelees somme seiden that it was Line 253
Wonder to maken of fern-asshen glas, Line 254
And yet nys glas nat lyk asshen of fern; Line 255
But, for they han yknowen it so fern, Line 256
Therfore cesseth hir janglyng and hir wonder. Line 257
As soore wondren somme on cause of thonder, Line 258
On ebbe, on flood, on gossomer, and on myst, Line 259
And alle thyng, til that the cause is wyst. Line 260
Thus jangle they, and demen, and devyse, Line 261
Til that the kyng gan fro the bord aryse. Line 262
Phebus hath laft the angle meridional, Line 263
And yet ascendynge was the beest roial, Line 264
The gentil leon, with his aldiran, Line 265
Whan that this tartre knyg, this cambyuskan, Line 266
Roos fro his bord, ther as he sat ful hye. Line 267
Toforn hym gooth the loude mynstralcye, Line 268
Til he cam to his chambre of parementz, Line 269
Ther as they sownen diverse instrumentz, Line 270
That it is lyk an hevene for the heere. Line 271
Now dauncen lusty venus children deere, Line 272
For in the fyssh hir lady sat ful hye, Line 273
And looketh on hem with a freendly ye. Line 274
This noble kyng is set upon his trone. Line 275
This strange knyght is fet to hym ful soone, Line 276
And on the daunce he gooth with canacee. Line 277
Heere is the revel and the jolitee Line 278
That is nat able a dul man to devyse. Line 279
He moste han knowen love and his servyse, Line 280
And been a feestlych man as fressh as may, Line 281
That sholde yow devysen swich array. Line 282
Page 131
Line 282
Who koude telle yow the forme of daunces Line 283
So unkouthe, and swiche fresshe contenaunces, Line 284
Swich subtil lookyng and disymulynges Line 285
For drede of jalouse meenes aperceyvynges? Line 286
No man but launcelot, and he is deed. Line 287
Therfore I passe of al this lustiheed; Line 288
I sey namoore, but in this jolynesse Line 289
I lete hem, til men to the soper dresse. Line 290
The styward bit the spices for the hye, Line 291
And eek the wyn, in al this melodye. Line 292
The usshers and the squiers been ygoon, Line 293
The spices and the wyn is come anoon. Line 294
They ete and drynke; and whan this hadde and ende, Line 295
Unto the temple, as reson was, they wende. Line 296
The service doon, they soupen al by day. Line 297
What nedeth yow rehercen hire array? Line 298
Ech man woot wel that at a kynges feeste Line 299
Hath plentee to the meeste and to the leeste, Line 300
And deyntees mo than been in my knowyng. Line 301
At after-soper gooth this noble kyng Line 302
To seen this hors of bras, with al a route Line 303
Of lordes and of ladyes hym aboute. Line 304
Swich wondryng was ther on this hors of bras Line 305
That syn the grete sege of troie was, Line 306
Theras men wondreden on an hors also, Line 307
Ne was ther swich a wondryng as was tho. Line 308
But fynally the kyng axeth this knyght Line 309
The vertu of this courser and the myght, Line 310
And preyde hym to telle his governaunce. Line 311
This hors anoon bigan to trippe and daunce, Line 312
Whan that this knyght leyde hand upon his reyne, Line 313
And seyde, sire, ther is namoore to seyne, Line 314
But, whan yow list to ryden anywhere, Line 315
Ye mooten trille a pyn, stant in his ere, Line 316
Which I shal telle yow bitwix us two. Line 317
Ye moote nempne hym to what place also, Line 318
Or to what contree, that yow list to ryde. Line 319
And whan ye come ther as yow list abyde, Line 320
Bidde hym descende, and trille another pyn, Line 321
For therin lith th' effect of al the gyn, Line 322
And he wol doun descende and doon youre wille, Line 323
And in that place he wol abyde stille. Line 324
Though al the world the contrarie hadde yswore, Line 325
He shal nat thennes been ydrawe ne ybore. Line 326
Or, if yow liste bidde hym thennes goon, Line 327
Trille this pyn, and he wol vanysshe anoon Line 328
Out of the sighte of every maner wight, Line 329
And come agayn, be it by day or nyght, Line 330
Whan that yow list to clepen hym ageyn Line 331
In swich a gyse as I shal to yow seyn Line 332
Bitwixe yow and me, and that ful soone. Line 333
Ride whan yow list, ther is namoore to doone. Line 334
Enformed whan the kyng was of that knyght, Line 335
And hath conceyved in his wit aright Line 336
The manere and the forme of al this thyng, Line 337
Ful glad and blithe, this noble doughty kyng Line 338
Repeireth to his revel as biforn. Line 339
The brydel is unto the tour yborn Line 340
And kept among his jueles leeve and deere, Line 341
The hors vanysshed, I noot in what manere, Line 342
Out of hir sighte; ye gete namoore of me. Line 343
But thus I lete in lust and jolitee Line 344
This cambyuskan his lordes festeiynge, Line 345
Til wel ny the day bigan to sprynge. Line 346 Explicit prima pars.
Sequitur pars secunda
The norice of digestioun, the sleep, Line 347 Gan on hem wynke and bad hem taken keep Line 348 That muchel drynke and labour wolde han reste; Line 349 And with a galpyng mouth hem alle he keste, Line 350 And seyde that it was tyme to lye adoun, Line 351 For blood was in his domynacioun. Line 352 Cherisseth blood, natures freend, quod he. Line 353 They thanken hym galpynge, by two, by thre, Line 354 And every wight gan drawe hym to his reste, Line 355 As sleep hem bad; they tooke it for the beste. Line 356 Hire dremes shul nat now been toold for me; Line 357 Ful were hire heddes of fumositee, Line 358 That causeth dreem of which ther nys no charge. Line 359 They slepen til that it was pryme large, Line 360 The mooste part, but it were canacee. Line 361 She was ful mesurable, as wommen be; Line 362 For of hir fader hadde she take leve Line 363 To goon to reste soone after it was eve. Line 364 Hir liste nat appalled for to be, Line 365 Ne on the morwe unfeestlich for to se, Line 366 And slepte hire firste sleep, and thanne awook. Line 367 For swich a joye she in hir herte took Line 368 Bothe of hir queynte ryng and hire mirour, Line 369 That twenty tyme she changed hir colour; Line 370 And in hire sleep, right for impressioun Line 371 Of hire mirour, she hadde a visioun. Line 372 Wherfore, er that the sonne gan up glyde, Line 373 She cleped on hir maistresse hire bisyde, Line 374 And seyde that hire liste for to ryse. Line 375 Thise olde wommen that been gladly wyse, Line 376 As is hire maistresse, answerde hire anon, Line 377 And seyde, madame, whider wil ye goon Line 378Page 132
Line 378
Thus erly, for the folk been alle on reste? Line 379
I wol, quod she, arise, for me leste Line 380
Ne lenger for to slepe, and walke aboute. Line 381
Hire maistresse clepeth wommen a greet route, Line 382
And up they rysen, wel a ten or twelve; Line 383
Up riseth fresshe canacee hireselve, Line 384
As rody and bright as dooth the yonge sonne, Line 385
That in the ram is foure degrees up ronne -- Line 386
Noon hyer was he whan she redy was -- Line 387
And forth she walketh esily a pas, Line 388
Arrayed after the lusty seson soote Line 389
Lightly, for to pleye and walke on foote, Line 390
Nat but with fyve or sixe of hir meynee; Line 391
And in a trench forth in the park gooth she. Line 392
The vapour which that fro the erthe glood Line 393
Made the sonne to seme rody and brood; Line 394
But nathelees it was so fair a sighte Line 395
That it made alle hire hertes for to lighte, Line 396
What for the seson and the morwenynge, Line 397
And for the foweles that she herde synge. Line 398
For right anon she wiste what they mente, Line 399
Right by hir song, and knew al hire entente. Line 400
The knotte why that every tale is toold, Line 401
If it be taried til that lust be coold Line 402
Of hem that han it after herkned yoore, Line 403
The savour passeth ever lenger the moore, Line 404
For fulsomnesse of his prolixitee; Line 405
And by the same resoun, thynketh me, Line 406
I sholde to the knotte condescende, Line 407
And maken of hir walkyng soone an ende. Line 408
Amydde a tree, for drye as whit as chalk, Line 409
As canacee was pleyyng in hir walk, Line 410
Ther sat a faucon over hire heed ful hye, Line 411
That with a pitous voys so gan to crye Line 412
That all the wode resouned of hire cry. Line 413
Ybeten hadde she hirself so pitously Line 414
With bothe hir wynges, til the rede blood Line 415
Ran endelong the tree ther-as she stood. Line 416
And evere in oon she cryde alwey and shrighte, Line 417
And with hir beek herselven so she prighte, Line 418
That ther nys tygre, ne noon so crueel beest, Line 419
That dwelleth outher in wode or in forest, Line 420
That nolde han wept, if that he wepe koude, Line 421
For sorwe of hire, she shrighte alwey so loude. Line 422
For ther nas nevere yet no man on lyve, Line 423
If that I koude a faucon wel discryve, Line 424
That herde of swich another of fairnesse, Line 425
As wel of plumage as of gentillesse Line 426
Of shap, of al that myghte yrekened be. Line 427
A faucon peregryn thanne semed she Line 428
Of fremde land; and everemoore, as she stood, Line 429
She swowneth now and now for lak of blood, Line 430
Til wel neigh is she fallen fro the tree. Line 431
This faire kynges doghter, canacee, Line 432
That on hir fynger baar the queynte ryng, Line 433
Thurgh which she understood wel every thyng Line 434
That any fowel may in his leden seyn, Line 435
And koude answeren hym in his ledene ageyn, Line 436
Hath understonde what this faucon seyde, Line 437
And wel neigh for the routhe almoost she deyde. Line 438
And to the tree she gooth ful hastily, Line 439
And on this faukon looketh pitously, Line 440
And heeld hir lappe abrood, for wel she wiste Line 441
The faukon moste fallen fro the twiste, Line 442
Whan that it swowned next, for lak of blood. Line 443
A longe whil to wayten hire she stood, Line 444
Til atte laste she spak in this manere Line 445
Unto the hauk, as ye shal after heere: Line 446
What is the cause, if it be for to telle, Line 447
That ye be in this furial pyne of helle? Line 448
Quod canacee unto this hauk above. Line 449
Is this for sorwe of deeth or los of love? Line 450
For, as I trowe, thise been causes two Line 451
That causen moost a gentil herte wo; Line 452
Of oother harm it nedeth nat to speke. Line 453
For ye youreself upon yourself yow wreke, Line 454
Which proveth wel that outher ire or drede Line 455
Moot been enchesoun of youre cruel dede, Line 456
Syn that I see noon oother wight yow chace. Line 457
For love of god, as dooth youreselven grace, Line 458
Or what may been youre help? for west nor est Line 459
Ne saugh I nevere er now no bryd ne beest Line 460
That ferde with hymself so pitously. Line 461
Ye sle me with youre sorwe verraily, Line 462
I have of yow so greet compassioun. Line 463
For goddes love, com fro the tree adoun; Line 464
And as I am a kynges doghter trewe, Line 465
If that I verraily the cause knewe Line 466
Of youre disese, if it lay in my myght, Line 467
I wole amenden it er that it were nyght, Line 468
As wisly helpe me grete God of kynde! Line 469
And herbes shal I right ynowe yfynde Line 470
To heel with youre hurtes hastily. Line 471
Tho shrighte this faucon yet moore pitously Line 472
Than ever she dide, and fil to grounde anon, Line 473
And lith aswowne, deed and lyk a stoon, Line 474
Til canacee hath in hire lappe hire take Line 475
Unto the tyme she gan of swough awake. Line 476
And after that she of hir swough gan breyde, Line 477
Right in hir haukes ledene thus she seyde: Line 478
That pitee renneth soone in gentil herte, Line 479
Feelynge his similitude in peynes smerte, Line 480
Is preved alday, as men may it see, Line 481
As wel by werk as by auctoritee; Line 482
For gentil herte kitheth gentillesse. Line 483
I se wel that ye han of my distresse Line 484
Page 133
Line 484
Compassion, my faire canacee, Line 485
Of verray wommanly benignytee Line 486
That nature in youre principles hath set. Line 487
But for noon hope for to fare the bet, Line 488
But for to obeye unto youre herte free, Line 489
And for to maken othere be war by me, Line 490
As by the whelp chasted is the leon, Line 491
Right for that cause and that conclusion, Line 492
Whil that I have a leyser and a space, Line 493
Myn harm I wol confessen er I pace. Line 494
And evere, whil that oon hir sorwe tolde, Line 495
That oother weep as she to water wolde, Line 496
Til that the faucon bad hire to be stille, Line 497
And, with a syk, right thus she seyde hir wille: Line 498
Ther I was bred -- allas, that ilke day! -- Line 499
And fostred in a roche of marbul gray Line 500
So tendrely that no thyng eyled me, Line 501
I nyste nat what was adversitee, Line 502
Til I koude flee ful hye under the sky. Line 503
Tho dwelte a tercelet me faste by, Line 504
That semed welle of alle gentillesse; Line 505
Al were he ful of treson and falsnesse, Line 506
It was so wrapped under humble cheere, Line 507
And under hewe of trouthe in swich manere, Line 508
Under plesance, and under bisy peyne, Line 509
That no wight koude han wend he koude feyne, Line 510
So depe in greyn he dyed his coloures. Line 511
Right as a serpent hit hym under floures Line 512
Til he may seen his tyme for to byte, Line 513
Right so this God of loves ypocryte Line 514
Dooth so his cerymonyes and obeisaunces, Line 515
And kepeth in semblaunt alle his observaunces Line 516
That sownen into gentillesse of love. Line 517
As in a toumbe is al the faire above, Line 518
And under is the corps, swich as ye woot, Line 519
Swich was this ypocrite, bothe coold and hoot. Line 520
And in this wise he served his entente, Line 521
That, save the feend, noon wiste what he mente, Line 522
Til he so longe hadde wopen and compleyned, Line 523
And many a yeer his service to me feyned, Line 524
Til that myn herte, to pitous and to nyce, Line 525
Al innocent of his crouned malice, Line 526
Forfered of his deeth, as thoughte me, Line 527
Upon his othes and his seuretee, Line 528
Graunted hym love, on this condicioun, Line 529
That everemoore myn honour and renoun Line 530
Were saved, bothe privee and apert; Line 531
This is to seyn, that after his desert, Line 532
I yaf hym al myn herte and al my thoght -- Line 533
God woot and he, that ootherwise noght -- Line 534
And took his herte in chaunge of myn for ay. Line 535
But sooth is seyd, goon sithen many a day, Line 536
-- A trewe wight and a theef thenken nat oon. -- Line 537
And whan he saugh the thyng so fer ygoon Line 538
That I hadde graunted hym fully my love, Line 539
In swich a gyse as I have seyd above, Line 540
And yeven hym my trewe herte as free Line 541
As he swoor he yaf his herte to me; Line 542
Anon this tigre, ful of doublenesse, Line 543
Fil on his knees with so devout humblesse, Line 544
With so heigh reverence, and, as by his cheere, Line 545
So lyk a gentil lovere of manere, Line 546
So ravysshed, as it semed, for the joye, Line 547
That nevere jason ne parys of troye -- Line 548
Jason? certes, ne noon oother man Line 549
Syn lameth was, that alderfirst bigan Line 550
To loven two, as writen folk biforn -- Line 551
Ne nevere, syn the firste man was born, Line 552
Ne koude man, by twenty thousand part, Line 553
Countrefete the sophymes of his art, Line 554
Ne were worthy unbokelen his galoche, Line 555
Ther doublenesse or feynyng sholde approche, Line 556
Ne so koude thonke a wight as he dide me! Line 557
His manere was an hevene for to see Line 558
Til any womman, were she never so wys, Line 559
So peynted he and kembde at point-devys Line 560
As wel his wordes as his contenaunce. Line 561
And I so loved hym for his obeisaunce, Line 562
And for the trouthe I demed in his herte, Line 563
That if so were that any thyng hym smerte, Line 564
Al were it never so lite, and I it wiste, Line 565
Me thoughte I felte deeth myn herte twiste. Line 566
And shortly, so ferforth this thyng is went, Line 567
That my wyl was his willes instrument; Line 568
This is to seyn, my wyl obeyed his wyl Line 569
In alle thyng, as fer as reson fil, Line 570
Kepynge the boundes of my worshipe evere. Line 571
Ne nevere hadde I thyng so lief, ne levere, Line 572
As hym, God woot! ne nevere shal namo. Line 573
This laste lenger than a yeer or two, Line 574
That I supposed of hym noght but good. Line 575
But finally, thus atte laste it stood, Line 576
That fortune wolde that he moste twynne Line 577
Out of that place which that I was inne. Line 578
Wher me was wo, that is no questioun; Line 579
I kan nat make of it discripsioun; Line 580
For o thyng dar I tellen boldely, Line 581
I knowe what is the peyne of deeth therby; Line 582
Swich harm I felte for he ne myghte bileve. Line 583
So on a day of me he took his leve, Line 584
So sorwefully eek that I wende verraily Line 585
That he had felt as muche harm as I, Line 586
Whan that I herde hym speke, and saugh his hewe. Line 587
But nathelees, I thoughte he was so trewe, Line 588
And eek that he repaire sholde ageyn Line 589
Withinne a litel while, sooth to seyn; Line 590
Page 134
Line 590
And resoun wolde eek that he moste go Line 591
For his honour, as ofte it happeth so, Line 592
That I made vertu of necessitee, Line 593
And took it wel, syn that it moste be. Line 594
As I best myghte, I hidde fro hym my sorwe, Line 595
And took hym by the hond, seint john to borwe, Line 596
And seyde hym thus: lo, I am youres al; Line 597
Beth swich as I to yow have been and shal. -- Line 598
What he answerde, it nedeth noght reherce; Line 599
Who kan sey bet than he, who kan do werse? Line 600
Whan he hath al wel seyd, thanne hath he doon. Line 601
-- Therfore bihoveth hire a ful long spoon Line 602
That shal ete with a feend, -- thus herde I seye. Line 603
So atte laste he moste forth his weye, Line 604
And forth he fleeth til he cam ther hym leste. Line 605
Whan it cam hym to purpos for to reste, Line 606
I trowe he hadde thilke text in mynde, Line 607
That -- alle thyng, repeirynge to his kynde, Line 608
Gladeth hymself; -- thus seyn men, as I gesse. Line 609
Men loven of propre kynde newefangelnesse, Line 610
As briddes doon that men in cages fede. Line 611
For though thou nyght and day take of hem hede, Line 612
And strawe hir cage faire and softe as silk, Line 613
And yeve hem sugre, hony, breed and milk, Line 614
Yet right anon as that his dore is uppe, Line 615
He with his feet wol spurne adoun his cuppe, Line 616
And to the wode he wole, and wormes ete; Line 617
So newefangel been they of hire mete, Line 618
And loven novelries of propre kynde; Line 619
No gentillesse of blood ne may hem bynde. Line 620
So ferde this tercelet, allas the day! Line 621
Though he were gentil born, and fressh and gay, Line 622
And goodlich for to seen, and humble and free, Line 623
He saugh upon a tyme a kyte flee, Line 624
And sodeynly he loved this kyte so Line 625
That al his love is clene fro me ago; Line 626
And hath his trouthe falsed in this wyse. Line 627
Thus hath the kyte my love in hire servyse, Line 628
And I am lorn withouten remedie! Line 629
And with that word this faucon gan to crie, Line 630
And swowned eft in canacees barm. Line 631
Greet was the sorwe for the haukes harm Line 632
That canacee and alle hir wommen made; Line 633
They nyste hou they myghte the faucon glade. Line 634
But canacee hom bereth hire in hir lappe, Line 635
And softely in plastres gan hire wrappe, Line 636
Ther as she with hire beek hadde hurt hirselve. Line 637
Now kan nat canacee but herbes delve Line 638
Out of the ground, and make salves newe Line 639
Of herbes preciouse and fyne of hewe, Line 640
To heelen with this hauk. Fro day to nyght Line 641
She dooth hire bisynesse and al hire myght, Line 642
And by hire beddes heed she made a mewe, Line 643
And covered it with veluettes blewe, Line 644
In signe of trouthe that is in wommen sene. Line 645
And al withoute, the mewe is peynted grene, Line 646
In which were peynted alle this false fowles, Line 647
As ben thise tidyves, tercelettes, and owles; Line 648
Right for despit were peynted hem bisyde, Line 649
Pyes, on hem for to crie and chyde. Line 650
Thus lete I canacee hir hauk kepyng; Line 651
I wol namoore as now speke of hir ryng, Line 652
Til it come eft to purpos for to seyn Line 653
How that this faucon gat hire love ageyn Line 654
Repentant, as the storie telleth us, Line 655
By mediacion of cambalus, Line 656
The kynges sone, of which that I yow tolde. Line 657
But hennesforth I wol my proces holde Line 658
To speken of aventures and of batailles, Line 659
That nevere yet was herd so grete mervailles. Line 660
First wol I telle yow of cambyuskan, Line 661
That in his tyme many a citee wan; Line 662
And after wol I speke of algarsif, Line 663
How that he wan theodora to his wif, Line 664
For whom ful ofte in greet peril he was, Line 665
Ne hadde he ben helpen by the steede of bras; Line 666
And after wol I speke of cambalo, Line 667
That faught in lystes with the bretheren two Line 668
For canacee er that he myghte hire wynne. Line 669
And ther I lefte I wol ayeyn bigynne. Line 670 Explicit secunda pars.
Incipit pars tercia.
Appollo whirleth up his chaar so hye, Line 671 Til that the God mercurius hous, the slye -- Line 672The Franklin's words to the Squire
In feith, squier, thow hast thee wel yquit Line 673 And gentilly. I preise wel thy wit, Line 674 Quod the frankeleyn, considerynge thy yowthe, Line 675 So feelyngly thou spekest, sire, I allow the! Line 676 As to my doom, ther is noon that is heere Line 677 Of eloquence that shal be thy peere, Line 678 If that thou lyve; God yeve thee good chaunce, Line 679 And in vertu sende thee continuance! Line 680 For of thy speche I have greet deyntee. Line 681Page 135
Line 681
I have a sone, and by the trinitee, Line 682
I hadde levere than twenty pounnd worth lond, Line 683
Though it right now were fallen in myn hond, Line 684
He were a man of swich discrecioun Line 685
As that ye been! fy on possessioun, Line 686
But if a man be vertuous withal! Line 687
I have my sone snybbed, and yet shal, Line 688
For he to vertu listeth nat entende; Line 689
But for to pleye at dees, and to despende Line 690
And lese al that he hath, is his usage. Line 691
And he hath levere talken with a page Line 692
Than to comune with any gentil wight Line 693
Where he myghte lerne gentillesse aright. Line 694
Straw for youre gentillesse! quod oure hoost. Line 695
What, frankeleyn! pardee, sire, wel thou woost Line 696
That ech of yow moot tellen atte leste Line 697
A tale or two, or breken his biheste. Line 698
That knowe I wel, sire, quod the frankeleyn. Line 699
I prey yow, haveth me nat in desdeyn, Line 700
Though to this man I speke a word or two. Line 701
Telle on thy tale withouten wordes mo. Line 702
Gladly, sire hoost, quod he, I wole obeye Line 703
Unto your wyl; now herkneth what I seye. Line 704
I wol yow nat contrarien in no wyse Line 705
As fer as that my wittes wol suffyse. Line 706
I prey to God that it may plesen yow; Line 707
Thanne woot I wel that it is good ynow. Line 708
The Franklin's Prologue
Thise olde gentil britouns in hir dayes Line 709 Of diverse aventures maden layes, Line 710 Rymeyed in hir firste briton tonge; Line 711 Whiche leyes with hir instrumentz songe, Line 712 Or elles redden hem for hir plesaunce, Line 713 And oon of hem have I in remembraunce, Line 714 Which I shal seyn with good wyl as I kan. Line 715 But, sires, by cause I am a burel man, Line 716 At my bigynnyng first I yow biseche, Line 717 Have me excused of my rude speche. Line 718 I lerned nevere rethorik, certeyn; Line 719 Thyng that I speke, it moot be bare and pleyn. Line 720 I sleep nevere on the mount of pernaso, Line 721 Ne lerned marcus tullius scithero. Line 722 Colours ne knowe I none, withouten drede, Line 723 But swiche colours as growen in the mede, Line 724 Or elles swiche as men dye or peynte. Line 725 Colours of rethoryk been to me queynte; Line 726 My spririt feeleth noght of swich mateere. Line 727 But if yow list, my tale shul ye heere. Line 728The Franklin's Tale
In armorik, that called is britayne, Line 729 Ther was a knyght that loved and dide his payne Line 730 To serve a lady in his beste wise; Line 731 And many a labour, many a greet emprise Line 732 He for his lady wroghte, er she were wonne. Line 733 For she was oon the faireste under sonne, Line 734 And eek therto comen of so heigh kynrede Line 735 That wel unnethes dorste this knyght, drede, Line 736 Telle hire his wo, his peyne, and his distresse. Line 737 But atte laste she, for his worthynesse, Line 738 And namely for his meke obeysaunce, Line 739 Hath swich a pitee caught of his penaunce Line 740 That pryvely she fil of his accord Line 741 To take hym for hir housbonde and hir lord, Line 742 Of swich lordshipe as men han over hir wyves. Line 743 And for to lede the moore in blisse hir lyves, Line 744 Of his free wyl he swoor hire as a knyght Line 745 That nevere in al his lyf he, day ne nyght, Line 746Page 136
Line 746
Ne sholde upon hym take no maistrie Line 747
Agayn hir wyl, ne kithe hire jalousie, Line 748
But hire obeye, and folwe hir wyl in al, Line 749
As any lovere to his lady shal, Line 750
Save that the name of soveraynetee, Line 751
That wolde he have for shame of his degree. Line 752
She thanked hym, and with ful greet humblesse Line 753
She seyde, sire, sith of youre gentillesse Line 754
Ye profre me to have so large a reyne, Line 755
Ne wolde nevere God bitwixe us tweyne, Line 756
As in my gilt, were outher werre or stryf. Line 757
Sire, I wol be youre humble trewe wyf; Line 758
Have heer my trouthe, til that myn herte breste. Line 759
Thus been they bothe in quiete and in reste. Line 760
For o thyng, sires, saufly dar I seye, Line 761
That freendes everych oother moot obeye, Line 762
If they wol longe holden compaignye. Line 763
Love wol nat been constreyned by maistrye. Line 764
Whan maistrie comth, the God of love anon Line 765
Beteth his wynges, and farewel, he is gon! Line 766
Love is a thyng as any spirit free. Line 767
Wommen, of kynde, desiren libertee, Line 768
And nat to been constreyned as a thral; Line 769
And so doon men, if I sooth seyen shal. Line 770
Looke who that is moost pacient in love, Line 771
He is at his advantage al above. Line 772
Pacience is an heigh vertu, certeyn, Line 773
For it venquysseth, as thise clerkes seyn, Line 774
Thynges that rigour sholde nevere atteyne. Line 775
For every word men may nat chide or pleyne. Line 776
Lerneth to suffre, or elles, so moot I goon, Line 777
Ye shul it lerne, wher so ye wole or noon; Line 778
For in this world, certein, ther no wight is Line 779
That he ne dooth or seith somtyme amys. Line 780
Ire, siknesse, or constellacioun, Line 781
Wyn, wo, or chaungynge of complexioun Line 782
Causeth ful ofte to doon amys or speken. Line 783
On every wrong a man may nat be wreken. Line 784
After the tyme moste be temperaunce Line 785
To every wight that kan on governaunce. Line 786
And therfore hath this wise, worthy knyght, Line 787
To lyve in ese, suffrance hire bihight, Line 788
And she to hym ful wisly gan to swere Line 789
That nevere sholde ther be defaunte in here. Line 790
Heere may men seen an humble, wys accord; Line 791
Thus hath she take hir servant and hir lord, -- Line 792
Servant in love, and lord in mariage. Line 793
Thanne was he bothe in lordshipe and servage. Line 794
Servage? nay, but in lordshipe above, Line 795
Sith he hath bothe his lady and his love; Line 796
His lady, certes, and his wyf also, Line 797
The which that lawe of love acordeth to. Line 798
And whan he was in this prosperitee, Line 799
Hoom with his wyf he gooth to his contree, Line 800
Nat fer fro pedmark, ther his dwellyng was, Line 801
Where as he lyveth in blisse and in solas. Line 802
Who koude telle, but he hadde wedded be, Line 803
The joye, the ese, and the prosperitee Line 804
That is bitwixe and housbonde and his wyf? Line 805
A yeer and moore lasted this blisful lyf, Line 806
Til that the knyght of which I speke thus, Line 807
That of kayrrud was cleped arveragus, Line 808
Shoop hym to goon and dwelle a yeer or tweyne Line 809
In engelond, that cleped was eek briteyne, Line 810
To seke in armes worshipe and honour; Line 811
For al his lust he sette in swich labour; Line 812
And dwelled there two yeer, the book seith thus. Line 813
now wol I stynten of this arveragus, Line 814
And speken I wole of dorigen his wyf, Line 815
That loveth hire housbonde as hire hertes lyf, Line 816
For his absence wepeth she and siketh, Line 817
As doon thise noble wyves whan hem liketh. Line 818
She moorneth, waketh, wayleth, fasteth, pleyneth; Line 819
Desir of his presence hire so destreyneth Line 820
That al this wyde world she sette at noght. Line 821
Hire freendes, whiche that knewe hir hevy thoght, Line 822
Conforten hire in al that ever they may. Line 823
They prechen hire, they telle hire nyght and day Line 824
That causelees she sleeth hirself, allas! Line 825
And every confort possible in this cas Line 826
They doon to hire with al hire bisynesse, Line 827
Al for to make hire leve hire hevynesse. Line 828
by process, as ye knowen everichoon, Line 829
Men may so longe graven in a stoon Line 830
Til som figure therinne emprented be. Line 831
So longe han they conforted hire, til she Line 832
Receyved hath, by hope and by resoun, Line 833
The empreyntyng of hire consolacioun, Line 834
Thurgh which hir grete sorwe gan aswage; Line 835
She may nat alwey duren in swich rage Line 836
and eek arveragus, in al this care, Line 837
Hath sent hire lettres hoom of his welfare, Line 838
And that he wol come hastily agayn; Line 839
Or elles hadde this sorwe hir herte slayn. Line 840
hire freendes sawe hir sorwe gan to slake, Line 841
And preyde hire on knees, for goddes sake, Line 842
To come and romen hire in compaignye, Line 843
Awey to dryve hire derke fantasye. Line 844
And finally she graunted that requeste, Line 845
For wel she saugh that it was for the beste. Line 846
now stood hire castel faste by the see, Line 847
And often with hire freendes walketh shee, Line 848
Page 137
Line 848
Hire to disporte, upon the bank an heigh, Line 849
Where as she many a ship and barge seigh Line 850
Seillynge hir cours, where as hem liste go. Line 851
But thanne was that a parcel of hire wo, Line 852
For to hirself ful ofte, allas! seith she, Line 853
Is ther no ship, of so manye as I se, Line 854
Wol bryngeth hom my lord? thanne were myn herte Line 855
Al warisshed of his bittre peynes smerte. Line 856
another tyme them wolde she sitte and thynke, Line 857
And caste hir eyen dounward fro the brynke. Line 858
But whan she saugh the grisly rokkes blake, Line 859
For verray feere so wolde hir herte quake Line 860
That on hire feet she myghte hire noght sustene. Line 861
Thanne wolde she sitte adoun upon the grene, Line 862
And pitously into the see biholde, Line 863
And seyn right thus, with sorweful sikes colde -- Line 864
eterne god, that thurgh thy purveiaunce Line 865
Ledest the world by certein governaunce, Line 866
In ydel, as men seyn, ye no thyng make, Line 867
But, lord, thise grisly feendly rokkes blake, Line 868
That semen rather a foul confusion Line 869
Of werk than any fair creacion Line 870
Of swich a parfit wys God and a stable Line 871
Why han ye wroght this werk unresonable? Line 872
For by this werk, south, north, ne west, ne eest, Line 873
Ther nys yfostred man, ne bryd, ne beest; Line 874
It dooth no good, to my wit, but anoyeth. Line 875
So ye nat, lord, how mankynde it destroyeth? Line 876
An hundred thousand bodyes of mankynde Line 877
Han rokkes slayn, al be they nat in mynde, Line 878
Which mankynde is so fair part of thy werk Line 879
That thou it madest lyk to thyn owene merk. Line 880
Thanne semed it ye hadde a greet chiertee Line 881
Toward mankynde; but how thanne may it bee Line 882
That ye swiche meenes make it to destroyen, Line 883
Whiche meenes do no good, but evere anoyen? Line 884
I woot wel clerkes wol seyn as hem leste, Line 885
By argumentz, that al is for the beste, Line 886
Though I ne kan the causes nat yknowe. Line 887
But thilke God that made wynd to blowe Line 888
As kepe my lord! this my conclusion. Line 889
To clerkes lete I al disputison. Line 890
But wolde God that alle thise rokkes blake Line 891
Were sonken into helle for his sake! Line 892
Thise rokkes sleen myn herte for the feere. Line 893
Thus wolde she seyn, with many a pitous teere. Line 894
hire freendes sawe that it was no disport Line 895
To romen by the see, but disconfort, Line 896
And shopen for to pleyen somwher elles. Line 897
They leden hire by ryveres and by welles, Line 898
And eek in othere places delitables; Line 899
They dauncen, and they pleyen at ches and tables. Line 900
so on a day, right in the morwe-tyde, Line 901
Unto a gardyn that was ther bisyde, Line 902
In which that they hadde maad hir ordinaunce Line 903
Of vitaille and of oother purveiaunce, Line 904
They goon and pleye hem al the longe day. Line 905
And this was on the sixte morwe of may, Line 906
Which may hadde peynted with his softe shoures Line 907
This gardyn ful of leves and of floures; Line 908
And craft of mannes hand so curiously Line 909
Arrayed hadde this gardyn, trewely, Line 910
That nevere was ther gardyn of swich prys, Line 911
But if it were the verray paradys. Line 912
The odour of floures and the fresshe sighte Line 913
Wolde han maked any herte lighte Line 914
That evere was born, but if to greet siknesse, Line 915
Or to greet sorwe, helde it in distresse; Line 916
So ful it was of beautee with plesaunce. Line 917
At after-dyner gonne they to daunce, Line 918
And synge also, save dorigen allone, Line 919
Which made alwey hir compleint and hir moone, Line 920
For she ne saugh hym on the daunce go Line 921
That was hir housbonde and hir love also. Line 922
But nathelees she moste a tyme abyde, Line 923
And with good hope lete hir sorwe slyde. Line 924
upon this daunce, amonges othere men, Line 925
Daunced a squier biforn dorigen, Line 926
That fressher was and jolyer of array, Line 927
As to my doom, than is the month of may. Line 928
He syngeth, daunceth, passynge any man Line 929
That is, or was, sith that the world bigan. Line 930
Therwith he was, if men sholde hym discryve, Line 931
Oon of the beste farynge man on lyve; Line 932
Yong, strong, right vertuous, and riche, and wys, Line 933
And wel biloved, and holden in greet prys. Line 934
And shortly, if the sothe I tellen shal, Line 935
Unwityng of this dorigen at al, Line 936
This lusty squier, servant to venus, Line 937
Which that ycleped was aurelius, Line 938
Hadde loved hire best of any creature Line 939
Two yeer and moore, as was his aventure, Line 940
But nevere dorste he tellen hire his grevaunce. Line 941
Withouten coppe he drank al his penaunce. Line 942
He was despeyred; no thyng dorste he seye, Line 943
Save in his songes somwhat wolde he wreye Line 944
His wo, as in a general compleynyng; Line 945
He seyde he lovede, and was biloved no thyng. Line 946
Of swich matere made he manye layes, Line 947
Songes, compleintes, roundels, virelayes, Line 948
How that he dorste nat his sorwe telle, Line 949
Page 138
Line 949
But langwissheth as a furye dooth in helle; Line 950
And dye he moste, he seyde, as dide ekko Line 951
For narcisus, that dorste nat telle hir wo. Line 952
In oother manere than ye heere me seye, Line 953
Ne dorste he nat to hire his wo biwreye, Line 954
Save that, paraventure, somtyme at daunces, Line 955
Ther yonge folk kepen hir observaunces, Line 956
It may wel be he looked on hir face Line 957
In swich a wise as man that asketh grace; Line 958
But nothyng wiste she of his entente. Line 959
Nathelees it happed, er they thennes wente, Line 960
By cause that he was hire neighebour, Line 961
And was a man of worshipe and honour, Line 962
And hadde yknowen hym of tyme yoore, Line 963
They fille in speche; and forth, moore and moore, Line 964
Unto his purpos drough aurelius, Line 965
and whan he saugh his tyme, he seyde thus -- Line 966
madame, quod he, by God that this world made, Line 967
So that I wiste it myghte youre herte glade, Line 968
I wolde that day that youre arveragus Line 969
Wente over the see, that I, aurelius, Line 970
Hadde went ther nevere I sholde have come agayn. Line 971
For wel I woot my servyce is in vayn; Line 972
My gerdon is but brestyng of myn herte. Line 973
Madame, reweth upon my peynes smerte; Line 974
For with a word ye may me sleen or save. Line 975
Heere at youre feet God wolde that I were grave! Line 976
I ne have as now no leyser moore to seye; Line 977
Have mercy, sweete, or ye wol do me deye! Line 978
she gan to looke upon aurelius -- Line 979
Is this youre wyl, quod she, and sey ye thus? Line 980
Nevere erst, quod she, ne wiste I what ye mente. Line 981
But now, aurelie, I knowe your entente, Line 982
By thilke God that yaf me soule and lyf, Line 983
Ne shal I nevere been untrewe wyf Line 984
In word ne werk, as fer as I have wit; Line 985
I wol been his to whom that I am knyt. Line 986
Taak this for fynal answere as of me. Line 987
But after that in pley thus seyde she -- Line 988
aurelie, quod she, by heighe God above, Line 989
Yet wolde I graunte yow to been youre love, Line 990
Syn I yow se so pitously complayne. Line 991
Looke what day that endelong britayne Line 992
Ye remoeve alle the rokkes, stoon by stoon, Line 993
That they ne lette ship ne boot to goon, -- Line 994
I seye, whan ye han maad the coost so clene Line 995
Of rokkes that ther nys no stoon ysene, Line 996
Thanne wol I love yow best of any man, Line 997
Have heer my trouthe, in al that evere I kan. Line 998
Is ther noon oother grace in yow? quod he. Line 999
no, by that lord, quod she, that maked me! Line 1000
For wel I woot that it shal never bityde. Line 1001
Lat swiche folies out of youre herte slyde. Line 1002
What deyntee sholde a man han in his lyf Line 1003
For to go love another mannes wyf, Line 1004
That hath hir body whan so that hym liketh? Line 1005
aurelius ful ofte soore siketh; Line 1006
Wo was aurelie whan that he this herde, Line 1007
And with a sorweful herte he thus answerde; Line 1008
madame, quod he, this were inpossible! Line 1009
Thanne moot I dye of sodeyn deth horrible. Line 1010
And with that word he turned hym anon. Line 1011
Tho coome hir othere freendes many oon, Line 1012
And in the aleyes romeden up and doun, Line 1013
And nothyng wiste of this conclusioun, Line 1014
But sodeynly bigonne revel newe Line 1015
Til that the brighte sonne loste his hewe; Line 1016
For th'orisonte hath reft the sonne his lyght, -- Line 1017
This is as muche to seye as it was nyght! -- Line 1018
And hoom they goon in joye and in solas, Line 1019
Save oonly wrecche aurelius, allas! Line 1020
He to his hous is goon with sorweful herte. Line 1021
He seeth he may nat fro his deeth asterte; Line 1022
Hym semed that he felte his herte colde. Line 1023
Up to the hevene his handes he gan holde, Line 1024
And on his knowes bare he sette hym doun, Line 1025
And in his ravyng seyde his orisoun. Line 1026
For verray wo out of his wit he breyde. Line 1027
He nyste what he spak, but thus he seyde; Line 1028
With pitous herte his pleynt hath bigonne Line 1029
Unto the goddes, and first unto the sonne; Line 1030
he seyde, appollo, God and governour Line 1031
Of every plaunte, herbe, tree, and flour, Line 1032
That yevest, after thy declinacion, Line 1033
To ech of hem his tyme and his seson, Line 1034
As thyn herberwe chaungeth lowe or heighe, Line 1035
Lord phebus, cast thy merciable eighe Line 1036
On wrecche aurelie, which that am but lorn. Line 1037
Lo, lord! my lady hath my deeth ysworn Line 1038
Withoute gilt, but thy benignytee Line 1039
Upon my dedly herte have som pitee. Line 1040
For wel I woot, lord phebus, if yow lest, Line 1041
Ye may me helpen, save my lady, best. Line 1042
Now voucheth sauf that I may yow devyse Line 1043
How that I may been holpen and in what wyse. Line 1044
youre blisful suster, lucina the sheene, Line 1045
That of the see is chief goddesse and queene Line 1046
(though neptunus have deitee in the see,, Line 1047
Yet emperisse aboven hym is she), Line 1048
Ye knowen wel, lord, that right as hir desir Line 1049
Is to be quyked and lighted of youre fir, Line 1050
Page 139
Line 1050
For which she folweth yow ful bisily, Line 1051
Right so the see desireth naturelly Line 1052
To folwen hire, as she that is goddesse Line 1053
Bothe in the see and ryveres moore and lesse. Line 1054
Wherfore, lord phebus, this is my requeste -- Line 1055
Do this miracle, or do myn herte breste -- Line 1056
That now next at this opposicion Line 1057
Which in the signe shal be of the leon, Line 1058
As preieth hire so greet a flood to brynge Line 1059
That fyve fadme at the leeste it oversprynge Line 1060
The hyeste rokke in armorik briteyne; Line 1061
And lat this flood endure yeres tweyne. Line 1062
Thanne certes to my lady may I seye, Line 1063
'holdeth youre heste, the rokkes been aweye.' Line 1064
lord phebus, dooth this miracle for me. Line 1065
Preye hire she go no faster cours than ye; Line 1066
I seye, preyeth your suster that she go Line 1067
No faster cours than ye thise yeres two. Line 1068
Thanne shal she been evene atte fulle alwey, Line 1069
And spryng flood laste bothe nyght and day. Line 1070
And but she vouche sauf in swich manere Line 1071
To graunte me my sovereyn lady deere, Line 1072
Prey hire to synken every rok adoun Line 1073
Into hir owene dirke regioun Line 1074
Under the ground, ther pluto dwelleth inne, Line 1075
Or nevere mo shal I my lady wynne. Line 1076
Thy temple in delphos wol I barefoot seke. Line 1077
Lord phebus, se the teris on my cheke, Line 1078
And of my peyne have som compassioun. Line 1079
And with that word in swowne he fil adoun, Line 1080
And longe tyme he lay forth in a traunce. Line 1081
his brother, which that knew of his penaunce, Line 1082
Up caughte hym, and to bedde he hath hym broght. Line 1083
Dispeyred in this torment and this thoght Line 1084
Lete I this woful creature lye; Line 1085
Chese he, for me, wheither he wol lyve or dye. Line 1086
arveragus, with heele and greet honour, Line 1087
As he that was of chivalrie the flour, Line 1088
Is comen hoom, and othere worthy men. Line 1089
O blisful artow now, thou dorigen, Line 1090
That hast thy lusty housbonde in thyne armes, Line 1091
The fresshe knyght, the worthy man of armes, Line 1092
That loveth thee as his owene hertes lyf. Line 1093
No thyng list hym to been ymaginatyf, Line 1094
If any wight hadde spoke, whil he was oute, Line 1095
To hire of love; he hadde of it no doute. Line 1096
He noght entendeth to no swich mateere, Line 1097
But daunceth, justeth, maketh hire good cheere; Line 1098
And thus in joye and blisse I lete hem dwelle, Line 1099
And of the sike aurelius wol I telle. Line 1100
in langour and in torment furyus Line 1101
Two yeer and moore lay wrecche aurelyus, Line 1102
Er any foot he myghte on erthe gon; Line 1103
Ne confort in this tyme hadde he noon, Line 1104
Save of his brother, which that was a clerk. Line 1105
He knew of al this wo and al this werk; Line 1106
For to noon oother creature, certeyn, Line 1107
Of this matere he dorste no word seyn. Line 1108
Under his brest he baar it moore secree Line 1109
Than evere dide pamphilus for galathee. Line 1110
His brest was hool, withoute for to sene, Line 1111
But in his herte ay was the arwe kene. Line 1112
And wel ye knowe that of a sursanure Line 1113
In surgerye is perilus the cure, Line 1114
But men myghte touche the arwe, or come therby. Line 1115
His brother weep and wayled pryvely, Line 1116
Til atte laste hym fil in remembraunce, Line 1117
That whiles he was at orliens in fraunce, Line 1118
As yonge clerkes, that been lykerous Line 1119
To redern artes that been curious, Line 1120
Seken in every halke and every herne Line 1121
Particuler sciences for to lerne -- Line 1122
He hym remembred that, upon a day, Line 1123
At orliens in studie a book he say Line 1124
Of magyk natureel, which his felawe, Line 1125
That was that tyme a bacheler of lawe, Line 1126
Al were he ther to lerne another craft, Line 1127
Hadde prively upon his desk ylaft; Line 1128
Which book spak muchel of the operaciouns Line 1129
Touchynge the eighte and twenty mansiouns Line 1130
That longen to the moone, and swich folye Line 1131
As in oure dayes is nat worth a flye, -- Line 1132
For hooly chirches feith in our bileve Line 1133
Ne suffreth noon illusioun us to greve. Line 1134
And whan this book was in his remembraunce, Line 1135
Anon for joye his herte gan to daunce, Line 1136
And to hymself he seyde pryvely; Line 1137
My brother shal be warisshed hastily; Line 1138
For I am siker that ther be sciences Line 1139
By whiche men make diverse apparences, Line 1140
Swiche as thise subtile tregetoures pleye. Line 1141
For ofte at feestes have I wel herd seye Line 1142
That tregetours, withinne an halle large, Line 1143
Have maad come in a water and a barge, Line 1144
And in the halle rowen up and doun. Line 1145
Somtyme hath semed come a grym leoun; Line 1146
And sometyme floures sprynge as in a mede; Line 1147
Somtyme a vyne, and grapes white and rede; Line 1148
Somtyme a castel, al of lym and stoon; Line 1149
And whan hem lyked, voyded it anon. Line 1150
Thus semed it to every mannes sighte. Line 1151
Now thanne conclude I thus, that if I myghte Line 1152
At orliens som oold felawe yfynde Line 1153
That hadde thise moones mansions in mynde, Line 1154
Page 140
Line 1154
Or oother magyk natureel above, Line 1155
He sholde wel make my brother han his love. Line 1156
For with an apparence a clerk may make, Line 1157
To mannes sighte, that alle the rokkes blake Line 1158
Of britaigne weren yvoyded everichon, Line 1159
And shippes by the brynke comen and gon, Line 1160
And in swich forme enduren a wowke or two. Line 1161
Thanne were my brother warisshed of his wo; Line 1162
Thanne moste she nedes holden hire biheste, Line 1163
Or elles he shal shame hire atte leeste. Line 1164
what sholde I make a lenger tale of this? Line 1165
Unto his brotheres bed he comen is, Line 1166
And swich confort he yaf hym for to gon Line 1167
To orliens that he up stirte anon, Line 1168
And on his wey forthward thanne is he fare Line 1169
In hope for to been lissed of his care. Line 1170
whan they were come almoost to that citee, Line 1171
But if it were a two furlong or thre, Line 1172
A yong clerk romynge by hymself they mette, Line 1173
Which that in latyn thriftily hem grette, Line 1174
And after that he seyde a wonder thyng -- Line 1175
I knowe, quod he, the cause of youre comyng. Line 1176
And er they ferther any foote wente, Line 1177
He tolde hem al that was in hire entente. Line 1178
this briton clerk hym asked of felawes Line 1179
The whiche that he had knowe in olde dawes, Line 1180
And he answerde hym that they dede were, Line 1181
For which he weep ful ofte many a teere. Line 1182
doun of his hors aurelius lighte anon, Line 1183
And with this magicien forth is he gon Line 1184
Hoom to his hous, and maden hem wel at ese. Line 1185
Hem lakked no vitaille that myghte hem plese. Line 1186
So wel arrayed hous as ther was oon Line 1187
Aurelius in his lyf saugh nevere noon. Line 1188
he shewed hym, er he wente to sopeer, Line 1189
Forestes, parkes ful of wilde deer; Line 1190
Ther saugh he hertes with hir hornes hye, Line 1191
The gretteste that evere were seyn with ye. Line 1192
He saugh of hem an hondred slayn with houndes, Line 1193
And somme with arwes blede of bittre woundes. Line 1194
He saugh, whan voyded were thise wilde deer, Line 1195
Thise fauconers upon a fair ryver, Line 1196
That with hir haukes han the heron slayn. Line 1197
tho saugh he knyghtes justyng in a playn; Line 1198
And after this he dide hym swich plesaunce Line 1199
That he hym shewed his lady on a daunce, Line 1200
On which hymself he daunced, as hym thoughte. Line 1201
And whan this maister that this magyk wroughte Line 1202
Saugh it was tyme, he clapte his handes two, Line 1203
And farewel! al oure revel was ago, Line 1204
And yet remoeved they nevere out of the hous, Line 1205
Whil they saugh al this sighte merveillous, Line 1206
But in his studie, ther as his bookes be, Line 1207
They seten stille, and no wight but they thre. Line 1208
to hym this maister called his squier, Line 1209
And seyde hym thus -- is redy oure soper? Line 1210
Almoost an houre it is, I undertake, Line 1211
Sith I yow bad oure soper for to make, Line 1212
Whan that thise wrothy men wenten with me Line 1213
Into my studie, ther as my bookes be. Line 1214
sire, quod this squier, whan it liketh yow, Line 1215
It is al redy, though ye wol right now. Line 1216
Go we thanne soupe, quod he, as for the beste. Line 1217
Thise amorous folk somtyme moote han hir reste. Line 1218
at after-soper fille they in tretee Line 1219
What somme sholde this maistres gerdon be, Line 1220
To remoeven alle the rokkes of britayne, Line 1221
And eek from gerounde to the mouth of sayne. Line 1222
he made it straunge, and swoor, so God hym save, Line 1223
Lasse than a thousand pound he wolde nat have, Line 1224
Ne gladly for than somme he wolde nat goon. Line 1225
aurelius, with blisful herte anoon, Line 1226
Answerde thus -- fy on a thousand pound! Line 1227
This wyde world, which that men seye is round, Line 1228
I wolde it yeve, if I were lord of it. Line 1229
This bargayn is ful dryve, for we been knyt. Line 1230
Ye shal be payed trewely, by my trouthe! Line 1231
But looketh now, for no necligence or slouthe Line 1232
Ye tarie us heere no lenger than to-morwe. Line 1233
nay, quod this clerk, have heer my feith to borwe. Line 1234
to bedde is goon aurelius whan hym leste, Line 1235
And wel ny al that nyght he hadde his reste. Line 1236
What for his labour and his hope of blisse, Line 1237
His woful herte of penaunce hadde a lisse. Line 1238
upon the morwe, what that it was day, Line 1239
To britaigne tooke they the righte way, Line 1240
Aurelius and this magicien bisyde, Line 1241
And been descended ther they wolde abyde. Line 1242
And this was, as thise bookes me remembre, Line 1243
The colde, frosty seson of decembre. Line 1244
phebus wax old, and hewed lyk laton, Line 1245
That in his hoote declynacion Line 1246
Shoon as the burned gold with stremes brighte; Line 1247
But now in capricorn adoun he lighte, Line 1248
Where as he shoon ful pale, I dar wel seyn, Line 1249
The bittre frostes, with the sleet and reyn, Line 1250
Page 141
Line 1250
Destroyed hath the grene in every yerd. Line 1251
Janus sit by the fyr, with double berd, Line 1252
And drynketh of his bugle horn the wyn; Line 1253
Biforn hym stant brawen of the tusked swyn, Line 1254
And nowel crieth every lusty man. Line 1255
aurelius, in al that evere he kan, Line 1256
Dooth to this maister chiere and reverence, Line 1257
And preyeth hym to doon his diligence Line 1258
To bryngen hym out of his peynes smerte, Line 1259
Or with swerd that he wolde slitte his herte. Line 1260
this subtil clerk swich routhe had of this man Line 1261
That nyght and day he spedde hym that he kan Line 1262
To wayten a tyme of his conclusioun; Line 1263
This is to seye, to maken illusioun, Line 1264
By swich an apparence or jogelrye -- Line 1265
I ne kan no termes of astrologye -- Line 1266
That she and every wight sholde wene and seye Line 1267
That of britaigne the rokkes were aweye, Line 1268
Or ellis they were sonken under grounde. Line 1269
So atte laste he hath his tyme yfounde Line 1270
To maken his japes and his wrecchednesse Line 1271
Of swich a supersticiuos cursednesse. Line 1272
His tables tolletanes forth he brought, Line 1273
Ful wel corrected, ne ther lakked nought, Line 1274
Neither his collect ne his expans yeeris, Line 1275
Ne his rootes, ne his othere geeris, Line 1276
As been his centris and his argumentz Line 1277
And his proporcioneles convenientz Line 1278
For his equacions in every thyng. Line 1279
And by his eighte speere in his wirkyng Line 1280
He knew ful wel how fer alnath was shove Line 1281
For the heed of thilke fixe aries above, Line 1282
That in the ninthe speere considered is; Line 1283
Ful subtilly he kalkulled al this. Line 1284
whan he hadde founde his firste mansioun, Line 1285
He knew the remenaunt by propocioun, Line 1286
And knew the arisyng of his moone weel, Line 1287
And in whos face, and terme, and everydeel; Line 1288
And knew ful weel the moones mansioun Line 1289
Acordaunt to his operacioun, Line 1290
And knew also his othere observaunces Line 1291
For swiche illusiouns and swiche meschaunces Line 1292
As hethen folk useden in thilke dayes. Line 1293
For which no lenger maked he delayes, Line 1294
But thurgh his magik, for a wyke or tweye, Line 1295
It semed that alle the rokkes were aweye. Line 1296
aurelius, which that yet despeired is Line 1297
Wher he shal han his love or fare amys, Line 1298
Awaitheth nyght and day on this myracle; Line 1299
And whan he knew that ther was noon obstacle, Line 1300
That voyded were thise rokkes everychon, Line 1301
Doun to his maistres feet he fil anon, Line 1302
And seyde, I woful wrecche, aurelius, Line 1303
Thanke yow, lord, and lady myn venus, Line 1304
That me han holpen fro my cares colde. Line 1305
And to the temple his wey forth hath he holde, Line 1306
Where as he knew he sholde his lady see. Line 1307
And whan he saugh his tyme, anon-right hee, Line 1308
With dredful herte and with ful humble cheere, Line 1309
Salewed hath his sovereyn lady deere -- Line 1310
my righte lady, quod this woful man, Line 1311
Whom I moost drede and love as best I kan, Line 1312
And lothest were of al this world displese, Line 1313
Nere it that I for yow have swich disese Line 1314
That I moste dyen heere at youre foot anon, Line 1315
Noght wolde I telle how me is wo bigon. Line 1316
But certes outher moste I dye or pleyne; Line 1317
Ye sle me giltelees for verray peyne. Line 1318
But of my deeth thogh that ye have no routhe, Line 1319
Avyseth yow er that ye breke youre trouthe. Line 1320
Repenteth yow, for thilke God above, Line 1321
Er ye me sleen by cause that I yow love. Line 1322
For, madame, wel ye woot what ye han hight -- Line 1323
Nat that I chalange any thyng of right Line 1324
Of yow, my sovereyn lady, but youre grace -- Line 1325
But in a gardyn yond, at swich a place, Line 1326
Ye woot right wel what ye bihighten me; Line 1327
And in my hand youre trouthe plighten ye Line 1328
To love me best -- God woot, ye seyde so, Line 1329
Al be that I unworthy am therto. Line 1330
Madame, I speke it for the honour of yow Line 1331
Moore than to save myn hertes lyf right now, -- Line 1332
I have do so as ye comanded me; Line 1333
And if ye vouche sauf, ye may go see. Line 1334
Dooth as yow list; have youre biheste in mynde, Line 1335
For, quyk or deed, right there ye shal me fynde. Line 1336
In yow lith al to do me lyve or deye, -- Line 1337
But wel I woot the rokkes been aweye. Line 1338
he taketh his leve, and she astoned stood; Line 1339
In al hir face nas a drope of blood. Line 1340
She wende nevere han come in swich a trappe. Line 1341
Allas, quod she, that evere this sholde happe! Line 1342
For wende I nevere by possibilitee Line 1343
That swich a monstre or merveille myghte be! Line 1344
It is agayns the proces of nature. Line 1345
And hoom she goth a sorweful creature; Line 1346
For verray feere unnethe may she go. Line 1347
She wepeth, wailleth, al a day or two. Line 1348
And swowneth, that it routhe was to see. Line 1349
But why it was to no wight tolde shee, Line 1350
For out of towne was goon arveragus. Line 1351
But to hirself she spak, and seyde thus, Line 1352
With face pale and with ful sorweful cheere, Line 1353
In hire compleynt, as ye shal after heere -- Line 1354
allas, quod she, on thee, fortune, I pleyne, Line 1355
Page 142
Line 1355
That unwar wrapped hast me in thy cheyne, Line 1356
Fro which t'escape woot I no socour, Line 1357
Save oonly deeth or elles dishonour; Line 1358
Oon of thise two bihoveth me to chese. Line 1359
But nathelees, yet have I levere to lese Line 1360
My lif than of my body to have a shame, Line 1361
Or knowe myselven fals, or lese my name; Line 1362
And with my deth I may be quyt, ywis. Line 1363
Hath ther nat many a noble wyf er this, Line 1364
And many a mayde, yslayn hirself, allas! Line 1365
Rather than with hir body doon trespas? Line 1366
yis, certes, lo, thise stories beren witnesse -- Line 1367
Whan thritty tirauntz, ful of cursednesse, Line 1368
Hadde slayn phidon in atthenes atte feste, Line 1369
They comanded his doghtres for t'areste, Line 1370
And bryngen hem biforn hem in despit, Line 1371
Al naked, to fulfille hir foul delit, Line 1372
And in hir fadres blood they made hem daunce Line 1373
Upon the pavement, God yeve hem meschaunce! Line 1374
For which thise woful maydens, ful of drede, Line 1375
Rather than they wolde lese hir maydenhede, Line 1376
They prively been stirt into a welle, Line 1377
And dreynte hemselven, as the bookes telle. Line 1378
they of mecene leete enquere and seke Line 1379
Of lacedomye fifty maydens eke, Line 1380
On whiche they wolden doon hir lecherye. Line 1381
But was ther noon of al that compaignye Line 1382
That she nas slayn, and with a good entente Line 1383
Chees rather for to dye than assente Line 1384
To been oppressed of hir maydenhede. Line 1385
Why sholde I thanne to dye been in drede? Line 1386
Lo, eek, the tiraunt aristoclides, Line 1387
That loved a mayden, heet stymphalides, Line 1388
Whan that hir fader slayn was on a nyght, Line 1389
Unto dianes temple goth she right, Line 1390
And hente the ymage in hir handes two, Line 1391
Fro which ymage wolde she nevere go. Line 1392
No wight ne myghte hir handes of it arace Line 1393
Til she was slayn, right in the selve place. Line 1394
now sith that maydens hadden swich despit Line 1395
To been defouled with mannes foul delit, Line 1396
Wel oghte a wyf rather hirselven slee Line 1397
Than be defouled, as it thynketh me. Line 1398
What shal I seyn of hasdrubales wyf, Line 1399
That at cartage birafte hirself hir lyf? Line 1400
For whan she saugh that romayns wan the toun, Line 1401
She took hir children alle, and skipte adoun Line 1402
Into the fyr, and chees rather to dye Line 1403
Than any romayn dide hire vileynye. Line 1404
Hath nat lucresse yslayn hirself, allas! Line 1405
At rome, whan that she oppressed was Line 1406
Of tarquyn, for hire thoughte it was a shame Line 1407
To lyven whan that she had lost hir name? Line 1408
The sevene maydens of milesie also Line 1409
Han slayn hemself, for verrey drede and wo, Line 1410
Rather than folk of gawle hem sholde oppresse. Line 1411
Mo than a thousand stories, as I gesse, Line 1412
Koude I now telle as touchynge this mateere. Line 1413
Whan habradate was slayn, his wyf so deere Line 1414
Hirselven slow, and leet hir blood to glyde Line 1415
In habradates woundes depe and wyde, Line 1416
And seyde, my body, at the leeste way, Line 1417
Ther shal no wight defoulen, if I may. Line 1418
what sholde I mo ensamples heerof sayn, Line 1419
Sith that so manye han hemselven slayn Line 1420
Wel rather than they wolde defouled be? Line 1421
I wol conclude that it is bet for me Line 1422
To sleen myself than been defouled thus. Line 1423
I wol be trewe unto arveragus, Line 1424
Or rather sleen myself in som manere, Line 1425
As dide demociones doghter deere Line 1426
By cause that she wolde nat defouled be. Line 1427
O cedasus, it is ful greet pitee Line 1428
To reden how thy doghtren deyde, allas! Line 1429
That slowe hemself for swich a manere cas. Line 1430
As greet a pitee was it, or wel moore, Line 1431
The theban mayden that for nichanore Line 1432
Hirselven slow, right for swich manere wo. Line 1433
Another theban mayden dide right so; Line 1434
For oon of macidonye hadde hire oppressed, Line 1435
She with hire deeth hir maydenhede redressed. Line 1436
What shal I seye of nicerates wyf, Line 1437
That for swich cas birafte hirself hir lyf? Line 1438
How trewe eek was to alcebiades Line 1439
His love, that rather for to dyen chees Line 1440
Than for to suffre his body unburyed be. Line 1441
Lo, which a wyf was alceste, quod she. Line 1442
What seith omer of good penalopee? Line 1443
Al grece knoweth of hire chastitee Line 1444
Pardee, of laodomya is writen thus, Line 1445
That whan at troie was slayn protheselaus, Line 1446
Ne lenger wolde she lyve after his day. Line 1447
The same of noble porcia telle I may; Line 1448
Withoute brutus koude she nat lyve, Line 1449
To whom she hadde al hool hir herte yive. Line 1450
The parfit wyfhod of arthemesie Line 1451
Honured is thurgh al the barbarie. Line 1452
O teuta, queene! thy wyfly chastitee Line 1453
To alle wyves may a mirour bee. Line 1454
The same thyng I seye of bilyea, Line 1455
Of rodogne, and eek valeria. Line 1456
thus pleyned dorigen a day or tweye, Line 1457
Purposynge evere that she wolde deye. Line 1458
But nathelees, upon the thridde nyght, Line 1459
Hoom cam arveragus, this worthy knyght, Line 1460
And asked hire why that she weep so soore; Line 1461
Page 143
Line 1461
And she gan wepen ever lenger the moore. Line 1462
Allas, quod she, that evere was I born! Line 1463
Thus have I seyd, quod she, thus have I sworn -- Line 1464
And toold hym al as ye han herd bifore; Line 1465
It nedeth nat reherce it yow namoore. Line 1466
This housbonde, with glad chiere, in freendly wyse Line 1467
Answerde and seyde as I shal yow devyse -- Line 1468
Is ther oght elles, dorigen, but this? Line 1469
nay, nay, quod she, God helpe me so as wys! Line 1470
This is to muche, and it were goddes wille. Line 1471
ye, wyf, quod he, lat slepen that is stille. Line 1472
It may be wel, paraventure, yet to day. Line 1473
Ye shul youre trouthe holden, by my fay! Line 1474
For God so wisly have mercy upon me, Line 1475
I hadde wel levere ystiked for to be Line 1476
For verray love which I to yow have, Line 1477
But if ye sholde youre trouthe kepe and save. Line 1478
Trouthe is the hyeste thyng that man may kepe -- Line 1479
But with that word he brast anon to wepe, Line 1480
And seyde, I yow forbede, up peyne of deeth, Line 1481
That nevere, whil thee lasteth lyf ne breeth, Line 1482
To no wight telle thou of this aventure, -- Line 1483
As I may best, I wol my wo endure Line 1484
Ne make no contenance of hevynesse, Line 1485
That folk of yow may demen harm or gesse. Line 1486
and forth he cleped a squier and a mayde -- Line 1487
Gooth forth anon with dorigen, he sayde, Line 1488
And bryngeth hire to swich a place anon. Line 1489
They take hir leve, and on hir wey they gon Line 1490
But they ne wiste why she thider wente. Line 1491
He nolde no wight tellen his entente. Line 1492
paraventure an heep of yow, ywis, Line 1493
Wol holden hym a lewed man in this Line 1494
That he wol putte his wyf in jupartie. Line 1495
Herkneth the tale er ye upon hire crie. Line 1496
She may have bettre fortune than yow semeth; Line 1497
And whan that ye han herd the tale, demeth. Line 1498
this squier, which that highte aurelius, Line 1499
On dorigen that was so amorous, Line 1500
Of aventure happed hire to meete Line 1501
Amydde the toun, right in the quykkest strete, Line 1502
As she was bown to goon the wey forth right Line 1503
Toward the gardyn ther as she had hight. Line 1504
And he was to the gardyn-ward also -- Line 1505
For wel he spyed whan she wolde go Line 1506
Out of hir hous to any maner place. Line 1507
But thus they mette, of aventure or grace, Line 1508
And he saleweth hire with glad entente, Line 1509
And asked of hire whiderward she wente; Line 1510
And she answerde, half as she were mad, Line 1511
Unto the gardyn, as myn housbonde bad, Line 1512
My trouthe for to holde, allas! allas! Line 1513
aurelius gan wondren on this cas, Line 1514
And in his herte hadde greet compassioun Line 1515
Of hire and of hire lamentacioun, Line 1516
And of arveragus, the worthy knyght, Line 1517
That bad hire holden al that she had hight, Line 1518
So looth hym was his wyf sholde breke hir trouthe Line 1519
And in his herte he caughte of this greet routhe, Line 1520
Considerynge the beste on every syde, Line 1521
That fro his lust yet were hym levere abyde Line 1522
Than doon so heigh a cherlyssh wrecchednesse Line 1523
Agayns franchise and all gentillesse; Line 1524
For which in fewe wordes seyde he thus -- Line 1525
madame, seyth to youre lord arveragus, Line 1526
That sith I se his grete gentillesse Line 1527
To yow, and eek I se wel youre distresse, Line 1528
That him were levere han shame (and that were routhe) Line 1529
Than ye to me sholde breke thus youre trouthe, Line 1530
I have wel levere evere to suffre wo Line 1531
Than I departe the love bitwix yow two. Line 1532
I yow relesse, madame, into youre hond Line 1533
Quyt every serement and every bond Line 1534
That ye han maad to me as heerbiforn, Line 1535
Sith thilke tyme which that ye were born. Line 1536
My trouthe I plighte, I shal yow never repreve Line 1537
Of no biheste, and heere I take my leve, Line 1538
As of the treweste and the beste wyf Line 1539
That evere yet I knew in al my lyf. Line 1540
But every wyf be war of hire biheeste! Line 1541
Or dorigen remembreth, atte leeste. Line 1542
Thus kan a squier doon a gentil dede Line 1543
As wel as kan a knyght, withouten drede. Line 1544
she thonketh hym upon hir knees al bare, Line 1545
And hoom unto hir housbonde is she fare, Line 1546
And tolde hym al, as ye han herd me sayd; Line 1547
And be ye siker, he was so weel apayd Line 1548
That it were inpossible me to wryte. Line 1549
What sholde I lenger of this cas endyte? Line 1550
arveragus and dorigen his wyf Line 1551
In sovereyn blisse leden forth hir lyf. Line 1552
Nevere eft ne was ther angre hem bitweene. Line 1553
He cherisseth hire as though she were a queene, Line 1554
And she was to hym trewe for everemoore. Line 1555
Of thise two folk ye gete of me namoore. Line 1556
aurelius, that his cost hath al forlorn, Line 1557
Curseth the tyme that evere he was born -- Line 1558
Allas, quod he, allas, that I bihighte Line 1559
Of pured gold a thousand pound of wighte Line 1560
Unto this philosophre! how shal I do? Line 1561
Page 144
Line 1561
I se namoore but that I am fordo. Line 1562
Myn heritage moot I nedes selle, Line 1563
And been a beggere; heere may I nat dwelle, Line 1564
And shamen al my kynrede in this place, Line 1565
But I of hym may gete bettre grace. Line 1566
But nathelees, I wole of hym assaye, Line 1567
At certeyn dayes, yeer by yeer, to paye, Line 1568
And thanke hym of his grete curteisye. Line 1569
My trouthe wol I kepe, I wol nat lye. Line 1570
with herte soor he gooth unto his cofre, Line 1571
And broghte gold unto his philosophre, Line 1572
The value of fyve hundred pound, I gesse, Line 1573
And hym bisecheth, of his gentillesse, Line 1574
To graunte hym dayes of the remenaunt; Line 1575
And seyde, maister, I dar wel make avaunt, Line 1576
I failled nevere of my trouthe as yit, Line 1577
For sikerly my dette shal be quyt Line 1578
Towardes yow, howevere that I fare Line 1579
To goon a-begged in my kirtle bare. Line 1580
But wolde ye vouche sauf, upon seuretee, Line 1581
Two yeer or thre for to respiten me, Line 1582
Thanne were I wel; for elles moot I selle Line 1583
Myn heritage; ther is namoore to telle. Line 1584
this philosophre sobrely answerde, Line 1585
And seyde thus, whan he thise wordes herde -- Line 1586
Have I nat holden covenant unto thee? Line 1587
yes, certes, wel and trewely, quod he. Line 1588
hastow nat had thy lady as thee liketh? Line 1589
no, no, quod he, and sorwefully he siketh. Line 1590
what was the cause? tel me if thou kan. Line 1591
aurelius his tale anon bigan, Line 1592
And tolde hym al, as ye han herd biroore; Line 1593
It nedeth nat to yow reherce it moore. Line 1594
he seide, arveragus, of gentillesse, Line 1595
Hadde levere dye in sorwe and in distresse Line 1596
Than that his wyf were of hir trouthe fals. Line 1597
The sorwe of dorigen he tolde hym als; Line 1598
How looth hire was to been a wikked wyf, Line 1599
And that she levere had lost that day hir lyf, Line 1600
And that hir trouthe she swoor thurgh innocence, Line 1601
She nevere erst hadde herd speke of apparence. Line 1602
That made me han of hire so greet pitee; Line 1603
And right as frely as he sente hire me, Line 1604
As frely sente I hire to hym ageyn, Line 1605
This al and som; ther is namoore to seyn. Line 1606
This philosophre answerde, leeve brother, Line 1607
Everich of yow dide gentilly til oother. Line 1608
Thou art a squier, and he is a knyght; Line 1609
But God forbede, for his blisful myght, Line 1610
But if a clerk koude doon a gentil dede Line 1611
As wel as any of yow, it is no drede! Line 1612
sire, I releesse thee thy thousand pound, Line 1613
As thou right now were cropen out of the ground, Line 1614
Ne nevere er now ne haddest knowen me. Line 1615
For, sire, I wol nat taken a peny of thee Line 1616
For al my craft, ne noght for my travaille. Line 1617
Thou hast ypayed wel for my vitaille. Line 1618
It is ynogh, and farewel, have good day! Line 1619
And took his hors, and forth he goth his way. Line 1620
Lordynges, this question, thanne, wol I aske now, Line 1621
Which was the mooste fre, as thenketh yow? Line 1622
Now telleth me, er that ye ferther wende. Line 1623
I kan namoore; my tale is at an ende. Line 1624