The Canterbury tales
About this Item
- Title
- The Canterbury tales
- Author
- Chaucer, Geoffrey, d. 1400
- Publication
- Boston, Mass.: Houghton Mifflin
- 1957
- Rights/Permissions
-
Available at URL http://www.hti.umich.edu/c/cme/
This text has been made available through the Oxford Text Archive for personal scholarly use only. OTA number: U-1678-C
- Link to this Item
-
http://name.umdl.umich.edu/CT
- Cite this Item
-
"The Canterbury tales." In the digital collection Corpus of Middle English Prose and Verse. https://name.umdl.umich.edu/CT. University of Michigan Library Digital Collections. Accessed June 6, 2024.
Pages
Page 77
Line 79
But nathelees, thogh that he wroot and sayde Line 80
He wolde that every wight were swich as he, Line 81
Al nys but conseil to virginitee. Line 82
And for to been a wyf he yaf me leve Line 83
Of indulgence; so nys it no repreve Line 84
To wedde me, if that my make dye, Line 85
Withouten excepcion of bigamye. Line 86
Al were it good no womman for to touche, -- Line 87
He mente as in his bed or in his couche; Line 88
For peril is bothe fyr and tow t' assemble: Line 89
Ye knowe what this ensample may resemble. Line 90
This is al and som, he heeld virginitee Line 91
Moore parfit than weddyng in freletee. Line 92
Freletee clepe I, but if that he and she Line 93
Wolde leden al hir lyf in chastitee. Line 94
I graunte it wel, I have noon envie, Line 95
Thogh maydenhede preferre bigamye. Line 96
It liketh hem to be clene, body and goost; Line 97
Of myn estaat I nyl nat make no boost. Line 98
For wel ye knowe, a lord in his houshold, Line 99
He nath nat every vessel al of gold; Line 100
Somme been of tree, and doon hir lord servyse. Line 101
God clepeth folk to hym in sondry wyse, Line 102
And everich hath of God a propre yifte, Line 103
Som this, som that, as hym liketh shifte. Line 104
Virginitee is greet perfeccion, Line 105
And continence eek with devocion, Line 106
But crist, that of perfeccion is welle, Line 107
Bad nat every wight he sholde go selle Line 108
Al that he hadde, and gyve it to the poore Line 109
And in swich wise folwe hym and his foore. Line 110
He spak to hem that wolde lyve parfitly; Line 111
And lordynges, by youre leve, that am nat I. Line 112
I wol bistowe the flour of al myn age Line 113
In the actes and in fruyt of mariage. Line 114
Telle me also, to what conclusion Line 115
Were membres maad of generacion, Line 116
And of so parfit wys a wight ywroght? Line 117
Trusteth right wel, they were nat maad for noght. Line 118
Glose whoso wole, and seye bothe up and doun, Line 119
That they were maked for purgacioun Line 120
Of uryne, and oure bothe thynges smale Line 121
Were eek to knowe a femele from a male, Line 122
And for noon oother cause, -- say ye no? Line 123
The experience woot wel it is noght so. Line 124
So that the clerkes be nat with me wrothe, Line 125
I sey this, that they maked ben for bothe, Line 126
This is to seye, for office, and for ese Line 127
Of engendrure, ther we nat God displese. Line 128
Why sholde men elles in hir bookes sette Line 129
That man shal yelde to his wyf hire dette? Line 130
Now wherwith sholde he make his paiement, Line 131
If he ne used his sely instrument? Line 132
Thanne were they maad upon a creature Line 133
To purge uryne, and eek for engendrure. Line 134
But I seye noght that every wight is holde, Line 135
That hath swich harneys as I to yow tolde, Line 136
To goon and usen hem in engendrure. Line 137
Thanne sholde men take of chastitee no cure. Line 138
Crist was a mayde, and shapen as a man, Line 139
And many a seint, sith that the world bigan; Line 140
Yet lyved they evere in parfit chastitee. Line 141
I nyl envye no virginitee. Line 142
Lat hem be breed of pured whete-seed, Line 143
And lat us wyves hoten barly-breed; Line 144
And yet with barly-breed, mark telle kan, Line 145
Oure lord jhesu refresshed many a man. Line 146
In swich estaat as God hath cleped us Line 147
I wol persevere; I nam nat precius. Line 148
In wyfhod I wol use myn instrument Line 149
As frely as my makere hath it sent. Line 150
If I be daungerous, God yeve me sorwe! Line 151
Myn housbonde shal it have bothe eve and morwe, Line 152
Whan that hym list come forth and paye his dette. Line 153
An housbonde I wol have, I wol nat lette, Line 154
Which shal be bothe my dettour and my thral, Line 155
And have his tribulacion withal Line 156
Upon his flessh, whil that I am his wyf. Line 157
I have the power durynge al my lyf Line 158
Upon his propre body, and noght he. Line 159
Right thus the apostel tolde it unto me; Line 160
And bad oure housbondes for to love us weel. Line 161
Al this sentence me liketh every deel -- Line 162
Up stirte the pardoner, and that anon: Line 163
Now, dame, quod he, by God and by seint john! Line 164
Ye been a noble prechour in this cas. Line 165
I was aboute to wedde a wyf; allas! Line 166
What sholde I bye it on my flessh so deere? Line 167
Yet hadde I levere wedde no wyf to-yeere! Line 168
Abyde! quod she, my tale is nat bigonne. Line 169
Nay, thou shalt drynken of another tonne, Line 170
Er that I go, shal savoure wors than ale. Line 171
And whan that I have toold thee forth my tale Line 172
Of tribulacion in mariage, Line 173
Of which I am expert in al myn age, Line 174
This is to seyn, myself have been the whippe, -- Line 175
Than maystow chese wheither thou wolt sippe Line 176
Of thilke tonne that I shal abroche. Line 177
Be war of it, er thou to ny approche; Line 178
For I shal telle ensamples mo than ten. Line 179
--Whoso that nyl be war by othere men, Line 180
By hym shul othere men corrected be. -- Line 181
The same wordes writeth ptholomee; Line 182
Rede in his almageste, and take it there. Line 183
Page 78
Line 183
Dame, I wolde praye yow, if youre wyl it were, Line 184
Seyde this pardoner, as ye bigan, Line 185
Telle forth youre tale, spareth for no man, Line 186
And teche us yonge men of youre praktike. Line 187
Gladly, quod she, sith it may yow like; Line 188
But that I praye to al this compaignye, Line 189
If that I speke after my fantasye, Line 190
As taketh not agrief of that I seye; Line 191
For myn entente is nat but for to pleye. Line 192
Now, sire, now wol I telle forth my tale. -- Line 193
As evere moote I drynken wyn or ale, Line 194
I shal seye sooth, tho housbondes that I hadde, Line 195
As thre of hem were goode, and two were badde. Line 196
The thre were goode men, and riche, and olde; Line 197
Unnethe myghte they the statut holde Line 198
In which that they were bounden unto me. Line 199
Ye woot wel what I meene of this, pardee! Line 200
As help me god, I laughe whan I thynke Line 201
How pitously a-nyght I made hem swynke! Line 202
And, by my fey, I tolde of it no stoor. Line 203
They had me yeven hir lond and hir tresoor; Line 204
Me neded nat do lenger diligence Line 205
To wynne hir love, or doon hem reverence. Line 206
They loved me so wel, by God above, Line 207
That I ne tolde no deyntee of hir love! Line 208
A wys womman wol bisye hire evere in oon Line 209
To gete hire love, ye, ther as she hath noon. Line 210
But sith I hadde hem hoolly in myn hond, Line 211
And sith they hadde me yeven al hir lond, Line 212
What sholde I taken keep hem for to plese, Line 213
But it were for my profit and myn ese? Line 214
I sette hem so a-werke, by my fey, Line 215
That many a nyght they songen -- weilawey! -- Line 216
The bacon was nat fet for hem, I trowe, Line 217
That som men han in essex at dunmowe. Line 218
I governed hem so wel, after my lawe, Line 219
That ech of hem ful blisful was and fawe Line 220
To brynge me gaye thynges fro the fayre. Line 221
They were ful glad whan I spak to hem faire; Line 222
For, God it woot, I chidde hem spitously. Line 223
Now herkneth hou I baar me proprely, Line 224
Ye wise wyves, that kan understonde. Line 225
Thus shulde ye speke and bere hem wrong on honde; Line 226
For half so boldely kan ther no man Line 227
Swere and lyen, as a womman kan. Line 228
I sey nat this by wyves that been wyse, Line 229
But if it be whan they hem mysavyse. Line 230
A wys wyf shal, it that she kan hir good, Line 231
Bere hym on honde that the cow is wood, Line 232
And take witnesse of hir owene mayde Line 233
Of hir assemt; but herkneth how I sayde: Line 234
Sire olde kaynard, is this thyn array? Line 235
Why is my neighbores wyf so gay? Line 236
She is honoured over al ther she gooth; Line 237
I sitte at hoom I have no thrifty clooth. Line 238
What dostow at my neighebores hous? Line 239
Is she so fair? artow so amorous? Line 240
What rowne ye with oure mayde? benedicite! Line 241
Sire olde lecchour, lat thy japes be! Line 242
And if I have a gossib or a freend, Line 243
Withouten gilt, thou chidest as a feend, Line 244
If that I walke or pleye unto his hous! Line 245
Thou comest hoom as dronken as a mous, Line 246
And prechest on thy bench, with yvel preef! Line 247
Thou seist to me it is a greet meschief Line 248
To wedde a povre womman, for costage; Line 249
And if that she be riche, of heigh parage, Line 250
Thanne seistow that it is a tormentrie Line 251
To soffre hire pride and hire malencolie. Line 252
And if that she be fair, thou verray knave, Line 253
Thou seyst that every holour wol hire have; Line 254
She may no while in chastitee abyde, Line 255
That is assailled upon ech a syde. Line 256
Thou seyst som folk desiren us for richesse, Line 257
Somme for oure shap, and somme for oure fairnesse, Line 258
And som for she kan outher synge or daunce, Line 259
And som for gentillesse and daliaunce; Line 260
Som for hir handes and hir armes smale: Line 261
Thus goth al to the devel, by thy tale. Line 262
Thou seyst men may nat kepe a castel wal, Line 263
It may so longe assailled been over al. Line 264
And if that she be foul, thou seist that she Line 265
Coveiteth every man that she may se, Line 266
For as a spaynel she wol on hym lepe, Line 267
Til that she fynde som man hire to chepe. Line 268
Ne noon so grey goos gooth ther in the lake Line 269
As, seistow, wol been withoute make. Line 270
And seyst it is an hard thyng for to welde Line 271
A thyng that no man wole, his thankes, helde. Line 272
Thus seistow, lorel, whan thow goost to bedde; Line 273
And that no wys man nedeth for to wedde, Line 274
Ne no man that entendeth unto hevene. Line 275
With wilde thonder-dynt and firy levene Line 276
Moote thy welked nekke be tobroke! Line 277
Thow seyst that droppyng houses, and eek smoke, Line 278
And chidyng wyves maken men to flee Line 279
Out of his owene hous; a! benedicitee! Line 280
What eyleth swich an old man for to chide? Line 281
Thow seyst we wyves wol oure vices hide Line 282
Til we be fast, and thanne we wol hem shewe, -- Line 283
Wel may that be a proverbe of a shrewe! Line 284
Thou seist that oxen, asses, hors, and houndes, Line 285
Page 79
Line 285
They been assayed at diverse stoundes; Line 286
Bacyns, lavours, er that men hem bye, Line 287
Spoones and stooles, and al swich housbondrye, Line 288
And so been pottes, clothes, and array; Line 289
But folk of wyves maken noon assay, Line 290
Til they be wedded; olde dotard shrewe! Line 291
And thanne, seistow, we wol oure vices shewe. Line 292
Thou seist also that it displeseth me Line 293
But if that thou wolt preyse my beautee, Line 294
And but thou poure alwey upon my face, Line 295
And clepe me faire dame in every place. Line 296
And but thou make a feeste on thilke day Line 297
That I was born, and make me fressh and gay; Line 298
And but thou do to my norice honour, Line 299
And to my chamberere withinne my bour, Line 300
And to my fadres folk and his allyes, -- Line 301
Thus seistow, olde barel-ful of lyes! Line 302
And yet of oure apprentice janekyn, Line 303
For his crispe heer, shynynge as gold so fyn, Line 304
And for he squiereth me bothe up and doun, Line 305
Yet hastow caught a fals suspecioun. Line 306
I wol hym noght, thogh thou were deed tomorwe! Line 307
But tel me this: why hydestow, with sorwe, Line 308
They keyes of thy cheste awey fro me? Line 309
It is my good as wel as thyn, pardee! Line 310
What, wenestow make an ydiot of oure dame? Line 311
Now by that lord that called is seint jame, Line 312
Thou shalt nat bothe, thogh that thou were wood, Line 313
Be maister of my body and of my good; Line 314
That oon thou shalt forgo, maugree thyne yen. Line 315
What helpith it of me to enquere or spyen? Line 316
I trowe thou woldest loke me in thy chiste? Line 317
Thou sholdest seye, wyf, go wher thee liste; Line 318
Taak youre disport, I wol nat leve no talys. Line 319
I knowe yow for a trewe wyf, dame alys. Line 320
We love no man that taketh kep or charge Line 321
Wher that we goon; we wol ben at oure large. Line 322
Of alle men yblessed moot he be, Line 323
The wise astrologien, daun ptholome, Line 324
That seith this proverbe in his almageste -- Line 325
Of alle men his wysdom is the hyeste Line 326
That rekketh nevere who hath the world in honde. Line 327
By this proverbe thou shalt understonde, Line 328
Have thou ynogh, what thar thee recche or care Line 329
How myrily that othere folkes fare? Line 330
For, certeyn, olde dotard, by youre leve, Line 331
Ye shul have queynte right ynogh at eve. Line 332
He is to greet a nygard that wolde werne Line 333
A man to light a candle at his lanterne; Line 334
He shal have never the lasse light, pardee. Line 335
Have thou ynogh, thee thar nat pleyne thee. Line 336
Thou seyst also, that if we make us gay Line 337
With clothyng, and with precious array, Line 338
That it is peril of oure chastitee; Line 339
And yet, with sorwe! thou most enforce thee, Line 340
And seye thise wordes in the apostles name: Line 341
in habit maad with chastitee and shame Line 342
Ye wommen shul apparaille yow, quod he, Line 343
And noght in tressed heer and gay perree, Line 344
As perles, ne with gold, ne clothes riche. Line 345
After thy text, ne after thy rubriche, Line 346
I wol nat wirche as muchel as a gnat. Line 347
Thou seydest this, that I was lyk a cat; Line 348
For whoso wolde senge a cattes skyn, Line 349
Thanne wolde the cat wel dwellen in his in; Line 350
And if the cattes skyn be slyk and gay, Line 351
She wol nat dwelle in house half a day, Line 352
But forth she wole, er any day be dawed, Line 353
To shewe hir skyn, and goon a-caterwawed. Line 354
This is to seye, if I be gay, sire shrewe, Line 355
I wol renne out, my borel for to shewe. Line 356
Sire olde fool, what helpeth thee to spyen? Line 357
Thogh thou preye argus with his hundred yen Line 358
To be my warde-cors, as he kan best, Line 359
In feith, he shal nat kepe me but me lest; Line 360
Yet koude I make his berd, so moot I thee! Line 361
Thou seydest eek that ther been thynges thre, Line 362
The whiche thynges troublen al this erthe, Line 363
And that no wight may endure the ferthe. Line 364
O leeve sire shrewe, jhesu shorte thy lyf! Line 365
Yet prechestow and seyst and hateful wyf Line 366
Yrekened is for oon of thise meschances. Line 367
Been ther none othere maner resemblances Line 368
That ye may likne youre parables to, Line 369
But if a sely wyf be oon of tho? Line 370
Thou liknest eek wommenes love to helle, Line 371
To bareyne lond, ther water may nat dwelle. Line 372
Thou liknest it also to wilde fyr; Line 373
The moore it brenneth, the moore it hath desir Line 374
To consume every thyng that brent wole be. Line 375
Thou seyest, right as wormes shende a tree, Line 376
Right so a wyf destroyeth hire housbonde; Line 377
This knowe they that been to wyves bonde. -- Line 378
Lordynges, right thus, as ye have understonde, Line 379
Baar I stifly myne olde housbondes on honde Line 380
That thus they seyden in hir dronkenesse; Line 381
And al was fals, but that I took witnesse Line 382
On janekyn, and on my nece also. Line 383
O lord! the peyne I dide hem and the wo, Line 384
Ful giltelees, by goddes sweete pyne! Line 385
For as an hors I koude byte and whyne. Line 386
I koude pleyne, and yit was in the gilt, Line 387
Or elles often tyme hadde I been spilt. Line 388
Page 80
Line 388
Whose that first to mille comth, first grynt; Line 389
I pleyned first, so was oure werre ystynt. Line 390
They were ful glade to excuse hem blyve Line 391
Of thyng of which they nevere agilte hir lyve. Line 392
Of wenches wolde I beren hem on honde, Line 393
Whan that for syk unnethes myghte they stonde. Line 394
Yet tikled I his herte, for that he Line 395
Wende that I hadde of hym so greet chiertee! Line 396
I swoor that al my walkynge out by nyghte Line 397
Was for t' espye wenches that he dighte; Line 398
Under that colour hadde I many a myrthe. Line 399
For al swich wit is yeven us in oure byrthe; Line 400
Deceite, wepyng, spynnyng God hath yive Line 401
To wommen kyndely, whil that they may lyve. Line 402
And thus of o thyng I avaunte me, Line 403
Atte ende I hadde the bettre in ech degree, Line 404
By sleighte, or force, or by som maner thyng, Line 405
As by continueel murmur or grucchyng. Line 406
Namely abedde hadden they meschaunce: Line 407
Ther wolde I chide, and do hem no plesaunce; Line 408
I wolde no lenger in the bed abyde, Line 409
If that I felte his arm over my syde, Line 410
Til he had maad his raunson unto me; Line 411
Thanne wolde I suffre hym do his necetee. Line 412
And therfore every man this tale I telle, Line 413
Wynne whose may, for al is for to selle; Line 414
With empty hand men may none haukes lure. Line 415
For wynnyng wolde I al his lust endure, Line 416
And make me feyned appetit; Line 417
And yet in bacon hadde I nevere delit; Line 418
That made me that evere I wolde hem chide. Line 419
For thogh the pope hadde seten hem biside, Line 420
I wolde nat spare hem at hir owene bord; Line 421
For, by my trouthe, I quitte hem word for word. Line 422
As helpe me verray God omnipotent, Line 423
Though I right now sholde make my testament, Line 424
I ne owe hem nat a word that it nys quit. Line 425
I broghte it so aboute by my wit Line 426
That they moste yeve it up, as for the beste, Line 427
Or elles hadde we nevere been in reste. Line 428
For thogh he looked as a wood leon, Line 429
Yet sholde he faille of his conclusion. Line 430
Thanne wolde I seye, -- goode lief, taak keep Line 431
How mekely looketh wilkyn, oure sheep! Line 432
Com neer, my spouse, lat me ba thy cheke! Line 433
Ye sholde been al pacient and meke, Line 434
And han a sweete spiced conscience, Line 435
Sith ye so preche of jobes pacience. Line 436
Suffreth alwey, syn ye so wel kan preche; Line 437
And but ye do, certein we shal yow teche Line 438
That it is fair to have a wyf in pees. Line 439
Oon of us two moste bowen, doutelees; Line 440
And sith a man is moore resonable Line 441
Than womman is, ye moste been suffrable. Line 442
What eyleth yow to grucche thus and grone? Line 443
Is it for ye wolde have my queynte allone? Line 444
Wy, taak it al! lo, have it every deel! Line 445
Peter! I shrewe yow, but ye love it weel; Line 446
For if I wolde selle my bele chose, Line 447
I koude walke as fressh as is a rose; Line 448
But I wol kepe it for youre owene tooth. Line 449
Ye be to blame, by god! I sey yow sooth. -- Line 450
Swiche manere wordes hadde we on honde. Line 451
Now wol I speken of my fourthe housbonde. Line 452
My fourthe housbonde was a revelour; Line 453
This is to seyn, he hadde a paramour; Line 454
And I was yong and ful of ragerye, Line 455
Stibourn and strong, and joly as a pye. Line 456
How koude I daunce to an harpe smale, Line 457
And synge, ywis, as any nyghtyngale, Line 458
Whan I had dronke a draughte of sweete wyn! Line 459
Metellius, the foule cherl, the swyn, Line 460
That with a staf birafte his wyf hir lyf, Line 461
For she drank wyn, thogh I hadde been his wyf, Line 462
He sholde nat han daunted me from drynke! Line 463
And after wyn on venus moste I thynke, Line 464
For al so siker as cold engendreth hayl, Line 465
A likerous mouth moste han a likerous tayl. Line 466
In wommen vinolent is no defence, -- Line 467
This knowen lecchours by experience. Line 468
But, lord crist! whan that it remembreth me Line 469
Upon my yowthe, and on my jolitee, Line 470
It tikleth me aboute myn herte roote. Line 471
Unto this day it dooth myn herte boote Line 472
That I have had my world as in my tyme. Line 473
But age, allas! that al wole envenyme, Line 474
Hath me biraft my beautee and my pith. Line 475
Lat go, farewel! the devel go therwith! Line 476
The flour is goon, ther is namoore to telle; Line 477
The bren, as I best kan, now moste I selle; Line 478
But yet to be right myrie wol I fonde. Line 479
Now wol I tellen of my fourthe housbonde. Line 480
I seye, I hadde in herte greet despit Line 481
That he of any oother had delit. Line 482
But he was quit, by God and by seint joce! Line 483
I made hym of the same wode a croce; Line 484
Nat of my body, in no foul manere, Line 485
But certeinly, I made folk swich cheere Line 486
That in his owene grece I made hym frye Line 487
For angre, and for verray jalousye. Line 488
By god! in erthe I was his purgatorie, Line 489
For which I hope his soule be in glorie. Line 490
For, God it woot, he sat ful ofte and song, Line 491
Whan that his shoo ful bitterly hym wrong. Line 492
Ther was no wight, save God and he, that wiste, Line 493
Page 81
Line 493
In many wise, how soore I hym twiste. Line 494
He deyde whan I cam fro jerusalem, Line 495
And lith ygrave under the roode beem, Line 496
Al is his tombe noght so curyus Line 497
As was the sepulcre of hym daryus, Line 498
Which that appeles wroghte subtilly; Line 499
It nys but wast to burye hym preciously. Line 500
Lat hym fare wel, God yeve his soul reste! Line 501
He is now in his grave and in his cheste. Line 502
Now of my fifthe housbonde wol I telle. Line 503
God lete his soule nevere come in helle! Line 504
And yet was he to me the mooste shrewe; Line 505
That feele I on my ribbes al by rewe, Line 506
And evere shal unto myn endyng day. Line 507
But in oure bed he was so fressh and gay, Line 508
And therwithal so wel koude he me glose, Line 509
Whan that he wolde han my bele chose, Line 510
That thogh he hadde me bete on every bon, Line 511
He koude wynne agayn my love anon. Line 512
I trowe I loved hym best, for that he Line 513
Was of his love daungerous to me. Line 514
We wommen han if that I shal nat lye, Line 515
In this matere a queynte fantasye; Line 516
Wayte what thyng we may nat lightly have, Line 517
Therafter wol we crie al day and crave. Line 518
Forbede us thyng, and that desiren we; Line 519
Preesse on us faste, and thanne wol we fle. Line 520
With daunger oute we al oure chaffare; Line 521
Greet prees at market maketh deere ware, Line 522
And to greet cheep is holde at litel prys: Line 523
This knoweth every womman that is wys. Line 524
My fifthe housbonde, God his soule blesse! Line 525
Which that I took for love, and no richesse, Line 526
He som tyme was a clerk of oxenford, Line 527
And hadde left scole, and wente at hom to bord Line 528
With my gossib, dwellynge in oure toun; Line 529
God have hir soule! hir name was alisoun. Line 530
She knew myn herte, and eek my privetee, Line 531
Bet than oure parisshe preest, so moot I thee! Line 532
To hire biwreyed I my conseil al. Line 533
For hadde myn housbonde pissed on a wal, Line 534
Or doon a thyng that sholde han cost his lyf, Line 535
To hire, and to another worthy wyf, Line 536
And to my nece, which that I loved weel, Line 537
I wolde han toold his conseil every deel. Line 538
And so I dide ful often, God it woot, Line 539
That made his face often reed and hoot Line 540
For verray shame, and blamed hymself for he Line 541
Had toold to me so greet a pryvetee. Line 542
And so bifel that ones in a lente -- Line 543
So often tymes I to my gossyb wente, Line 544
For evere yet I loved to be gay, Line 545
And for to walke in march, averill, and may, Line 546
Fro hous to hous, to heere sondry talys -- Line 547
That jankyn clerk, and my gossyb dame alys, Line 548
And I myself, into the feeldes wente. Line 549
Myn housbonde was at londoun al that lente; Line 550
I hadde the bettre leyser for to pleye, Line 551
And for to se, and eek for to be seye Line 552
Of lusty folk. What wiste I wher my grace Line 553
Was shapen for to be, or in what place? Line 554
Therfore I made my visitaciouns Line 555
To vigilies and to processiouns, Line 556
To prechyng eek, and to thise pilgrimages, Line 557
To pleyes of myracles, and to mariages, Line 558
And wered upon my gaye scarlet gytes. Line 559
Thise wormes, ne thise motthes, ne thise mytes, Line 560
Upon my peril, frete hem never a deel; Line 561
And wostow why? for they were used weel. Line 562
Now wol I tellen forth what happed me. Line 563
I seye that in the feeldes walked we, Line 564
Til trewely we hadde swich daliance, Line 565
This clerk and I, that of my purveiance Line 566
I spak to hym and seyde hym how that he, Line 567
If I were wydwe, sholde wedde me. Line 568
For certeinly, I sey for no bobance, Line 569
Yet was I nevere withouten purveiance Line 570
Of mariage, n' of othere thynges eek. Line 571
I holde a mouses herte nat worth a leek Line 572
That hath but oon hole for to sterte to, Line 573
And if that faille, thanne is al ydo. Line 574
I bar hym on honde he hadde enchanted me, -- Line 575
My dame taughte me that soutiltee. Line 576
And eek I seyde I mette of hym al nyght, Line 577
He wolde han slayn me as I lay upright, Line 578
And al my bed was ful of verray blood; Line 579
But yet I hope that he shal do me good, Line 580
For blood bitokeneth gold, as me was taught. Line 581
And al was fals; I dremed of it right naught, Line 582
But as I folwed ay my dames loore, Line 583
As wel of this as of othere thynges moore. Line 584
But now, sire, lat me se, what I shal seyn? Line 585
A ha! by god, I have my tale ageyn. Line 586
Whan that my fourthe housbonde was on beere, Line 587
I weep algate, and made sory cheere, Line 588
As wyves mooten, for it is usage, Line 589
And with my coverchief covered my visage, Line 590
But for that I was purveyed of a make, Line 591
I wepte but smal, and that I undertake. Line 592
To chirche was myn housbonde born a-morwe Line 593
With neighebores, that for hym maden sorwe; Line 594
And jankyn, oure clerk, was oon of tho. Line 595
As help me god! whan that I saugh hym go Line 596
After the beere, me thoughte he hadde a paire Line 597
Of legges and of feet so clene and faire Line 598
Page 82
Line 598
That al myn herte I yaf unto his hoold. Line 599
He was, I trowe, a twenty wynter oold, Line 600
And I was fourty, if I shal seye sooth; Line 601
But yet I hadde alwey a coltes tooth. Line 602
Gat-tothed I was, and that bicam me weel; Line 603
I hadde the prente of seinte venus seel. Line 604
As help me god! I was a lusty oon, Line 605
And faire, and riche, and yong, and wel bigon; Line 606
And trewely, as myne housbondes tolde me, Line 607
I hadde the beste quoniam myghte be. Line 608
For certes, I am al venerien Line 609
In feelynge, and myn herte is marcien. Line 610
Venus me yaf my lust, my likerousnesse, Line 611
And mars yaf me my sturdy hardynesse; Line 612
Myn ascendent was taur, and mars therinne. Line 613
Allas! allas! that evere love was synne! Line 614
I folwed ay myn inclinacioun Line 615
By vertu of my constellacioun; Line 616
That made me I koude noght withdrawe Line 617
My chambre of venus from a good felawe. Line 618
Yet have I martes mark upon my face, Line 619
And also in another privee place. Line 620
For God so wys be my savacioun, Line 621
I ne loved nevere by no discrecioun, Line 622
But evere folwede myn appetit, Line 623
Al were he short, or long, or blak, or whit; Line 624
I took no kep, so that he liked me, Line 625
How poore he was, ne eek of what degree. Line 626
What sholde I seye? but, at the monthes ende, Line 627
This joly clerk, jankyn, that was so hende, Line 628
Hath wedded me with greet solempnytee; Line 629
And to hym yaf I al the lond and fee Line 630
That evere was me yeven therbifoore. Line 631
But afterward repented me ful soore; Line 632
He nolde suffre nothyng of my list. Line 633
By god! he smoot me ones on the lyst, Line 634
For that I rente out of his book a leef, Line 635
That of the strook myn ere wax al deef. Line 636
Stibourn I was as is a leonesse, Line 637
And of my tonge verray jangleresse, Line 638
And walke I wolde, as I had doon biforn, Line 639
From hous to hous, although he had it sworn; Line 640
For which he often tymes wolde preche, Line 641
And me of olde romayn geestes teche; Line 642
How he symplicius gallus lefte his wyf, Line 643
And hire forsook for terme of al his lyf, Line 644
Noght but for open-heveded he hir say Line 645
Lookynge out at his dore upon a day. Line 646
Another romayn tolde he me by name, Line 647
That, for his wyf was at a someres game Line 648
Withouten his wityng, he forsook hire eke. Line 649
And thanne wolde he upon his bible seke Line 650
That ilke proverbe of ecclesiaste Line 651
Where he comandeth, and forbedeth faste, Line 652
Man shal nat suffre his wyf go roule aboute. Line 653
Thanne wolde he seye right thus, withouten doute: Line 654
-whoso that buyldeth his hous al of salwes, Line 655
And priketh his blynde hors over the falwes, Line 656
And suffreth his wyf to go seken halwes, Line 657
Is worthy to been hanged on the galwes! -- Line 658
But al for noght, I sette noght an hawe Line 659
Of his proverbes n' of his olde sawe, Line 660
Ne I wolde nat of hym corrected be. Line 661
I hate hym that my vices telleth me, Line 662
And so doo mo, God woot, of us than I. Line 663
This made hym with me wood al outrely; Line 664
I nolde noght forbere hym in no cas. Line 665
Now wol I seye yow sooth, by seint thomas, Line 666
Why that I rente out of his book a leef, Line 667
For which he smoot me so that I was deef. Line 668
He hadde a book that gladly, nyght and day, Line 669
For his desport he wolde rede alway; Line 670
He cleped it valerie and theofraste, Line 671
At which book he lough alwey ful faste. Line 672
And eek ther was somtyme a clerk at rome, Line 673
A cardinal, that highte seint jerome, Line 674
That made a book agayn jovinian; Line 675
In which book eek ther was tertulan, Line 676
Crisippus, trotula, and helowys, Line 677
That was abbesse nat fer fro parys; Line 678
And eek the parables of salomon, Line 679
Ovides art, and bookes many on, Line 680
And alle thise were bounden in o volume. Line 681
And every nyght and day was his custume, Line 682
Whan he hadde leyser and vacacioun Line 683
From oother worldly occupacioun, Line 684
To reden on this book of wikked wyves. Line 685
He knew of hem mo legendes and lyves Line 686
Than been of goode wyves in the bible. Line 687
For trusteth wel, it is an impossible Line 688
That any clerk wol speke good of wyves, Line 689
But if it be of hooly seintes lyves, Line 690
Ne of noon oother womman never the mo. Line 691
Who peyntede the leon, tel me who? Line 692
By god! if wommen hadde writen stories, Line 693
As clerkes han withinne hire oratories, Line 694
They wolde han writen of men moore wikkednesse Line 695
Than al the mark of adam may redresse. Line 696
The children of mercurie and of venus Line 697
Been in hir wirkyng ful contrarius; Line 698
Mercurie loveth wysdam and science, Line 699
And venus loveth ryot and dispence. Line 700
And, for hire diverse disposicioun, Line 701
Ech falleth in otheres exaltacioun. Line 702
And thus, God woot, mercurie is desolat Line 703
Page 83
Line 703
In pisces, wher venus is exaltat; Line 704
And venus falleth ther mercurie is reysed. Line 705
Therfore no womman of no clerk is preysed. Line 706
The clerk, whan he is oold, and may noght do Line 707
Of venus werkes worth his olde sho, Line 708
Thanne sit he doun, and writ in his dotage Line 709
That wommen kan nat kepe hir mariage! Line 710
But now to purpos, why I tolde thee Line 711
That I was beten for a book, pardee! Line 712
Upon a nyght jankyn, that was oure sire, Line 713
Redde on his book, as he sat by the fire, Line 714
Of eva first, that for hir wikkednesse Line 715
Was al mankynde broght to wrecchednesse, Line 716
For which that jhesu crist hymself was slayn, Line 717
That boghte us with his herte blood agayn. Line 718
Lo, heere expres of womman may ye fynde, Line 719
That womman was the los of al mankynde. Line 720
The redde he me how sampson loste his heres: Line 721
Slepynge, his lemman kitte it with hir sheres; Line 722
Thurgh which treson loste he bothe his yen. Line 723
Tho redde he me, if that I shal nat lyen, Line 724
Of hercules and of his dianyre, Line 725
That caused hym to sette hymself afyre. Line 726
No thyng forgat he the care and the wo Line 727
That socrates hadde with his wyves two; Line 728
How xantippa caste pisse upon his heed. Line 729
This sely man sat stille as he were deed; Line 730
He wiped his heed, namoore dorste he seyn, Line 731
But -- er that thonder stynte, comth a reyn! -- Line 732
Of phasipha, that was the queen of crete, Line 733
For shrewednesse, hym thoughte the tale swete; Line 734
Fy! spek namoore -- it is a grisly thyng -- Line 735
Of hire horrible lust and hir likyng. Line 736
Of clitermystra, for hire lecherye, Line 737
That falsly made hire housbonde for to dye, Line 738
He redde it with ful good devocioun. Line 739
He tolde me eek for what occasioun Line 740
Amphiorax at thebes loste his lyf. Line 741
Myn housbonde hadde a legende of his wyf, Line 742
Eriphilem, that for an ouche of gold Line 743
Hath prively unto the grekes told Line 744
Wher that hir housbonde hidde hym in a place, Line 745
For which he hadde at thebes sory grace. Line 746
Of lyvia tolde he me, and of lucye: Line 747
They bothe made hir housbondes for to dye; Line 748
That oon for love, that oother was for hate. Line 749
Lyvia hir housbonde, on an even late, Line 750
Empoysoned hath, for that she was his fo; Line 751
Lucia, likerous, loved hire housbonde so Line 752
That, for he sholde alwey upon hire thynke, Line 753
She yaf hym swich a manere love-drynke Line 754
That he was deed er it were by the morwe; Line 755
And thus algates housbondes han sorwe. Line 756
Thanne tolde he me how oon latumyus Line 757
Compleyned unto his felawe arrius Line 758
That in his gardyn growed swich a tree Line 759
On which he seyde how that his wyves thre Line 760
Hanged hemself for herte despitus. Line 761
-- O leeve brother, -- quod this arrius, Line 762
-- Yif me a plante of thilke blissed tree, Line 763
And in my gardyn planted shal it bee. -- Line 764
Of latter date, of wyves hath he red Line 765
That somme han slayn hir housbondes in hir bed, Line 766
And lete hir lecchour dighte hire al the nyght, Line 767
Whan that the corps lay in the floor upright. Line 768
And somme han dryve nayles in hir brayn, Line 769
Whil that they slepte, and thus they had hem slayn. Line 770
Somme han hem yeve poysoun in hire drynke. Line 771
He spak moore harm than herte may bithynke; Line 772
And therwithal he knew of mo proverbes Line 773
Than in this world ther growen gras or herbes. Line 774
-- Bet is, -- quod he, -- thyn habitacioun Line 775
Be with a leon or foul dragoun, Line 776
Than with a womman usynge for to chyde -- Line 777
-- Bet is, -- quod he, -- hye in the roof abyde, Line 778
Than with an angry wyf doun in the hous; Line 779
They been so wikked and contrarious, Line 780
They haten that hir housbondes loven ay. -- Line 781
He seyde, -- a womman cast hir shame away, Line 782
Whan she cast of hir smok; -- and forthermo, Line 783
-- A fair womman, but she be chaast also, Line 784
Is lyk a gold ryng in a sowes nose. -- Line 785
Who wolde wene, or who wolde suppose, Line 786
The wo that in myn herte was, and pyne? Line 787
And whan I saugh he wolde nevere fyne Line 788
To reden on this cursed book al nyght, Line 789
Al sodeynly thre leves have I plyght Line 790
Out of his book, right as he radde, and eke Line 791
I with my fest so took hym on the cheke Line 792
That in oure fyr he fil bakward adoun. Line 793
And he up stirte as dooth a wood leoun, Line 794
And with his fest he smoot me on the heed, Line 795
That in the floor I lay as I were deed. Line 796
And whan he saugh how stille that I lay, Line 797
He was agast, and wolde han fled his way, Line 798
Til atte laste out of my swogh I breyde. Line 799
-- O! hastow slayn me, false theef? -- I seyde, Line 800
-- And for my land thus hastow mordred me? Line 801
Er I be deed, yet wol I kisse thee. -- Line 802
And neer he cam and kneled faire adoun, Line 803
And seyde, -- deere suster alisoun, Line 804
As help me god! I shal thee nevere smyte. Line 805
That I have doon, it is thyself to wyte. Line 806
Foryeve it me, and that I thee biseke! -- Line 807
Page 84
Line 807
And yet eftsoones I hitte hym on the cheke, Line 808
And seyde, -- theef, thus muchel am I wreke; Line 809
Now wol I dye, I may no lenger speke. -- Line 810
But atte laste, with muchel care and wo, Line 811
We fille acorded by us selven two. Line 812
He yaf me al the bridel in myn hond, Line 813
To han the governance of hous and lond, Line 814
And of his tonge, and of his hond also; Line 815
And made hym brenne his book anon right tho. Line 816
And whan that I hadde geten unto me, Line 817
By maistrie, al the soveraynette, Line 818
And that he seyde, -- myn owene trewe wyf, Line 819
Do as thee lust the terme of al thy lyf; Line 820
Keep thyn honour, and keep eek myn estaat -- Line 821
After that day we hadden never debaat. Line 822
God helpe me so, I was to hym as kynde Line 823
As any wyf from denmark unto ynde, Line 824
And also trewe, and so was he to me. Line 825
I prey to god, that sit in magestee, Line 826
So blesse his soule for his mercy deere. Line 827
Now wol I seye my tale, if ye wol heere. Line 828
The frere lough, whan he hadde herd al this; Line 829
Now dame, quod he, so have I joye or blis, Line 830
This is a long preable of a tale! Line 831
And whan the somonour herde the frere gale, Line 832
Lo, quod the somonour, goddes armes two! Line 833
A frere wol entremette hym everemo. Line 834
Lo, goode men, a flye and eek a frere Line 835
Wol falle in every dyssh and eek mateere. Line 836
What spwkestow of preambulacioun? Line 837
What! amble, or trotte, or pees, or go sit doun! Line 838
Thou lettest oure disport in this manere. Line 839
Ye, woltow so, sire somonour? quod the frere; Line 840
Now, by my feith, I shal, er that I go, Line 841
Telle of a somonour swich a tale or two, Line 842
That alle the folk shal laughen in this place. Line 843
Now elles, frere, I bishrewe thy face, Line 844
Quod this somonour, and I bishrewe me, Line 845
But if I telle tales two or thre Line 846
Of freres, er I come to sidyngborne, Line 847
That I shal make thyn herte for to morne, Line 848
For wel I woot thy pacience is gon. Line 849
Oure hooste cride pees! and that anon! Line 850
And seyde, lat the womman telle hire tale. Line 851
Ye fare as folk that dronken ben of ale. Line 852
Do, dame, telle forth youre tale, and that is best. Line 853
Al redy, sire, quod she, right as yow lest, Line 854
If I have licence of this worthy frere. Line 855
Yis, dame, quod he, tel forth, and I wol heere. Line 856