De oleis amurca sanandis, seminarijs et rosarijs. viij ca m.
Olyues now that owt of helthes dwelle [106 Rubric] Ms. rasariis.]
Oyldregges salt effunde vppon the roote;
ffor grettest treen, as telleth Columelle,
Vj congeus or iiij of hit ymmote [immoueas.] . [109 Left margin: Congius continet vj sextaria; sextarium, sex libras.]
Too basket ful of bene chaf dooth boote, [ 110]
As other seyn, to grettest treen; and olde
Vryne on hem to keste is wel with holde.
A morter faste is maad aboute the tre, [fol. 68.]
The rootes hidde, and mest in places drie.
And bareyn yf thin oliaster be, [ 115]
Take bowes tweyne of treen that fructifie,
(But southward of the tre this bowes trie)
And streyne hem thorgh the tre by bores too,
And kitte hem by: do chaued cley therto.
Or dreve in elm, or ook, or ellis stones, [ 120]
And plaster hem. To fatte yf that they be,
A stake anoon into his rootis doon is.
Now cornes weded efte is good to se,
Yf hit be thuse [usus.] . And in frigidite,
Of seed and bayes make the semynary. [ 125]
Soone in this mone ek make vp thi rosary.