De arbustis id est vitibus & plantis arborum vitiferarum. x ca.
That yf the lyst to haue a groue [arbustum.] of vynis, [169 Rubric] Ms. v, B x.]
Let plauntes in thy seminari sette. [ 170]
But trie hem owt of hit that gentyl vine is;
And when they roote & wexe a litel grette,
To stonde about her tre let hem be fette. [173 fette] Ms. fate, B fette.]
The seminary is euen doluen londe
Too foote & half deep plauntes [in] to stonde. [ 175] [175 Ms. omits in, B in to stande.]
In that thi scions or thy plauntes may
Be sette alyte asonder; gemmes [vel ioyntes.] three
Of scions vnder molde is sette alway,
And yeres too when [that] they rooted be, [179 Ms. omits that, B whenne that.]
Translate hem, be they scions, be they tre. [ 180]
The scabby branches & the vexid rootes
To cutte avay for dyuerse harmys bote is.
Too scions in oon diche [vel delue.] hit is to sette
That neyther other touche asonder so,
Theyr growyng forto encumber or to lette. [ 185]
But feyre vp by the sides let hem go.
The first yer fil hit not, as seyth Mago [s. ille auctor.] :
But fille hit ful vp at the yeres ende,
The depper wol the roote of hem descende.
But this is in hoot land conuenient [ 190]
And not in cold ther moyst wol putrifie
The rootes; hele hem ther is myn entent.
And plauntes for to sette also thow trie;
Asshe, popler, elm—tho thre wol multiplie,
As semeth me, in euery maner lond; [ 195]
Yet Columelle is so not understonde.