De nouelle putacione. xv capitulum.
A nouel vine, as telleth Columelle,
After the formest yer to oon matere
To fourme is goode, & not, as other telle,
The secunde yer to kitte of al yfere,
That they or dede or pampinary were; [ 320]
But better is to leue a gemme or too.
In bigger vynes rather this is do:
First help hem vp with canne & litel stakis,
And yef hem strenger, yeres after thre.
At yeres iiij, vp iij materes takes [ 325]
On hem, al ronk yf that the londis be.
The branches ek kitte of fro vyne or tre,
And brere & roote, & al impediment
In hast is from the deluer to [ben] hent. [329 Ms. to hent with space for 3 letters between the two words, B to been hent.]