De echinis paruis & lardo saliendis. vj capitulum.
Now nygh the see ther Phebes [lune.] increment [ 50]
Al closid fish & conkis [conchas.] causith swelle.
Echynys flesh with saltis condyment
Be cured, as men vseth craft to telle.
This same as longe as wynter dayes dwelle,
Wel may be doon. Ek bacon me may salte, [ 55]
And larde, vntil the wynter sesoun halte.
Also this mone, in wode and groues lowe.
Ther bayes beth and benes ripe enrounde,
Gynnes [laquei.] be sette, of euery bridde vnknowe,
Throsshes to take. and other foul on grounde. [ 60]
ffoulynge is good til Marche on hit abounde.
December is atton with Ianyueer
In length, and foot for foot they goth yfeere.