The Middle-English translation of Palladius De Re Rustica / ed. by Mark Liddell.

De agris pinguibus terciandis. Primum capitulum.

At September the faat lond vsyng longe [1 Initial embraces 5 verses.] Humour to kepe, is plowed; and so thrie Hit plowed is. The same ek is no wronge Rather to do, yf seeson be not drie. The playn, humyde, & lene lond espie, [ 5] In Aust seid of; now plowe hit new ayeyn, [6 Ms. now, B newe. ‖ In right margin: 88, d.] And plowed, hoot let kest on hit his greyn.

The clyues [cliui.] thynne are ered now and sowe. [fol. 104a.] And now nygh equynox thi londes donge, In hillis thicke, in feeldis thynne hit throwe. [ 10] In wanyng of Phebes be they toflonge, So may hit meest auayle and do leest wronge. And for an aker lond seith Columelle Carpentys xxiiij is to telle;

For hillis so; for feeldis take xviij. [ 15] [15 Ms. ffor.] And euery day as many is to sprede As thou that day to plowe vp may sustene, [17 As] erasure of one letter after s.]

ffor drede lest the donge vp drie and dede. [18 Ms. brede, B drede.] Al wynter me may donge also. ffor nede If donge in tyme on lond may not be throwe, [ 20] Ek sowe hit smal as seed whanne thou wilt sowe.

Attones lite and ofte is good to donge; Weet lond wole more of hit then wole the drie. ffor laak of donge in sondy lond be spronge Good marl, and hit wole make hit multiplie; [ 25] And vppon cley, the sonde is good to strie— That helpith corn, and makith vynes feire, ffor donge in vynes wol the wynys peyre.