Page 42
De stabulis equorum & boum. Capitulum xxj. [fol. 22.]
Toward the sowth thi stabul & thi stal [ 505] [Rubric over 505 Ms. bouun.]
ffor hors & neet thou sette, & gete in light
Out of the north, & winter close hit al [507 Mss. winterclose.]
To holde out colde; in somer yef hit sight
Thyn hous to cole. And nygh thi bestis dight
A fir in colde: hit wol thin exon mende, [ 510]
And make hem feire, if they the fir attende.
For harmynge of theire houf, eek sette hem drie:
And for vche yok of exon in thi plough,
Eighte foote in brede & goodly lenght outtrie—
The length, as from the horn into the sough [ 515]
The brede is crosse. And planke hit stronge ynough
Vnder thin hors, that hit be lyggyng softe
Ynough & harde ynough to stonde olofte.