De cella rinaria. Capitulum xxiij.
Thy wyn seler in cold Septemtrion,
Wel derk & fer from ostis, bath, & stable,
Middyng. cisterne, & thyngis euerychon
That euel smelle. Ek se that hit be able
As for thi fruit; another thyng notable— [ 460]
Aboue hit al thi calcatori make,
On either half a pitte, in wyn to take.
Thre grees or iiij is up therto to go.
Canels or pipis, wynes forth to lede
Into the vat & tonnys, make also. [ 465]
And paue hit, yf the list, in leng[t]h & brede. [466 Ms. lengh, B lenght.]
A pitte in hit for wynes white or rede
That ouerrenne of ignoraunt kepynge
To make, is oon good poynt of husbondyng.