5.
Of a rose synge we, [ 9b.]
misterium mirabile.
Thys rose is railed on a rys,
he hath brouȝt þe prince of prys,
and in this tyme soth hit ys
viri sine semine.
This rose is reed of colour bryȝt
throw whom oure ioye gan a-lyȝt
vppon a Cristys-masse nyȝt,
claro Dauid germine.
Of this rose was Cryst y-bore
to saue man-kynde þat was for-lore
and yl alle from synnes sore
Prophetarum carmine.
This rose, of flourys she is flour,
she ne wole fade for no shoure;
to synful men she sent socour
mira plenitudine.