Das trentalle Sancti Gregorii in der Edinburgher handschrift / [ed. K. D. Bülbring].

DAS 'TRENTALLE SANCTI GREGORII' IN DER EDINBURGHER HANDSCHRIFT.

Some tyme in Rome a pope þer was, [fol. 213] Þat hade a modur fułł fayre of face, And þe beste, I vndirstonde, Þat was holden in [in über der zeile zugefügt.] Romes londe, [ 4] Of fastyng and of preyers, as we rede, And of oþer almes dede; Tyl at þe deuełł, þat neuer can blyn, Had broght hor in a preuey syn. [syne in der handschrift, mit aus∣punktiertem e.] [ 8] Ho dorst noght telle no man: Ho was holden so god a womon. To mynour ne to frere Austyn, To caryne ne to Jacobyn, [ 12] To no prist ne to clarke Ho durst not schow hor yvel warke; Tyl sykenes told hor wondur sore Þat ho trowed to lyf no more. [ 16] To þe pope hore son ho sende Hor to consełł and to mende, To com to hor als be-lyffe Yf he wolde se hure on lyffe. [ 20] Of þis tyþandis was he not blythe; Bot to his modur he wente swythe, And he askede hure of hure fare. Ho sayde, ho was in mycułł care, [ 24] [fol. 213b] Where-fore ho lust no more to lyuen; Bot to hym ho wold be schryuen. "Alas", he sayde, "alas for syn, So fayre with-out and fole with-in! [ 28] Synfułł I haue byn mony a day: Son, of consełł I þe pray. Bot yf þat I haue rede of þe, I trow neuer saffe to be. [ 32] Þre chyldur I haue borne Foll preuely, þey byn for-lorne. For I was holden so gud in londe, I slo hom ałł with my honde [ 36] Thorooȝħ combrons of þe devel of hełłe; Þis syn for schame I durst neuer tełłe.

A-las, how schołł I saued be, My dere son, with-out red of þe?" [ 40] Þe pope answart wepyng sore: "Godis mercy is wełłe more, My dere modur, þen þi syne; Yf þou be sory with-in, [ 44] I telle þe, modur, wełł securly God of þi sole wyłłe haue merycy. [Sic! lies mercy.] Bot panans I wyłł gyff þe non; I se, þi lyf wyłł sone be gone: [ 48] In hełłe or in purgatory with-outon drede Þi sole mot bye þi lyvies [Sic! lies lyves.] dede. Yelde þe, modur, to God ałłmyght! [fol. 214] For þe I pray both day and nyght. [ 52] For hys mercy and hys pete Pardon of syn he graunt [gramt in der hs.] to þe. Bot, god modur, my dere dame, Yf þou may with-outon blame [ 56] Of Gode to tełł me [me mit sehr undeutlichem e in der hs., welches aus y gebessert scheint.] þe grame, I pray þe in Godis name, When þou art dede in wele or wo, God m[o]dur, do ryght so!" [ 60] "My swet son, þer schałł [Hs. schlałł, wovon das erste l durch punkte getilgt ist.] no slowthe Lyt me þer from [Hs. fron.] ; here my trowthe! Yf God voche-safe, I com a-gayne To tełł my state; I wyłł fułł fayne." [ 64] Ho had vnnethe þes wordis sayde, Bot ho yelde þe gost in a bryde. Sone to þe gronde þi con hor bere bryng, And beryd hor with-outon lesyng. [ 68] Þe goste com þe þyrde nyght To þe pope, a rufułł wyght. As blake hym þoȝt as any pyche With burnand fyre [Hs. frye, doch sind r und y durch punkte als verstellt bezeichnet.] : he se neuer syche; [ 72] Þe chambur glyssnet ałł a-bowte. Þer-of þe pope had grete dowte,

And of þe gret stynke ałł-so, Þat made hym for to wake þo. [ 76] Þer he hade an yvełł fytte, Þat hade negħ lost hys wytt. Bot at þe laste vp he breyde: [fol. 214b] And rufully þis wordis he sayde: [ 80] "Bene-dicite in Godis name, Wo is þer?" Ho says: "Þi dame." Of þat askyng þo gost was glade; Þe Pope for ferde was nere made: [ 84] "Alas", he sayde, "how art þou stade?" "I am comun so as þou me badde For my socour and my prowe To helpe me of my vowe. [ 88] My dere son, for charite! Helpe me, as þou hattest me! Þer is no tonge þat may telle Peynes I soffur, þay byn so fełł. [ 92] Þis hundrtħ yere I haue hom borne; Bot I haue helpe, I am fore-lorne." He vnswart with sory harte: "Me rewes, modur, of [of über der zeile nachgetragen.] þi smarte: [ 96] Yf þer be oght þat helpe ȝow may, Tełł me, modur, I ȝow pray." Þe sole sayd with sore sykynge [Der reim hierzu fehlt.] : . . . . . . . . . . . . . . [ 100] "Wo so dose hyt in hys lyff day, Wełł is hym, he may say, Þat euer yytt was borne, For pynes thare hym dred non forne [ 104] Of purgatory no of hełłe, Whecħ peynes byn I-lyke fułł iłł; Þe ton hase ende, þat oþer is bowte: Wyłł is hym, is hom with-out:— [ 108] Thre masses of Crystes natiuite, And thre of epyphanys, And thre of þe paryfycacyon, [fol. 215] And thre of þe annunciacion [Hs. arnericiacōm̄.] , [ 112]

And thre of þe resureccion, And thre of þe ascencioun, And of þe Holy Gost thre schałł [a über der zeile zugefügt.] be And oþere thre of þe trinite, [ 116] And of oure laydis assumpcion thre, And als mony of here natiuite: And ałł þes massus, I þe pryae [So in der hs.] , With-ine hor vtas þou hom say. [ 120] And yytt wele more þou hase to do: Placebo and dirige þou say þer-to! Also I pray þe, my dere son, Þat þou say þis oreson: [ 124] 'God þat made ałł and som, And yeld þi selfe fore oure raunson, Þou wold be borne be-fore ałł oþer In þe londe of be-hest, to be oure broþer; [ 128] And as þou suffert detħ for us, Delyuer þis soule [Hs. solue, das zu soule gebessert ist.] , þou swete Jhesu[s], Out of þe fendis hondis fełłe! Grant hyt, lorde, in joy to dwełł! [ 132] Þo folke, lord, of mys-beleve Þou helpe hom, lorde, or hyt hom greue! And, lorde, for þi grette pete, Þou helpe hom, lord, ałł þat trylis in þe'." [ 136] Þe pope vnswart a-non ryghte: "Hyt shałł be done with ałł my myght. Nowe, god modur, I pray the, Wen hyt is done, þou com to me [ 140] To tel me of þi fare. [fol. 215b] God bryng vs botħ out of care!" Þen sayd þe gost: "I wyłł fułł fayne. Yf God voche-safe, I com a-gayne, [ 144] To tełł þe at þe last, Wen ałł my paynes byn past. Fare wełł, son, for now I go; For Godis lofe þynke on my wo!" [ 148] Þe pope lett send swytħ sone [Die zeile mit dem reim auf sone fehlt.] . . . . . . . . . . . . .

To þe freres of saynte Austen, To mynor or to Jacobyn, [ 152] And to þe freres of Mont Carmele— With hys blesyng he gret hom wełłe— To prist and clarke þat woned in Rome, To pylgrimus þat þedur com: [ 156] He bade hom on þis blesyng Hys modur sole to [haue] in mynde In hor prayers and byddyng; Hym selffe wolde þe masses syng. [ 160] Wen þe trentałł was ałł done, Ho come a-gayne fułł sone, Þe þryde nyght secorly Aftur þe byrtħ of þore lady, [ 164] To þe pope in þis chambure With þo most swette savour, Þat euer he felde in his lyfe. Þerwith þe pope wakende swytħ, [ 168] Mucħ [Hs. Mcħ.] myrtħe þer hard and fułł grete steuun; He se fayre angłs were comn fro heuun: Be-twene hom þey broȝt his modur i-wis, Hym thoȝt ho was þe qwene of blys; [ 172] So fayre ho schon, so bryȝt ho was. Þo pope knelet don in þat place [fol. 216] "Lade", he sayde, "I serued nouer þe, Þat þou wolde schow þe to me, [ 176] As I schałł þe serue, swette lady: Of my modur sole hafe mercy!" "Nay", sayde þe sole, "þou mys-leuest: I am not ho þat þou wenest; [ 180] Þi modur I am, and not þe qwene. Blossed mot þou [Hinter þou folgt be, welches aber durch einen strich und punkt ungültig gemacht ist.] ever ben; For thorogħ þi prayers, my dere son, Euer in blysse I schałł won. [ 184] God of heuun brynge þe thedur, Þat we may haue þat joy to-gedur And to þe blesse þen com we." "Amen", sayd ałł, "for charyte!" [ 188]

Here endes þe trentałł of Gergori. [So in der hs.] God of oure soles haue merci! [ 190]

Amen.

Explycyt trentałłe Sancti Gregorij.

Be it trowe or be it fals, It is os the cope was. [Unten auf dieser seite steht deutlich geschrieben und von derselben hand: gorgys hopkyne nto XX pond of god boldurs.]