Page 306
Ms. Douce 128, fol. 258.
1.
As þou for holy churche riȝt
bare þe blody face,
To þe y praye, boþe day and nyȝt,
of ioye sende me a space,
Wiþ an O and [Fur. and for] an I,
a space forto abyde;
Thu bere myn arnde to þat lord,
þat bare þe blody syde!
2.
Jesu [Fur. ihesu] kyng in trone,
lord in mageste,
To þe y make my mone
wiþ herte good and fre!
Frendes haue y none
that wolde me knowe ne se,
My wonynge ys allone—
lord, wel wo ys me!
Wiþ an O and an I,
my wonynge is wel wykke,
Frendes haue y fewe,
my fomen walkeþ þykke.