Page 288
III. Markus.
1.
Marke of his myghtes myldely gan neuen
Restand on a raw disciples elleuen;
To þam appered Jesus, god son of heuen,
þair mysbileue to amend wiþ a myld steuen.
Wiþ ane O and ane I, þai wald noght trow euen
To þam þat tald, how he rayse mo sythes þan seuen.
2.
He said: ouer al þe world I will þat yhe wende,
þe gospell sall yhe preche þat neuer sall haue ende
To euerilka creature, to fa & to frende:
Who trowes & es baptist, no syn sall him schend;
Wiþ ane O and ane I, he þat will lende
Vnbaptist, he bese feffed wiþ þe fende.
3.
All þat made er my men, my signe sall þai were,
In my name gett þai force fendes to fere,
Wiþ new tonges sall þai speke & my law lere,
And nedders & wormes oway sall þai were.
Wiþ ane O and ane I, now take þe no care, [þe no care nachträglich auf verblasster stelle!]
And euell venym to drynk sall do þam no dere.
4.
An [An im Ms.] seke men sall þai sett sadly þair hende
And thurgh myght of my merk sone sall þai mend.
When Crist to þat company þus kyndely had kend,
Vnto heuen in þair syght sone he [des]cend;
Wiþ ane O and ane I, þare lykes him to lend,
On his fader ryght hand [...] [?ges im Ms., der sinn erfordert aye.] wiþouten end.
5.
þe apostels playnly passed þare pase
Prechand þe pople in euerilka place,
Crist was þair comforth in ilka kene case
And wele confermed þair wordes, als his wil wase.
Wiþ ane O and ane I, þus toke þai þair trace
Folewand þe ferlyes þat felles our fase.