Nachträge zu den legenden / [ed. C. Horstmann].

Nachträge zu den Legenden.

Kalender in Versen, von dan John Lydgate. [Von diesem Kalender sind mir bis jetzt die folgenden drei Mss. bekannt geworden: Ms. Harl. 4011 (das einzige Ms. des Brit. Museums), worin das erste Blatt mit den beiden ersten Monaten ausgefallen ist, Ms. Douce 322 und Ms. Rawlinson 408. Die Feste sind in den Mss. rot oder durch Unterstreichung mar∣kiert. Alle Hss. sind mehr oder minder verderbt; im ganzen liefert Ms. Douce den besten Text; Ms. Harl. erscheint als Überarbeitung. Der Urtext ist aus diesen drei Hss. allein kaum herzustellen.]

b. Ms. Douce 322, f. 2.

Januarius habet dies xxxi, luna xxx.

III	A			Jhesu lorde, for thy holy Circumsicioun,
	b	IIII	N.	In the begynnyng of the newe yere,
XI	c	III	N.	Kepe me euer from alle confusion;
	d	II	N.	Whan I shalle stande at myne answere,
XIX	e	Nonas		Graunte me grace welle to appere, [ 5]
VIII	f	VIII	Id.	And for thy worshipfulle Epiphany
	g	VII	Id.	Graunt me good lyfe and welle to dy.
XVI	A	VI	Id.	Nowe pray for me, seynt lucian,
V	b	V	Id.	That I may be had vnto youre daunce,
	c	IIII	Id.	where god rewleth aungelles and man [ 10]
XIII	d	III	Id.	In trewe loue withouten variaunce.
II	e	II	Id.	yeue me som comfort of aqueyntaunce,
	f	Idus		Confessoure and bysshop seynt hillary,
X	g	XIX	Kl.	with seynt Felyce, that ioyeth the by.
	A	XVIII	Kl.	O Abbot Maure, kepe me from vyce, [ 15]
XVIII	b	XVII	Kl.	with helpe of pope and martyr Marcelle.
VII	c	XVI	Kl.	I pray the to teche me, seynt Sulpice,
	d	XV	Kl.	with virgyne Prysce, to syng nowelle.
XV	e	XIIII	Kl.	Bysshop Wlstan, yeue me good counselle,
IIII	f	XIII	Kl.	And these martires: Fabian and Sebastian, [ 20]
	g	XII	Kl.	with virgyne Agnes, that wel helpe can.
XII	A	XI	Kl.	Set my pacience, seynt Vincent,
I	b	X	Kl.	That hit may growe in my soule.
	c	IX	Kl.	Conuert vs from alle euel entent,
IX	d	VIII	Kl.	The glorious conuersion of seynt Poule, [ 25]
	e	VII	Kl.	That we ascape the fendys alle;
XVII	f	VI	Kl.	helpe vs, seynt Julian, to be vnbounde,
VI	g	V	Kl.	with virgine Agnes, nowe the secounde.
	A	IIII	Kl.	Kepe vs from alle-maner synne,
XVIIII	b	III	Kl.	Quene Batilde, in specialle from pryde. [ 30]
III	c	II	Kl.	Suffer vs neuer to dye there-inne,

Februarius habet dies xxviij, luna xxix.

	d		Kl.	Jhesu, for thy virgyne seynt Bryde.
XI	e	IIII	N.	O puryfyed lady, be nowe oure gyde.
XIX	f	III	N.	Teche vs to lyue welle, O bysshop Blase—
VIII	g	II	N.	For alle thys wreched lyfe ys but a mase. [ 35]
	A	Nonas		LEde vs, virgyne and martir Agase,
XVI	b	VIII	Id.	And the bysshops Vedast and Amand:
V	c	VII	Id.	We walke nowe here in derknesse, allas,
	d	VI	Id.	Teche vs the trewthe to vnderstand,
XIII	e	V	Id.	That we be delyuered fro the fendys band. [ 40]
II	f	IIII	Id.	Helpe vs, holy virgyne seynt Scolast,
	g	III	Id.	Tylle thys short lyfe be ouerpast.
X	A	II	Id.	BE of good comfort, hert myne!
	b	Idus		Wel mayst thow glad and lusty be:
XVIII	c	XVI	Kl.	For, as I hope treuly, seynt Valentyne [ 45]
VII	d	XV	Kl.	wylle shewe hys loue and ioye with me.
	e	XIIII	Kl.	O virgyne Juliane, I chese nowe the
XV	f	XIII	Kl.	To my valentyne, with hert and mouthe—
IIII	g	XII	Kl.	To be trewe to the wold god I couthe!
	A	XI	Kl.	I hope to lerne for to pursewe [ 50]
XII	b	X	Kl.	After these valentines by thys meter;
I	c	IX	Kl.	I loue alle welle, bothe olde and newe.
	d	VIII	Kl.	with the Cathedracion of seynt peter
IX	e	VII	Kl.	Nomore of loue I me entermete:
	f	VI	Kl.	I pray the now, apostylle seynt Mathy, [ 55]
XVII	g	V	Kl.	For crystes trewe loue to lyue & dy.
VI	A	IIII	Kl.	A trew Valentyne ys he to me:
	b	III	Kl.	Alle hys body on the crosse he sprad,
XIIII	c	II	Kl.	And, for my soule hys spouse shulde be,

a. Ms. Harl. 4011, [Im Ms. Harl. fehlen die zwei ersten Monate. Die Feste sind oft nicht markiert; r. bezeichnet in rot. Statt -on̄ hat die Hs. meist -on' (eigentlich = one); ich habe dies jedoch ebenfalls durch -oun aufgelöst.] f. 138.

Mar(ch).

III	d		Kl.	With his bloode savid he did me wedde. [ 60]
	e	VI	N.	Pray for me now, Seint Chedde,
XI	f	V	N.	That y may to hym my covenaunte holde
	g	IIII	N.	That for me was bought and solde.
XIX	A	III	N.	here shalle I not longe ben,
VIII	b	II	N.	To another countrey I am bought: [ 65]
	c	Nonas		Now pray for me, Seint Perpetue vergen,
XVI	d	VIII	Id.	That in my wey I erre nought,
V	e	VII	Id.	But that my werkes, worde and thought
	f	VI	Id.	Be so plesaunt vnto thi spouse,
XIII	g	V	Id.	That I may be servant in his hye house. [ 70]

II	A	III	Id.	O holy doctour Pope Gregoure,
	b	III	Id.	That sent Seint Austyn into Englonde,
X	c	II	Id.	In my temptacion I fynde socoure
†	d	Idus		By confort of thi gracious sonde.
† XVIII	e	XVII	Kl.	yit by (thi) writynge I vndirstond [ 75]
VII	f	XVI	Kl.	That alle this world is now fulle harde:
†	g	XV	Kl.	Pray for me, martir Seint Edwarde.
XV	A	XIIII	Kl.	I am fulle moche in goddes dette:
IIII	b	XIII	Kl.	Seint Cuthbert, now pray for vs,
	c	XII	Kl.	with the, holy abbot Seint Benette, [ 80]
XII	d	XI	Kl.	helpe, while it stondeth now thus,
l	e	X	Kl.	That oure good lord swete Jhesus
	f	IX	Kl.	Make therof a fulle myttigacioun,
IX	g	VIII	Kl.	In reuerence of her mercyfulle Annunciacioun. (r.)
	A	VII	Kl.	O blissed lady with this emanuelle, [ 85]
XVII	b	VI	Kl.	Now for his glorious Resurreccioun (r.)
VI	c	V	Kl.	helpe me, with thi aungelle Gabrielle,
	d	IV	Kl.	ffor his so worshipfulle salutacioun,
XIIII	e	III	Kl.	And for his so mervelous Incarnacioun
III	f	II	Kl.	That wrought was þrough þe holy gost, [ 90]

April XXX.

	g		Kl.	Kepe me, lady, vndir thi poost.
XI	A	IIII	N.	Now thynke on me, gentile rose,
	b	III	N.	ffor the prayers of Seint Richard,
XIX	c	II	N.	And for the love of Doctour Ambrose,
VIII	d	Nonas		ffor this world is now fulle hard; [ 95]
† XVI	e	VIII	Id.	Turne not, lady, thi chere awayward:
V	f	VII	Id.	ffor alle-though I synfulle be,
	g	VI	Id.	The more nede y haue to the.
XIII	A	V	Id.	Who spareth to speke, spareth to spede:
II	b	IIII	Id.	Therfor I crye day and nyght, [ 100]
†	c	III	Id.	Now helpe me, good lady, in my nede,
X	d	II	Id.	As thi sonne is fulle of myght;
	e	Idus		Of the sonne-beam yeve me some light,
XVIII	f	XVIII	Kl.	ffor Seint Tiburce and Valeryan,
VII	g	XVII	Kl.	And shew thou art a gentile woman̄. [ 105]

	A	XVI	Kl.	Whiles I leve, I wille not cease
XV	b	XV	Kl.	To crye on hym that is my liege:
IIII	c	XIIII	Kl.	Kynge Jhesu, now send vs pease,
	d	XIII	Kl.	ffor the holy prayers of Seint Alphiege.
XII	e	XII	Kl.	I wille now walke fro siege to siege [ 110]
I	f	XI	Kl.	And pray, to help me, every seynt,
	g	X	Kl.	ffor vnto hem I make my compleynt.
IX	A	IX	Kl.	Seint George (r.), oure lady knyght,
	b	VIII	Kl.	To that lady thou pray for me!
XVII	c	VII	Kl.	yeve me, Seint Marke (r.), some gostly light, [ 115]
VI	d	VI	Kl.	That I may my-selfe the better se—
	e	V	Kl.	Allas, myn eyen ben blynd in her degre.
XIIII	f	IV	Kl.	I pray the, martir Seint Vitalle,
III	g	III	Kl.	helpe me to live whan I dye shalle.
	A	II	Kl.	And the appostels now bothe in-fere, [ 120]

May.

XI	b		Kl.	Philip and Jacob (r.), maketh mencioun,
	c	VI	N.	To god for me in youre prayere!
XIX	d	V	N.	Now for the holy Crosse Inuencioun (r.)
VIII	e	IIII	N.	heven-blisse I aske for my pencioun.
	f	III	N.	Thurgh merite of the Ascensioun divyne, [ 125]
XVI	g	II	N.	with help of Seint John atte porte latyne.
V	A	Nonas		Now, Seint John of Beverlay,
	b	VIII	Id.	I pray the, drawe nat abacche,
XIII	c	VII	Id.	Gader me the floures of hevenly May,
II	d	VI	Id.	with the martirs Gordian and Epimache, [ 130]
	e	V	Id.	and cureth therwith oure sowles ache!
X	f	IIII	Id.	Now, Nerey, Achilley and Pancrasse,
	g	III	Id.	Seeth a foryeuenesse of my trespasse.
XVIII	A	II	Id.	Make we alle oure sowles hole
† VII	b	Idus		Ayenst the hie fest of pentecost, [ 135]
†	c	XVII	Kl.	That I may be clothed in a white stole
XV	d	XVI	Kl.	Thurgh the vertu of the holy gost,
IIII	e	XV	Kl.	he me confort, of myghtes most,
	f	XIV	Kl.	Thurgh the prayers of Seint Dunstone—
† XII	g	XIII	Kl.	ffor with-oute hem I may not wele done. [ 140]

I	A	XII	Kl.	God that is but one in persones thre,
	b	XI	Kl.	The holy Trinite with-oute begynnynge,
IX	c	X	Kl.	Send me grace that I may saved be,
	d	IX	Kl.	whan I shalle passe at þis lyves endynge.
XVII	e	VIII	Kl.	helpe me, Seint Aldelme, to myn̄ amendynge, [ 145]
VI	f	VII	Kl.	with the fest of Corpus xpi, & seint Austyne
	g	VI	Kl.	That taught vs the feith to enclyne!
XIIII	A	V	Kl.	O holy bisshope Seint German,
III	b	IV	Kl.	I pray the my peticion to fulfille;
	c	III	Kl.	And I pray the same, as hertly as I can, [ 150]
XI	d	II	Kl.	helpe me, virgyn Seint Petronylle;

June.

	e		Kl.	Also, Seint Nichodeme, I pray þi good wille;
XIX	f	IIII	N.	Teche me youre Daunce, Marcellyne & Petir,
VIII	g	III	N.	vnto whom I pray with this symple metir.
XVI	A	II	N.	I crye to you alle now on a row, [1 on a row ausradiert und as y kan v. a. H. hintergeschr.]
V	b	Nonas		In especialle to the, martir Bonyface,
	c	VIII	Id.	with alle thi felawes hye and low, [2 hye and low ausradiert und seynt Wolstan v. a. H. nebengeschr.]
† XIII	d	VII	Id.	That ye gete me repentaunce & space.
II	e	VI	Id.	Medard and Gildard, where is now your grace?
	f	V	Id.	Pray for my synnes with Seint Edmond, [ 160]
	g	IIII	Id.	And after this lyf to haue the second.
	A	III	Id.	Now, Seint Barnabe, for me thou pray,
XVIII	b	II	Id.	with good Basilde, martir and prest,
VII	c	Idus		That I may be clothed in youre array,
	d	XVIII	Kl.	where as ye sitte atte fest. [ 165]
XV	e	XVII	Kl.	kepe me, y pray you, Vite and Modest,
IIII	f	XVI	Kl.	Cirice and Julite, kepe me fro þe wolf,
	g	XV	Kl.	and light my gost eclipsed, Seint Botulphe!

XII	A	XIIII	Kl.	Pray now for me, Marcellian & Marke,
I	b	XIII	Kl.	with Geruase and Prothase, martirs ilkone. [ 170]
	c	XII	Kl.	This world now, Edward, wexeth derke,
IX	d	XI	Kl.	ffor my inward sight is almost gone.
	e	X	Kl.	Lede me, our first martir Seint Albone;
XVII	f	IX	Kl.	Ethelrede of Ely, I pray now help me,
VI	g	VIII	Kl.	with Seint John Baptist the Natiuite (r.) [ 175]
	A	VII	Kl.	Brynge me to mydsomer of hevenly blisse,
XIIII	b	VI	Kl.	I pray yow martirs, Pawle and John,
III	c	V	Kl.	where of myrthe I shalle never mysse,
	d	IV	Kl.	where that seynt Leo is not alone.
XI	e	III	Kl.	Now, Petir and Paule (r.), I trust you vpon̄, [ 180]
	f	II	Kl.	And seint Paule the commemoracioun

July.

XIX	g		Kl.	Help me ever to my saluacioun.
VIII	A	VI	N.	O ye martirs, Martynyan and Processe,
	b	V	N.	Now alle floures begynne to fade;
XVI	c	IIII	N.	In this erthe, Martyne, is but wrecchednesse [ 185]
V	d	III	N.	Sithe Adam put ther-in his spade.
	e	II	N.	Now mercyfulle god that alle thinge made,
XIII	f	Nonas		(For the translacion of) [Fehlt im Ms.] Seint Thomas
II	g	VIII	Id.	Brynge me ones to that endlesse solas.
	A	VII	Id.	Lo now passeth the chery faire: [ 190]
X	b	VI	Id.	Therfor I pray you, Brethren seven,
	c	V	Id.	That I may be one of Benettes haire,
XVIII	d	IIII	Id.	where as ye are in the Relikes of hevene.
VII	e	III	Id.	Gentile brother Jhesu, brynge me there even—
	f	II	Id.	That were to me a gracious fortune. [ 195]
† XV	g		Id.	Now helpe ther-to, bisshope Swythyne.
IIII	A	XVII	Kl.	I mette a while with Seint Botulphe,
	b	XVI		Seint Kenelm, with the now I mete,
† XII	c	XV	Kl.	Prayinge the hertly, with Seint Arnulphe,
I	d	XIIII	Kl.	To bryng me to þat Joye so swete! [ 200]
	e	XIII	Kl.	A, gentile maiden, Seint Margarete (r.),
IX	f	XII	Kl.	And Praxede, let me bere your trayn,
	g	XI	Kl.	And youres also, Seint Mary Magdaleyne (r.)!

XVII	A	X	Kl.	Apollynare, teche me youre games;
VI	b	IX	Kl.	Make me, [l. vs.] Seint Cristyne, an hevenly lepers, [ 205]
	c	VIII	Kl.	Lette me dispute with Seint James (r.),
XIIII	d	VII	Kl.	Brynge me, Seint Anne (r.), to your vespers,
III	e	VI	Kl.	Make me to studie the Seven slepers;
	f	V	Kl.	Brynge me, Seint Sampson, to þe hye scoles,
XI	g	IV	Kl.	ffor thedir, Felice, came no foles. [ 210]
XIX	A	III	Kl.	To Abdon and Semen I me redresse;
	b	II		Good Seint German, bringe me to heven-blisse;

Auguste.

VIII	c		Kl.	The boundes of Seint Petir atte lammasse
XVI	d	IIII	N.	Vnbynde me, with pope Steven.
V	e	III	N.	And Steven, the dekon of heven, [ 215]
	f	II	N.	helpe with thi merites many-folde,
XIII	g	Nonas		with kynge and martir Seint Oswolde.
II	A	VIII	Id.	Seint Sexte pope, for goddes sake,
	b	VII	Id.	with Donate bisshope, do thi diligence,
X	c	VI	Id.	Also with thi felawes, Seint Ciriake; [ 220]
	d	V	Id.	with Seint Roman, help my conscience,
XVIII	e	IIII	Id.	O thou worthi martir Seint Lauerence (r.);
VII	f	III	Id.	Pray for me, Seint Tiburce,
	g	II	Id.	I hope it wille be never the worse.
XV	A	Idus		Seint Ypolite, here my petycioun, [ 225]
IIII	b	XIX	Kl.	with Seint Euseby, the holy confessour.
	c	XVIII	Kl.	Now, lady, for thyn hye Assumpcioun
XII	d	XVII	Kl.	yeve me thyn honde and thi socour,
I	e	XVI	Kl.	That I may stye in to thi towr,
	f	XV	Kl.	There Seint Agapte is with the; [ 230]
† IX	g	XIIII	Kl.	Lady, with Seint Magne help thou me!
†	A	XIII	Kl.	To my valentyne, Lady, I chese now the,
XVII	b	XII	Kl.	whom I wille chaunge for no new.
VI	c	XI	Kl.	Now pray for me, Seint Tymothe,
	d	X	Kl.	To my lady that I be trew. [ 235]
XIIII	c	IX	Kl.	helpe me, I pray the, Seint Bartholomew (r.),
III	f	VIII	Kl.	So worthi appostle as thou art one—
	g	VII	Kl.	Better helpe than prayer can I none.

XI	A	VI	Kl.	Helpe me, Seint Ruphe, þe martir of crist,
XIX	b	V	Kl.	And Seint Austyne, the worthi doctour, [ 240]
	c	IIII	Kl.	with the decollacion of Seint John baptist,
VIII	d	III	Kl.	Seint Felice, pray our saviour,
	e	II	Kl.	with Seint Cuthberge, þat virgyn floure,

September.

XVI	f		Kl.	That I may Joye with Seint Gyle
V	g	IIII	N.	In heven after this litelle while. [ 245]
	A	III	N.	Alle this world is fulle of peyne:
XIII	b	II	N.	Now pray for me, Seint Cuthbert,
II	c	Nonas		with the holy abbot Seint Bertyne,
	d	VIII	Id.	helpe that I may graciously astert.
X	e	VII	Id.	Yit y pray the with alle myn hert, [ 250]
	f	VII	Id.	Lady, for thi Joyfulle Natiuite (r.),
XVIII	g	V	Id.	with Seint Gorgony, thou help me!
VII	A	IIII	Id.	Lady, thyn vtas I [l. we.] done holde
	b	III	Id.	Of Prothe and Jacyncte a commemoracioun;
XV	c	II	Id.	Moche grace of the haue I herd tolde: [ 255]
	d	Idus		Now helpe me, lady, in my temptacioun,
XIII	e	XVIII	Kl.	ffor thi sonnes holy Crosse Exaltacion.
†	f	XVII	Kl.	Pray for me, Seint Eufemyn, at nede,
	g	XVI	Kl.	with Seint Edithe for the better spede.
	A	XV	Kl.	Now bisshope and martir Seint Lambert, [ 260]
IX	b	XIIII	Kl.	Pray for me to Jhesu crist,
	c	XIII	Kl.	That he purge my sowle and hert
XVII	d	XII	Kl.	ffro [Ms. ffor.] alle synfulle and derkly myst.
VI	e	XI	Kl.	helpe me, Seint Mathew Euangelist (r.),
	f	X	Kl.	And alle the felawes of Seint Mavrice, [ 265]
XIIII	g	IX	Kl.	with Seint Tecle to have a spice.
III	A	VIII	Kl.	That hevenly spice is fulle swete:
	b	VII	Kl.	helpe me therof, Seint Firmyne;
XI	c	VI	Kl.	Ciprian, yf it wold be gete,
	d	V	Kl.	with Cosme and Damyan wold I dyne. [ 270]
XIX	e	IIII	Kl.	lede me thedir as right as a lyne,
VIII	f	III	Kl.	Seint Mighelle (r.), to that hevenly kyngdome,
	g	II	Kl.	helpynge the holy doctour Seint Jerome.

October.

XVI	A		Kl.	Now, Seint Remige, with alle aungels,
V	b	VI	N.	Thurgh the prayer of Seint Leodegare, [ 275]
XIII	c	V	N.	Brynge me fro this wrecchednesse
II	d	IIII	N.	ffulle of synne, sorow and care:
	e	III	N.	I Leve this world, I wille be ware:
† X	f	II	N.	Now, Seint Feithe, bringe me to your werke,
	g	Nonas		By help of þe martirs Marcelle & Marke. [ 280]
XVIII	A	VIII	Id.	I wille be as stille as ony stone:
VII	b	VII	Id.	helpe with thi felawes, Seint Dionise,
	c	VI	Id.	That I may dwelle with Seint Gereone
XV	d	V	Id.	And Seint Nichase in hye paradise—
IIII	e	IIII	Id.	ffor of this lyf I sette but litell prise. [ 285]
	f	III	Id.	I pray Seint Edwarde confessour & kynge,
XII	g	II	Id.	That I may with Seint Kalixt synge.
I	A		Idus	Teche me the way, Seint Wolfran,
	b	XVII	Kl.	To Mighelle in the mounte wold I ride—
IX	c	XVI	Kl.	Flessh is my horse, my sowle is the man. [ 290]
	d	XV	Kl.	I pray the, Seint Luke (r.), to be my gide,
XVII	e	XIIII	Kl.	help me, virgyn Seint Frideswide,
VI	f	XIII	Kl.	One of the floures here of Inglonde,
	g	XII	Kl.	with alle the holy virgynes XI thousande—
XIIII	A	XI	Kl.	That was a present alle in oo day [ 295]
III	b	X	Kl.	ffulle worthi to god, Seint Roman;
	c	IX	Kl.	Whos floures are in October & in May,
XI	d	VIII	Kl.	God gadir Crispyne and Crispynyan.
XIX	e	VII	Kl.	Some of hem fadeth & wexeth alle wane,
	f	VI	Kl.	ffor her names ben so rude. [Dies bezieht sich auf St. Rusticus (26. Oktober).] [ 300]
VIII	g	V	Kl.	Pray for me, Seint Symond & Jude (r.).
	A	IIII	Kl.	I seche alle seintes to my valentyne,
XVI	b	III	Kl.	Truly I hold it for the best.
V	c	II	Kl.	Teche me to daunce, Seint Quyntyne,

November.

	d		Kl.	With Alhalowe (r.) in this hye feste. [ 305]
XIII	e	IIII	Non.	Alle Cristen Soules (r.) god yeve hem rest,
II	f	III	N.	Seint Wynfride, pray for hem þat are in purgatory,
	g	II	N.	whiche suffreth there paynes fulle sorowfully.

X	A		Nonas	A, lord Jhesu, tho paynes ben fulle smart!
	b	VIII	Id.	Now, Seint Leonard, help hem therfor, [ 310]
XVIII	c	VII	Id.	Make hem easy with thi swete hart;
VII	d	VI	Id.	And the IIII crowned, I pray you, evermore;
	e	V	Id.	helpe with thi sawtry, Seint Theodore,
XV	f	IIII	Id.	That I [l. hit.] may aswage somwhat our peyne,
IIII	g	III	Id.	with the prayers of Seint Martyne. [ 315]
	A	II	Id.	ffor this daunce mynystralcye is good:
XII	b	Idus		Now, Seint Bruce, helpe me with þi lute,
I	c	XVIII	Kl.	That crist wassh me with his precious blood.
	d	XVII	Kl.	Now pray for me Seint Macute,
† IX	e	XVI	Kl.	Edmond of pontenay, in your shoute [l. sute.] [ 320]
	f	XV	Kl.	I wold I were, with Seint Hew,
† XVII	g	XIIII	Kl.	whether hit be in white or blew.
VI	A	XIII	Kl.	I wold be clothed in Cristmasse lyveray:
	b	XII	Kl.	help me therto, Edmond the kynge!
XIIII	c	XI	Kl.	Of alle that fest ther is but o day; [ 325]
III	d	X	Kl.	Ther Seint Cecilie is ever beynge,
	e	IX	Kl.	That day Clement is ever durynge;
XI	f	VIII	Kl.	Brynge me, Grisogone, with my Valentyne,
	g	VII	Kl.	That I may ioye, with Seint Kateryne!
XIX	A	VI	Kl.	Yeve me thyn hond, Seint Lyne pope, [ 330]
VIII	b	V	Kl.	wold god I coude thi stappes sew;
	c	IIII	Kl.	helpe me to daunce vndir thi cope,
XVI	d	III	Kl.	with Seint Saturnyne, the martir trew.
V	e	II	Kl.	Pray for me, the appostle Seint Andrew (r.),

December.

	f		Kl.	Ayenst our lordes second Advent [ 335]
XIII	g	IIII	N.	Atte domes-day that I be not shend!

	A	III	N.	A, lorde Jhesu, to the now I crye,
X	b	II	N.	whom I haue offended with synnes, allas!
	c	Nonas		haue mercy, for þe love of þi modir marye,
† XVIII	d	VIII	Id.	And for the love of Seint Nicholas (r.)! [ 310]
VII	e	VII	Id.	As truly, lord, as thi modir was
	f	VI	Id.	Kepe fro synne in her holy Concepcion (r.),
XV	g	V	Id.	wassh me fro synne with thi passioun!
IIII	A	IIII	Id.	Save, lord, thi spouse, alle-holy chirche,
	b	III	Id.	ffro errours and heresies þat now do sprynge, [ 345]
XII	c	II	Id.	And teche me with feith truly to wirche,
I	d	Idus		with Seint Lucy, thyn owne dirlynge;
	e	XIX	Kl.	Graunt me in hert to ioye and synge,
IX	f	XVIII	Kl.	with alle seyntes in thi presence,
	g	XVII	Kl.	Thi worthi songe, o sapience! [1 Über Sapientia als Kirchenfest vgl. Orologium Sapientiae (Auglia 1887).] [ 350]
† XVII	A	XVI	Kl.	Kepe alle thi peple that ben on live,
VI	b	XV	Kl.	hem in especialle that I haue of mynde;
	c	XIIII	Kl.	And alle sowles with thi woundes five,
XIIII	d	XIII	Kl.	whan it pleaseth the, fro peynes vnbynde;
III	e	XII	Kl.	Graunt me to synge with Thomas of ynde (r.), [ 355]
	f	XI	Kl.	with alle seyntes in this cristmasse,
XI	g	X	Kl.	Cryinge nowelle (whan) I shalle hens passe.
IX	A	IX	Kl.	Lo now is come the glorious fest,
XIX	b	VIII	Kl.	The holy Natiuite of crist (r.) our lord.
VIII	c	VII	Kl.	Steven (r.), make vs alle, most and lest, [ 360]
	d	VI	Kl.	with Seint John̄ (r.) in vertues to accorde,
XVI	e	V	Kl.	That I may sitte atte Innocentes (r.) borde,
V	f	IIII	Kl.	with Seint Thomas of Caunterbury (r.) our frend. [2 Durchst. v. a. H. u. in one fyend korr.]
	g	III	Kl.	Now save me, fadir, with thi worde,
XIII	A	II	Kl.	And Seint Siluestre, at my last ende! AMEN. [ 365]

c. Ms. Rawlinson 408. [Diese Hs. enthält das wichtige Chartulary of Godstowe (bei Oxford), atürlich im Dialekt von Oxford. Der Kalender geht diesem auf den ersten eiten voran. Die Zeilen enthalten hier durchgängig, offenbar zur Erzielung von inftaktigen Versen, ein Wort mehr.]

Januarius.

O Jhesu lorde, for þi Circumsicyon, In þe begynnyng as of þe new ȝere, Kepe me euer from al confusyon; When þat I shal stonde at myne answere, Lorde, graunt me grace wel for to apere, And for þi worshipful Epyphanye Graunt þou me good lyfe and wel for to dye.

Now pray for me, blessid Seynt Lucyan, That I myght be hadde forth vnto ȝoure daunce, There god reulith both angel and man In right true loue with-outen variaunce. Ȝiffe me some comfort as of acqueyntaunce, Confessour and bisshop Seynt hillary, with good Seynt felice, þat ioyeth þe by.

O sacred abbot Maure, kepe me from vyce, with help of þe pope and martir Marcel. I pray þe teche me, blessid Seynt Sulpice, with þat holy virgyn Prisce syng nowel. O bysshop Wlstan, ȝif me good councel, And þese martirs: Fabian and Sebastian, wiþ þe virgyn Agnes, þat wel help can.

Sette my pacience, halowed Vincent, That hit may grow with-ynne my inwarde saule. Conuert þou us from al euel entent, Glorious conuersion of seynt Paule, That we escape þe wikked fendes braule; help us, Seynt Julyan, to be vnbound, with þe virgyn Agnes, now þe secound.

Kepe us dayly from al maner of synne, Quene Batylde, in especyal from pryde. Suffer us neuer for to dye þere-ynne,

Februarius.

Jhesu, for þi holy virgyn Seynt Bryde. O puryfied lady, be now oure gyde. Teche us to lyue wel, o bysshop Seynt Blase— For þis wrecchid lyfe is but as a mase.

Lede þou us, virgyn and martir Agas, And þe bisshopes Vedast and Amand: we walke now here in þis derkenes, alas, Teche us þe trouth for to vnderstond, Delyueryng us from the fendes bond. help þu us, holy virgyn Seynt Scolast, Vntil þis short lyfe here be ouer-past.

Be of good comfort and ioye now, hert myne! wel mayst þu glade and verray lusty be: For, as I hope truly, Seynt valentyne wil shewe us loue and daunsyng be with me. O virgyn Julyan, I chese now the To my valentyne, both with hert and mouth— To be true to þe wold god þat I couth!

I hope and trist to lerne for to pursewe Aftur þese valentynes be metre; I loue þem al wel, both olde and newe. with cathedracion of Seynt petre Nomore of loue y me entremete: I pray þe now, apostil Seynt Mathye, For cristes true loue I to lyue and dye.

O true valeyntyne is oure lord to me: Al his body on þe crosse he spredde, And, for þat my soule his spouse shuld be,

b. Ms. Douce 322.

Marcius habet dies xxxi, luna xxx.

With hys blood Dauid(!) he dyd me wedde. Pray for me nowe, seynt Cedde, That I to hym my couenaunt holde That for me was bought and solde. HEre shal we nat longe be, To another contre we be bought: Now helpe vs, holy virgyne perpetue, That we in oure wey erre nought, But alle oure werkes, worde and thought Be so pleasyng vnto thy spouse, That we be seruauntes in hys hyghe house.

O holy doctour pope Gregory, That sent seynt Austyn in to englonde, In my temptacion I fynde socoure By comfort of thy gracious sonde. But yet by thy wrytyng I vnder∣stonde That alle thys lyfe ys here fulle harde: Now pray for vs, kyng seynt Edwarde.

We be fulle moche in goddys dette: Good bysshop Cuthbert, pray thow for vs, And thow, holy abbot seynt Benet, helpe, whyle hit standeth now thus, That oure good lorde swete Jhesus Make therof a fulle mytigacioun, In reuerence of her mercifulle An∣nunciacioun.

O blyssed lady with thys emanuel, Now for his glorious Resurreccioun helpe vs, with thyne angelle Gabrielle, For hys so worshipful salutacioun, And for hys so mercifulle Incarna∣cioun That wrought was thorow the holy goste,

Aprilis habet dies xxx, luna xxx.

Kepe vs, lady, vnder thy poste. NOw thynke on vs, gentylle rose, For the prayeres of seynt Richarde, And for the loue of doctour Ambrose, For thys worlde ys nowe fulle harde; Turne nat, lady, thy chere awey∣warde: For alle-though I synful be, The more nede, lady, we haue to the.

Who spareth to speke, spareth to spede: Therfore we crye bothe day and nyght, Now helpe vs, good lady, in oure nede, For thy son ys fulle of myght; Of thy son-beame yeue vs som lyght, For seynt Tyburcy and Valerian, And shew thow art a gentylle woman.

Whyles I leue, I wylle nat sese To crye on hym that ys my lege: Jhesu cryste, nowe sende vs pece For the prayer of seynt Alphege. I wolle now walke fro sege to sege And pray, to helpe me, euery seynt, For vnto hem I make my compleynt.

O seynt George, oure lady knyght, To that lady thow pray for me! yeue me, seynt Marke, som gostly syght, That I may my-self the better see— Allas, myne eye ys blynde in hys degre. But I pray the, martir seynt Vital, helpe me to lyue welle when I dye shal.

And the aposteles now bothe in-fere,

Maius habet dies xxxi, luna xxx.

Phylyp and Jacob, maketh mensyon To god for vs alle in youre prayere! Nowe for the holy crosse Inuencyon heuen-blysse we haue (!) for oure pensyoun, Thorough meryte of crystys Ascen∣sion deuyne, with helpe of seynt John at port∣latyne.

Now, seynt John of Beuerley, I pray the, drawe nat abache, Geder vs the floures of heuynly may, with the martires Gordian and Epi∣mache, And cure therwith oure soules ache! Now, Nerey and Achelley and pancrace, Seche foryeuenes of oure trespace.

Make ye alle oure soules hole Ayenst the hyghe Fest of Pentecost, That we be clad in a whyte stole Thorough the vertew of the holy gost; he vs comfort, of myghtys most, with the holy prayeres of seynt Dunstone, For withoute hym wel we may nat done.

God that ys but one in persones thre, The holy Trinite withoute begynnyng, Sende vs grace that we saued be, when we shalle passe at thys lyues endyng. helpe vs, seynt Aldelme, for oure amendyng; with the fest of Corpus xpi, and seynt Austyne That taught vs hys feythe vs to the enclyne.

O thow bysshop seynt German, I pray the my peticion to fulfylle; And I pray the same, as hertyly as I can, helpe vs, gentylle vyrgyne seynt Pernille; [Ms. Pernelle in Pernille korr.]

Junius habet dies xxx, luna xxx.

Also, seynt Nichomede, I pray thy good wylle; Teche me youre daunce, Marcellyne and Petyr, vnto whom I synge with thys sym∣pylle metyr.

I cry to yow alle nowe and now (!), In specialle to the, martir Bonyface, with alle thy good felous hyghe and lowe, That ye gete to vs repentaunce and space. Medard and Gyldard, where ys youre grace? Prayeth for vs with seynt Edmunde, After thys lyfe to haue the secunde.

Now, seynt Barnabe, for vs thow pray, with good Basilde, martir and preste, That we be clothed alle in youre aray, where as ye syt in the feste. helpe now, I pray yow, Vite and Modest, Cirice and Julyte, kepe vs from the wolfe, And lyghten oure gost eclypsyd, seynt Botholfe!

Prayeth for vs now, Marcelly and Marke, with Geruayse and Prothase, martires ylkone. Thys world now, Edward, wexeth fulle derke, For oure inward syght ys almost agone. Lede vs, oure furst martir seynt Albone, with Etheldrede of Ely, now helpe me, with seynt John̄ Baptystis Natiuite.

Brynge vs to mydsomer of heuynly blysse, I pray yow martires bothe, Poule and John̄, wher of myrthe we shalle neuer mysse, For that leo pope endureth alle-oon̄ (!). Now Peter and Paule trust vs vp∣pon̄, And seynt Paule the commemora∣cioun

Julius habet dies xxxi, luna xxx.

helpe vs euer to oure saluacioun. O ye martires Martinian and Pro∣cesse, Now alle oure floures begynne to fade; In thys erthe, Martyne, ys but wreched∣nesse, Sythe adam put thereyn hys spade. Now mercifulle god, that alle thyng made, And for the Translacion of seynt Thomas Brynge vs onys to hys endeles solace.

Lo, now passeth chery feyre: Therfore I pray yow, Bretheren seuen, That I may be one of Benettys heyre, Where as ye bene in the relykys of heuene. Gentylle brother, brynge vs there euen— That were to me a gracious fortune. Now helpe therto, holy bysshop Swythine.

I mete a whyle with seynt Botolphe, Now, seynt Kenelme, with the I mete, Praying the hertyly, with seynt Ar∣nulphe, Bryng vs to that daunsyng so swete. A, gentylle mayden seynt Mergarete, And virgyne praxed, [Ms. prayed st. praxed.] let me bere youre trayne, And youres also, lady Magdaleyne!

Appolinare, teche me youre games, Make vs, seynt Cristine, heuenly lepres, lete vs dispute with the, good James, Brynge vs to seynt Anne in to oure vespres, And make vs to study the vij Slepers; lede vs, seynt Sampson, to hys scolys, For theder commeth, Felyce, no folys.

To Abdon and Sennen I me redresse; Seynt German, brynge vs to blysse euene;

Augustus habet dies xxx, luna xxx.

The bondys of seynt Peter of lammasse vnbynde vs, with the pope Steuen. And Steuen, the Dekene of heuen, helpe with thy merytes manyfolde, with kyng and martir seynt Oswolde.

Seynt Syxte pope, for goddis sake, with Donate bysshop, do thy diligence, And also with thy felowes, seynt Siriake; with seynt Romane, helpe oure con∣science, O thow worthy Martir seynt Laurence, Pray for vs now, seynt Tyburce, I hope hit wolle neuer be the worse.

Seynt Ipolite, here my peticion, with seynt Euseby, the holy confes∣soure. Now, lady, for thy hyghe Assumpcion yeue vnto vs thy hande of socoure, That we may stye vp in to thy toure, where seynt Agapite ys with the; Lady, with seynt Magne helpe thow me!

To my valentine, lady, I chese the, whom I wylle chaunge for no new. Now pray for me, seynt Thimothe, To my lady euer that I be trewe. helpe now, I pray, seynt Bartilmew, So worthy apostle as thow art one— Better helpe than prayer can I none.

Helpe vs, seynt Ruphe, martir of cryste, And seynt Austyne, so worthy a doctour, with the decollacion of seynt John̄ the baptyste, Seynt Felice, pray oure sauyoure, with seynt Cudburge, that virgine floure,

September habet dies xxx, luna xxx.

That we may ioye with seynt Gyle In heuen after thys lytylle whyle. Alle thys worlde ys ful of pyne: Now pray for vs, holy bysshop Cuth∣bert, with that holy Abbote, seynt Bertyne, That we may graciously astert. Yet I pray the with alle myne hert, Lady, for thy ioyful Natiuite, That with seynt Gorgon ye thynke on me.

Lady, thyne vtase we done holde, Of Prother and Jacincty with a com∣memoracion; Moche grace of the haue I herde tolde: Now helpe vs, lady, in oure temp∣tacioun, For thy sonys holy crosse Exaltacion. Pray for vs, martir Eufemy, at oure nede, with the virgyne Edythe for the better spede.

NOw bysshop and martir seynt Lam∣bert, Pray for vs to swete Jhesu cryste, That we purge oure soules and hert Fro alle synfulle and derke myste. helpe vs, seynt Mathew euangelyste, And alle the felous of seynt Mauryce, with the virgine Tecle to take a spyce.

That heuynly spice ys fulle swete: helpe vs therof, good bysshop Fir∣myne; Ciprian, yef hit wolde be gete, with Cosme and Damyane wolde I dyne; Lede vs theder as ryght as any lyne, Seynt Myghel, to that heuynly kyng∣dome, helpyng that holy doctour seynt Jerome.

October habet dies xxxj, luna xxx.

NOw, seynt Remyge, with alle the aungeles Thorough the prayer of seynt Leode∣gare, Brynge vs fro thys wrechednesse Ful of synne, sorow and care. I loued thys worlde, I wol be ware: hit ys tyme to leue that warke, By helpe of martires Marcelle and Marke.

I wylle be stedfast as eny stone: helpe with thy felows, seynt Dyonyse, That I may dwelle with seynt Geryone And seynt Nychase in hyghe para∣dyse— For of thys lyfe I set lytelle pryse. I pray the, seynt Edwarde confessour and kyng, That I may with Calixt daunce and syng.

TEche me the wey, seynt Wolfram, To Michael in the mounte wolde I ryde— Flesshe ys myne horse, my soule ys the man. I pray the, seynt Luke, to be my gyde; helpe, gentylle virgyne Fredeswyde, One of the floures here in engelonde, with alle the holy virgines xj thow∣sonde—

That was a present alle in a day Full worthy to god, seynt Roman; hys floures ar in Octobre aswelle as in may, God gadereth Cryspine and Crispi∣nian. Som of them faden and wexen al wan, why? for her names ben so rude. Prayeth for vs, seynt Symon and Jude.

I chese alle seyntes to my valentine, Trewly, I holde hit for the beste. Teche me to daunce, seynt Quintine,

November habet dies xxx, luna xxx.

Wyth Alhalowen in hys hyghe feste. Alle Crysten soules god yeue hem good reste, Abydyng hys mercy in purgatory, Suffryng for synnes paynes heuy.

LOrde, Jhesu, her paynes (ben) fulle sharpe! Now, seynt Leonarde, helpe vs ther∣fore, Make hem easy with thy swete harpe; And the iiij Crouned, I pray yow, euermore; helpe with thy sauter, seynt Theo∣dore, That hit may aswage somwhat oure payne, with the prayers of seynt Martyne.

For thys daunce mynstra(l)cy ys good: Now seynt Bryce helpe vs with hys lute, That cryste wasshe me with hys pre∣cious blode. Pray for vs alle nowe, seynt Macute, Edmunde of pountney, in youre shute I wolde I were, with seynt Hewe, wheder hit be whyte, rede or blewe.

I wolde be clothed in crystmas lyuerey: helpe me therto, Edmonde the kyng! Of alle that feste there ys but a day, where seynt Cecile ys euer beyng, That day seynt Clement ys euer duryng; Brynge me, seynt Grysogony, with my valentyne That I may ioye, with seynt Kaleryne.

YEue me thyne hande, seynt Leo the pope— wolde god I coude thy stappes sewe— helpe me to ioy vnder thy cope, wyth seynt Saturne, the martyr fulle trewe. Pray for vs, the Apostylle seynt Andrewe,

December habet dies xxxj, luna xxx.

Ayenst oure lorde hys secunde Aduent At Domysday that we be (not) shent.

O lorde Jhesu, to the now we cry, Whom we offendyd with synnes allas! haue mercy on vs, for thy moder mary, And for the loue of seynt Nicholas! As trewly, lorde, as thy moder was Kept from synne in her holy Con∣cepcion, wasshe vs from synne with thy swete passyoun!

Saue, lorde, thy spouse, alle-holy churche, Fro errours and herysyes that now doth spryng, And teche vs thy feythe trewly to wurche, with seynt Lucye, thyne oune derlyng; Graunte vs in herte to ioy and syng with alle other seyntes in thy presence Thy worthy swete songe, O Sapience!

Kepe alle thy peple that ben alyue, hem in specialle that I haue in mynde; And alle sowles with thy woundes fyue, when hit pleased the, fro paynes vnbynde; And graunt vs alle to synge with seynt Thomas of ynde A careles caralle in thy Crystmasse, Crying nowel, when we shalle passe.

A, nowe ys come the glorious feste, The holy Natiuite of Cryste oure lorde. Steuen, make vs alle, most and leste, with seynt John̄ in vertues thacorde, That we may syt at Innocentes borde, with seynt Thomas of Caunterbury, oure frende. Now saue vs, fader, with thy flesshe, thy worde, And that seynt Siluester be at oure last ende!

Amen.

Thys ys a Kalendare of englyss he made in Baladys by dan John̄ Lyde∣gat Monke of Bury, whyche ys a fayre prayer, and hit ys made after the forme of a compote Manuelle.

c. Ms. Rawlinson 408.

Marcius.

With his blode Seynt dauid he did me wedde. Pray for me now, with sacred Seynt Chedde, That I to hym my couenaunt wole holde That for me was both bought and solde. In þis world here shul not we longe ben, vn-to a noþer contrey we ben bought: Now pray for us, moost holy virgyn, That in oure wey no-wise we erre nought, But al oure werkes both in worde and þought Be made so plesaunt vnto þi hyȝe spouse That we may ben seruantes in his hyȝe house.

O holy doctour blessid pope Gregoure, That sendist seynt Austyn in to Englonde, In my temptacion I may fynde socour By comfort of þi moost gracyous soonde. But ȝit by þi writyng I vndurstonde That al þis wrecchid lyfe is here ful harde: Now pray for us, blessid kyng Seynt Edwarde.

We ben ful myche dayly in goddes dette: Good bisshop Cuthbert, pray þu now for us, And þou, holy Abbot good Seynt Benette, help, whyle we stond in þe myre now þus, That oure good lord now swete ihesus May make us þerof a mytigacion, In reuerence of his Annunciacion.

O blessid lady with þis Emanuel, Now for his glorious Resurreccion helpe us, with þine angel Gabriel, For his worshipful salutacion, And for his mervelous incarnacion Which þat wrought was þorgh þe holigost,

Aprilis.

Kepe us, lady, vnder þi blessid ost. Now thenke on gentil ost chose (!), For þe riȝt good prayer of Seynt Richard, And for þe huge loue of doctour Ambrose, For þis world is now ful fals and hard; Turne not, swete lady, þi chere away∣ward: For al-þogh þat we ryȝt synful be, The more nede, lady, haue we now to þe.

Who spareth to speke, he spareth to spede: Therfor we aught to cry both day & nyght, Now helpe us, good lady, in oure nede, For þi halowed sone ys ful of myght; Of the blessid sonne-beem ȝeue us summe light, For Seynt Tyburce and for Valerian, And shew us þu art a gentil woman.

Whiles þat I lyue, y wil no-wyse sese To crye on hym þat ys my souerayn lege: halowed kyng Jhesu, now sende us pese, For þe holy prayer of Seynt Alphege. I wil now me walke from sege to sege And pray, to help me now, euery saynt, For vn-to hym I made þere my complaynt.

O sacred Seynt George, oure lady knyght, To þat lady þu pray now for me! ȝeueth me, Seynt Marke, some goostely sight, þat I may my-self þe bettur to se— Alas, myne yȝe is blynd in his degre. But ȝitte y pray þe, martir Seynt vital, helpe me to lyue wel when þat I dye shal.

And ȝe two apostelis now both in-fere,

Mayus.

Philip and Jacob, maken (!) mencyon To god of us al in ȝoure good prayere! Now for the holy Crosse Inuencyon heuen-blisse we axe for oure pension, Thorgh meryte of þy dyuyne Ascen∣cion, with þe helpe of Seynt John at porte latyne.

Now, glorious seynt John of Beuerlay. I pray þe hertely, draw not a-bache, Gadre us floures of heuenly maye, with martyrs Gordian and Epimache, And cureth þer-with oure grete soules ache! Now, Nerei, Achille and Pancrace, Seyth forȝeuenesse as of oure tres∣pace.

Good seyntes, make ȝe al oure soules hole Aȝenst þe hyȝe fest as of Pentecost, þat we ben cladde in a snow-whyȝt stole Thorgh þe vertue of þe holy goost; he us comfort þat is of myghtes moost, with þe holy prayers of seynt Dunston, For with-out hym forsoth wytte haue we noon.

God þat is but one in persones thre, holy Trynyte with-oute begynnyng, Sende us such grace þat we saued may be, when we shal passe at þis lyues endyng. helpe us, Seynt Aldelme, for oure amendyng, With þe feste of corpus xpi, and Seynt Austyne which þat taught us to his feyth enclyne.

O þou blessid bysshop Seynt German, I pray þe my petycyon fulfyl; I pray þe same, as hertily as I can, helpe us, gentil virgyn Seynt Petronyl;

Junius.

Also, Seynt Nichomede, I pray þy good wille; Teche me ȝoure daūnce, Marcellyne and petre, To whom I syng with þis sympul metre.

I cry vn-to ȝow now al on a rowe, In special to (þe), martyr Boneface, with al þi felowes both hyȝe and lowe, That ȝe gete to us repentaūnce and space. Medard and Gildard, now where is ȝour grace? Prayeth for oure synnes with ... And aftur þis lyfe to haue þe secund.

Now, blessid Seynt Barnard(!), for us þ^u pray, with þe good Batylde, þe martyr and preste, That we be cloþed al in ȝoure aray, where as he sitteth at his ryal feste. Kepe ȝoue now, I pray ȝoue, Vite and Modeste, Cyryce and Julytte, kepe us fro þe wulfe, And lyght oure goost eclipsed, Seynt Botulfe.

Prayeth for us, Marcellyan and Marke, wyth Geruase and Prothase, martyrs ylkone. This world now, Seynt Edward, wexyth darke, For oure ynward syght ys al-most a-gone. Lede us, oure first martyr Seynt Albone, Etheldrede of Ely, I pray now helpe me, wyth Seynt John Baptist þe natiuite.

Bryng us mydsomer of heuenly blys, I pray ȝow martyrs both, Paule and John̄, Wher of gladsom myrth we shal not mys, For þat Leo pope endureth al-one. Now, Petre and Paule, I trist ȝow vpon, And Seynt Paule, þi commemoracyon

Julius.

Helpe us euer to oure saluacyon. O ȝe martirs Martynyan and Processe, Now al oure floures begynneth to fade; In þis erthe, Martyn, is but wrec∣chidnesse, Syth þat Adam put þeron his spade. Now mercyful god, þat al þing hath made, For þe translacyon of Seynt Thomas Bryng us ones to his endeles solace.

Lo now tyme passith of chyrry fayre: Therfor I pray ȝou þen, Brethren̄ seuyn, That I may be one of Benet-ys heyre, Where ȝe ben yn Relyques of heuyn. Jentyl broþer Jhesu, bryng us þer euyn— That were to me a gracyous fortune. Now help þe holy bysshop Swithine.

I mette a while with blessid Seynt Botulphe, Now, sacred Seynt Kenelme, with þe I mete, Prayng þe with hert þis Seynt Ar∣nulphe, Bryng me to þat mery daunsyng so swete. A, gentyl mayden O seynt Margarete, And noble Praxede, lete me bere ȝoure trayne, And ȝoure also, Lady Magdalayne!

Seynt Appollinare, teche me ȝoure games, Make us, Seynt Crystyn, heuenly lepars, Let eus dispute with þe, good Seynt James, Bryng us to Seynt Anne to oure verse pars (!), Make us to study þe seuen slepars; Lede us, Seynt Sampson, to þe hyȝe scoles, For þedir, Felyce, comen no foles.

(T)O [Ms. O.] Abdon and Sennen I me redresse, Good Seynt German, bring us to heuen-blys;

Augustus.

The bondes of Seynt petur of lammesse vnbynde us, (with) blessid pope Steven. And sacred Stephen deken, help with þi merytes many a folde, with þis kyng and martir: Seynt Os∣wolde.

Seynt Sixte þe pope, for goddes loue and sake, with Donate Bysshope, do þi diligence, And with þi felowes, Seynt Cyriake; with Seynt Romane, helpe þ^u oure conscience, O þow worthy martir Seynt Laurence, Pray for us now with þis Seynt Ty∣burce, I hope now hit wil be neuer þe wurse.

Seynt Ypolyte, here my peticyon, with Seynt Euseby, the holy confes∣soure. Now, lady, for þyne hyȝe Assumpcyon ȝeue us þi hande and þi holy socoure, That we nowe mowe styȝe in to þi hyȝe toure, where þat glorious Seynt Magne is with þe; Lady in octabis (!) only socour me!

To my valentyne, lady, I chese þe, whom þat I wyl chaunge neuer for no newe. Now pray for me, halowed Seynt tymothe, To my lady þat I euer be trewe. help me nowe, I pray þe, Seynt Bartilmewe, So worthy apostil as þow art one— For better helpe þan prayer can I none.

helpe us, Seynt Ruphe, þe martir of crist, And Seynt Austyn, þe worthy hyȝe doctour, with Decollacyon of Seynt John̄ Bap∣tyst, Seynt Felice, pray Jhesu xpyst oure savioure, with blessyd Seynt Cuthburge, þat virgyn floure,

September.

So þat we may daūnce with holy seynt Gyle In heuen an hyȝe aftir þis litul whyle. Al þis world ys ful of care and pyne: Now pray for us, holy bysshop Seynt Cuthbert, with þe holy Abbot Seynt Bertyne, That we may now gracyously astert. Ȝitte I pray to þe with al myne hert, Lady, for þi ioyful Natyuyte, That with Seynt Gorgone þow þenke on me.

Souerayn lady, þyne Vtas we done holde, with Prothe and Jacincte a commemo∣racyon; Muche grace of the, lady, haue I herde tolde: Now helpe, lady, in oure temptacyon, For thy (sones) holy Crosse Exaltacyon. Pray for us now, martyr..., atte oure moost nede, with virgyn Edythe for þe bettyr spede.

Now, þow bysshop and martyr Seynt lambert, Pray here for us al to swete Jhesu crist, That he pourge and clense oure soules and hert Fro al wikked synful and derkely myst. help us, Seynt Mathew þe euangelist, And al þe [Ms. þi.] felowes of Seynt Mauryce, with þe virgyn Tecle to take a spyce.

That heuenly spyce hit is ful swete: help us þerof, good bysshop Fermyne; Sacred Cipriane, ȝif hit wold be gete, with Cosme and Damiane wold I dyne. Lede us þederward as ryght as a lyne, Seynt Myghel, To þat heuenly kyng∣dome, helpyng þe holy doctour Seynt Jerome.

October.

Now, holy Seynt Remyge, with al angeles, Thorgh þe prayer of Seynt Leodegare, Brynge us now from al wrecchidnesse, Beyng ful of synne, wrecchid sorow and care. I wyl not loue þis world, I wil be wel ware: For me hit is tyme as to leue þat warke, By help of ȝow martirs, Marcelle and Marke.

I wyl be as stedfast as any stone: helpe with þi felowes, Seynt Dyonyse, So þat I may dwelle with Seynt Gerone And with Seynt Nichase in hyȝe para∣dyse— For of þis lyfe I sette ful litul pryce. I pray þe, Seynt Edwarde confessour and kynge, That I may with Kalyxte both hoppe and synge.

Teche me þe way, glorious Seynt Wolfran, To Myghel in þe moūnt wold I ryde— Flessh is my hors, sowle ys þe man. I pray Seynt Luke for to be my gyde, helpe me, Jentyl virgyn Seynt Frys∣wyde, One of þe floures here of Englonde, with al holy virgyns Eleuen þowsond—

That was a present made al in a day Ful worthy to god Seynt Romaman (!), hys floures in october as wel as I may, God gaderyth Seynt Cryspyn and Cryspynian. Some of þem fadeth and wexith al wan, why? for her maners be so lewde and rude. But prayeth for us now, Symon and Jude.

I chese al seyntes to my valentyne, Trewly, I hold hit ryght as for þe beste. Teche us for to Daūnce, blessid Seynt Quyntyne,

Nouember.

With Al halowen in þis moost hyȝe feste. Al Cristen sowles God ȝeue þem good reste, Abydyng hys mercy in purgatory, Suffryng for her synnes peynes bittur∣ly.

Lord Jhesu xpist, þo peynes ben ful scharpe! Now, Seynt leonard, helpe us þerfore, Make þem easy with þy moste dow∣cet harpe; And þe Foure crowned, I pray ȝow, euermore, helpyng with þy sawtry, Seynt Theo∣dore, That hit may aswage some-what oure grete peyne, With þe prayers of holy Seynt Mar∣tyne.

For þis holy daunce mynstralcy ys goode: Now, seynt Bruce, helpe with þy sownded lute, That cryste wasshe me with his pre∣cyous blode. Pray for us now, al-sacred Seynt Machute, Edmunde of Pounteney, now in ȝoure sute I wold þat I were, with sacred Seynt hewe, Wheþer hit were coloure whyte, rede or blewe.

I wold be cloþed in cristemasse lyueray: helpe me þer-to, holy Edmund þekyng! Of al þat huge feste þere ys but a day, where þat Seynt Cecily ys euer beyng, And þere Seynt Clement ys euer enduryng; Bring me þere, Grysogone, with my valentyne So þat I may daunse, with Seynt Kateryne.

Ȝeue me þy blessid hond, Seynt Lyne þe pope— wold god I cowth þy steppes wel to sewe— helpe me to daunse in þy halowed cope, with Seynt Saturne, þe martyr ful trewe. Pray for us þen, Apostel Seynt An∣drewe,

December.

As aȝenst oure lordes Secund aduent, So at domes-day þat we be not shent.

A, lord Jhesu xpist, to þe now I cry, whome þis þat we offende with synnes alas! Lord, haue mercy, for þy moder mary, And also for þe loue of Seynt Nicholas! As truly, lord, as she, þy moder, was Kepte from fylthed in her Concepcyon, wassh us from synne with þy swete passyon!

Saue, lord, þy blessid spowse, holy-church, From erroures and heresyes þat doon spryng, And teche with feythe truly for to wurche, with deuoute Seynt Lucy, þyne owne derlyng; Graunt us þyne hert as for to ioye and syng, with al oþer seyntes in þy presence, Thy worthy so grete song, O sapience!

Kepe al þy peple which þat ben on lyue, Them especyal þat I haue of mynd; And al good sowles þat with þy woūndes fyue, whoom hit pleasith þe, from peynes vnbynde. Graunt us for to be with Thomas of ynde, A curyous caral in þis Crystemasse As to syng nowel, when þat we hens passe.

Lo now ys come þe moost glorious feste, The holy Natyuyte of oure lorde. Goode Stephen, make us al, moste and leste, with Seynt John in vertues to acorde, That we may sitte at Innocentes borde, with Thomas of Caunturbery, oure frende. Now saue us, fader, with oure flessh, þy worde, For Seynt Siluester loue at oure laste ende!