M·C·LIIII.
On þis gaer waerd þe king Stephne ded & bebyried þer his wif '& his sune' waeron bebyried aet faures∣feld. þaet minstre hi makeden. Þa þe king was ded. þa was þe eorl [ 195] beionde sae. & ne durste nan man don oþer bute god for þe micel eie of him. þa he to engleland com. þa was he underfangen mid micel wurtscipe. and to king bletcaed in lundene on þe sunnen daei be foren midwinter daei. & held þaer micel curt.
Þat ilce daei þat Martin abbot of burch sculde þider faren. þa [ 200] saeclede he & ward ded ·iiii· N̄. ian̄. & te munekes innen daeis cusen oþer of heom saelf. Willelm de Walteuile is gehaten. god clerc & god man. & wael luued of þe kinge & of alle godemen. and o[n cyric]en [203. MS. mutilated and defaced from this place onward.] byrieden þabbot hehlice & sone þe cosan abbot ferde & te muneces [mid [204. byried in MS.] him to] oxenforde to þe king [& he] iaf him þat abbotrice. & he [ 205] ferde him son[e to linc]ol & was þ[aer bletcaed to] abbot aer he ham come. & [sithen] was under fangen [mid mic]el [wurtscipe at] burch. mid [mice]l processiun. & sua he was alsua at Ramesaeie. & at Torney. & at . . n & Spallding & at S. l. bares. & . . . & [he nu is] abbot. & fa[ire] haued begunnon. xp[ist] him un[ne gode endinge]. [ 210]