At Mydsomer the kyng with many a man
At Plashe toke Thomas of Wodstoke full kene,
Of Gloucester the duke that was full clene,
That smyten was in fell and great syknesse,
And in the towre hym put in great distresse.
¶ Whome sone he sente to Calyce secretely,
And murthered hym [hym ther.] in the prynces inne,
By hole aduice of his councell priuely,
And in eche shyre of which he did greate synne,
His confessyon of treason more and mynne,
Of. ix. poyntes fayned, he then proclaymed
To staunche the folke yt for hym cryed & claymed.
¶ He then arest Thomas earle of Warwyke,
And earle Rycharde of Arundell no lees,
The lorde Cobham full trewe and also [als.] manlyke,
Foriuged them by strength of men and prees,
The earle of Warwyk his name for to distresse [decrees.] ,
Vnto thisle of Man in sore prison, [Fol. C.xciii.]
Of Arundell therle hedded for treson.
¶ The lord Cobham in [to] prisone perpetuall
In the towre to abide for euer more:
At Mighelmasse next, so then did bifall,
The kyng then held his greate parlyament thore,
At Westminster, wher the kyng mustred sore
At the Blakeheth an hundred thousand menne,
To make the commons for to dred hym then.
¶ At whiche parlyamēt he made therle of Derby
Duke of Herford, therle of Rutland also
Of Almarle duke, therle of Kent duke of Surry,
Therle of Huntyngton duke of Excester tho,
Therle marshall he made and no mo
Duke of Northfolke; thus were there dukes fiue
Of newe create, and none was substantiue.
¶ He made therle of Somerset marques
Of Dorset then, sir Iohn Beaufort that hight,
Of poore liuelode that was that tyme doubtles,