He gaue Albanye, Scotlande nowe denomynate,
And to Cambre, his yongest sonne, he gaue
Cambre, that nowe is Wales, to ioye and haue.
¶ To kyng Locrine, of Logres, and to his heires,
The soueraynte and homage ay reserued
Of Albanacte and Cambre, [and] all theyrs,
Perpetually Troyan lawe obserued,
By which lawes Bryton [Britayne.] hath bene conserued,
Sith hitherwarde, without interrupcyon,
Afore the tyme that Rome had prescrypcion.
¶ Afore the tyme also that Chryste was bore
By many yeres, the kynge[s] of Logres had
Scotlande by eschete, for faute of heyres thore,
And remeued kynges yt were there knowen bad,
And other kynges there made, with hertes glad;
Whiche ye land couth there gouerne mikel [muche.] better,
And seruyce dyd to Logres ofte by letter.
¶ Also the same Iohn Baylioll [Baillolle.] I made
Kyng of Scotlande, as lawe and reason wolde,
Who made homage to me with hert full glad,
And afterwarde was false manyfolde:
He stroyed my lande, wt hostes stoute and bolde,
Wherfore I made hym warre tyll he were [wase.] fayne
To my presence to come, and hym obeyne.
¶ Where then for trespasse and rebellyon,
He surrendred to me and to my heyres
The realme of Scotlande, & also [thereofe.] the crowne:
The lordes of all Scotlande, for them & theyrs,
Made me homage for theyr proper landes,
By theyr letter wryten, and theyr bandes.
¶ Wherfore then [I than.] , hauyng therof possessyon, [Howe the Scottyshe kynge & all the lordes of Scotlād made homage vnto kyng Edwarde.]
The pryde of my subiectes and insolence
Where I dyd fynde, theyr false rebellyon,
As ryght and lawe wolde be [so be.] my regence,
I chastysed ay, at myne intellygence;