The. xv. Chapiter.
¶ Howe Brute departed Britaine in thre partes to his thre sonnes, the two yonger to holde of the elder; so that Wales and Scotlande shulde do homage to Englande, by hys ordynaunce, by the lawe of Troye.
THis kyng Brutus this ysle deuided in. iii [Howe Brutus deuided this ysle.]
A lytell afore out of this ysle [worlde.] he dyed:
To his thre sonnes yt were full faire to se
After his dayes to ioyse he signifyed,
And when he had the Isle all tripertyed,
He called the chyefe Logres [Loegers.] after Locryne, [Thre sonnes of Brute.]
That doth extende fro Monsehole [Mous hoole.] to Hūber fine.
¶ Fro Humbar North vnto [so to.] the Northwest sea [Locryne, Cam∣bir, Albanacte.]
Of all Britaine, which he called Albanye,
For Albanacte the kyng therof to be,
His second sonne, that was both good and manly,
To holde it of Locryne perpetually,
And of his heyres, by homage and feaute,
As to chiefe lorde longeth the suffraintie.
¶ And fro the water of Waage right in ye Southe,
And Strigell castell to Seuerne all by and by,
And so to Dee at Chester, as [it] is full couth,
Ryght in the North, Cambre he called for thy
For Cambre [Camberte.] shulde it haue all plenerly;