The. C.xliiii. Chapiter.
¶ Of the byrthe of Edwarde his eldest sonne and heyre, was in the. xxix. yere of his father, and in the yere of Chryste a thousande. CC. xxxix. Howe Symonde Mountforte earle of Leycester was create.
HIs eldest sonne and heyre, yt Edward hyght,
At Westmynster, of Chrystes incarnacyon,
The yere a thousand. CC. ix. and. xxx. ryght,
Whome the legate Otho, by informacyon,
[Baptyzed in funt saynt Edmondes, confirmacyō]
To hym then made, as the churche deuysed,
In his baptime holy, then autoryzed.
¶ Symond ye sōne of earle Symond Moūtfort,
Came oute of Fraunce for ferdnesse of ye quene,
To kyng Henry, whome he gaue great comforte;
He gaue hym then his man [name. edit. alt.] for ay to bene
Of Leycester the earldome fayre and clene,
With the stewarde of Englande in herytage,
Whiche is an offyce of greate priuelage.
¶ And wed his doughter, dame Elyanore,
To Willyam Marshall, earle of Penbroke,
After whose deathe she auowed chast[yte for] euermore;