Anthenor was a baron of Troie, and when it com at the last to grete Troyenne bateylles, the Grekys that hadde long kepte sege afore the cete they wost not how they myght haue a conclusyon to take the cete, ffor it was of ryght grete streynghte, than by the tysyng 4. [Lenditement, H.; exhortacion, Wyer.] of Anthenor. For angre that he hadde to kyng Priaunt, he comforted theyme and seide that thei shulde make a pes with the kyng, and by that mene thei may putte theyme selue into the cete and they shall be youen a wey. Thus thei dede, by the which Troye was betrayed. And because that the treson hereoff was to grete and to evill, it is seide to the good knyght that all sich semblable, where he knoweth theyme, he shulde exile and chasse theyme awey, for sich pepill be gretili to hate. Platon seyth that disseyte is capteyne and gouernowre off shrewes. 5. [Des mauuais, H.; Barat est le cappitaine des mauuoys et ire est son gouuer neur, G. de Tign. (Roy. MS. 19 B. iv. f. 39).]