Medical works of the fourteenth century : together with a list of plants recorded in contemporary writings, with their identifications. / By the Rev. Prof. G. Henslow.

HARL. 2378.

MS. [B]

P. 5. [The pages refer to the original numbers on the folios of the MS. itself.] —Thys his þe booke of Ypocras. [I.e., Hippocrates.] In þis book he techyt for to knowe be ['Be'; i.e., by, concerning, or all about.] planete, seknesse, lyf and deth, and þe times þer-of. First seyth ypocras þat a leche xal [Xal for 'shall' is not uncommon; but occurs generally in Warwick∣shire.] take kep of þe mone, wanne he is atte þe full; þan waxith blod and marwe and brayne and hoþer humours; þe wych be moyst and colde, moyst [ 5] and hote. Þilke sikenesse þat be cold and drye or hot and drye, schewe also þe cowrse of þe mone; werefore wan þou takest a cure be it of hy [Hy; l suppose 'hy' = high, severe.] syknesse or ellis of surgery, ta [Ta; i.e., 'take' (Northern dialect).] keep of þe mone and of þe time wan þe seknesse took and in wat sygne it be-gan. [Then follow twelve continuous paragraphs with as many [ 10] diagrams, consisting of circles with radii indicating the position of the moon, sign of zodiac and corresponding conditions of the patient.]

[Various entries by different hands occur up to page 25, which commences as follows.]

P. 25. For to make pelotus of antioche; For wounds [later hand].—Take croppes of the rede coole, of the rede netle, tansey, hemp and of sparge, of iche Ilyche [Alike.] mychil; and do ther-to as [ 5] mychyl of mader as of alle othere herbes, and bray hem wel in a morter alle to-gedyr and aftirwared put ther-to the poudere of mader wel I-sarced [For y-sarced, i.e., searced, strained through a sarce or strainer.] and of alle to-gedere make smale pelotus and dry hem with-outen fyer, sonne or wynd, and vse hem in this maner; tempre half on with wyn or stale ale and drynk by [ 10] the morwen fastyng, and at euen; last, and in all this tyme hele the wounde with a red coole-lef and abstine hym from alle qweysy metis [Queasy, squeamish, nice (Hal. Dict.).] and wymmen.

P. 25. The drynk of Auntioch.—Take I handful of daysye and I handful of bugle and I handful of red coole and I handful of [ 15] strebery-wyses [Wise, the stalk (Hal. Dict.).] and I handful of fenule and half an handful of hemp and as mych of auence, as myche of tansey as mych of herbe Robert as mych of mader as mych of comfiry, iiii branche of orpyn, vi croppes of brere, vi croppis of red netle, and thyse herbes ben sothen in I galoun of whyt wyn In-to a potell, and [ 20] afterward put ther-to as mych of hony clarifyed, and after

the medlyng set it ouer the fyr and thanne steme hit a litil, and this drynk schal ben vsed in this manere; ȝif [Give.] to hym that is wounded or brysed by þe morwen [I.e., in the (early) morning.] of this drynk iii sponful and vi sponful of water, and loke that the seke be wel kept fro gotouse metes and drynkys and from wymmen, and loke also [ 5] that the maladye be heled with brere-leues or with leues of the rede coole.

P. 26. For to maken baume.—Take herbe Ion to-forn the fest of seynt Iohn Baptist, and grynd it in a morter al so smal as thou myght resonably and so lat it stonden iii or iiii dayes, and [ 10] thanne take a peyre irrens [Irons; technically called 'gaufring-irons,' for preparing gaufres or wafers.] as men schul baken with wafres, [Baken with wafres, i.e., bake wafers with.] but loke they ben pleyn grounden [Plain ground, i.e., ground flat, without any impression. Wafer-irons were generally made with depressions and raised lines on them, to orna∣ment the wafers at the edges.] with-outen any prent and ley hem In the fyer and make hem as hot as any smyth wold make his iren whanne he wolde werke it, and thanne make of thyn herbes smale balles and put of hem be-twen the hote yrens and presse [ 15] hem to-gedere and hold hem ouer a clene bacyn, For to receyvett the baume, and do so with alle thy balles and thanne put it in a clene glas vessell; and wete wel that it hath the same vertu that the other baume hath, but it ne dureth in þe vertu but iii ȝeer.

P. 26. For to make vnguentum album.—Take halfe an vnce [ 20]

of mastik, of litarge, and scome of siluer, and of gold iiii peny wyghte, of blank plum [Blank plum, i.e., white lead.] ii vnces, of ceruse half an vnce, and grynd alle thyse to-gedere on a peynteres ston with a moline [Mill, O. Fr.; Fr. moulin.] In-to smale poudere, and thanne take whyt vynegre or ellis red and do into the poudre on the ston, and make thikke must. In [ 5] grynding al wele to-gedere, and put in a litil oyle of [o]lyf and grynd alle wele to-gedere and thanne droppe In whytes of egges [Egges is not a southern form.] wel beten and clere scomed as any water and alwey grynde fore to-gedere as peynteres grynde here coloures, and do so ofte tymes as ȝe deden by-fore with the vynnegre and with oyle and with [ 10] whitis of the eggis, til it be as thynnc as chyldes pap and put it in boxis and kep it to ȝoure vs. [Vs for 'use.']

This oynement must be mad in an hot sonne and is good for saucefleume, and for scaldyng and for brennyng and for alle vnkynde hetis wher-so it be on a man, and for scaldyng of [ 15] mannes ȝerde [ȝerde, membrum virile.] of vnkynde [I.e., due to unnatural use.] of hymself or womman oþer hetis.

P. 27. For man þat may nouȝt, for castynge, holde his mete.—Take hulewort and horhoune and peper and seeth hem wel in water and gyf hym ofte to drynke, and he shal sone hele.

P. 28. Ȝif man for-letes his speche for seknesse.—Take worm∣ode [ 20] and tempre it with water and do it in his mowþe, and so

shal he speke. Oþer, take sauyne and þe leues of þe þorne and take pyonyse and peper and stampe al to-geder and ȝyf hym so to drynke.

P. 28. Ȝif þer is yren or tre or þorne y-lope [Lopen, 'Leapt' (Hal. Dict.).] into any stede of mannys body.—Take dytayn and ley it on þi wounde. Oþer, [ 5] take þe rote of þe rosell and put it well with hony and do it on a cloþe of flex and ley it on þe sore and so it shal drawen oute alle þe akynge.

P. 29. For man or woman þat is frakeled.—Take peletre and sethe in wyn and ley on þi face. [ 10]

P. 29. For rede eyen.—Take þe rede mochel sneyle and do hym in a bacyn and þerle [Thirle, to pierce through (Hal. Dict.).] all þe rygge [Rig, the back (Hal. Dict.).] ful of smale holes and eche hole put ful of salt and sette a lome [Sette a lome; i.e., place a vessel (see Hal. Dict. (3).] vnder þe bacyn þat it mowe kepe þe water, and do it in þine eyen, and it schal wel helen.

P. 29. For þe nebbe [Neb, nib; i.e., nose.] þat semeth leprous.—Take quyke-seluere [ 15] and þe grese of þe bore and blake pepir and a core [Core; for 'stor,' a powder.] þat is cleped recheles and stampe hem al to-geder ryȝt well and þer-with smere þe nebbe; and kepe þe nebbe from þe wynde iii dayes and he shale be hole.

P. 29. For þe cancre in þe teth.—Take oke-appul and drye it [ 20]

well and make pouder þer-of; and take þat pouder and medled with vynegre and make a plastre and leye vp[on] þe sore and it shal [be] hole.

P. 29. For þe demye-greyne. [Demye-greyne. This is an absurd travesty of hemy-greyne, i.e., 'megrim,' or neuralgia.] —Take I. lī [I.e., libra, a pound.] of seyngrene [Singreen, or houseleek.] and I quatron of mary-goulden, and of violettes a gret hanful, and [ 5] take a pynte mylke of a woman þat beryþe a knaue childe, þat is a mayde y-wedded, and late hem be stamped in a faire morter al to-geder ryȝt smale, and þan with þe same mylke tempre it vp and make a plastre on a fayre lynen clowte, and þan ley it on þe hole side of þe hede; and lat þe hede be holde to a gode hote [ 10] fyre with þe plastre þer-on into þe tyme þe plastre be þurwe hote on his hede, and þan with þe hete ly doun and reste hym well, and he shale be hole.

P. 30. For ame[n]dyng of þe stomake, and to distroye euele blode.—Take fumytere iii handfull and of borage ii handfull and [ 15] cute hem smale and seeth hem in iii quartes of white wyne þe space of iii pater-nosteres and iii aves, and late it coleun and þan clense it and kepe it in a fayre vessell; and drynke þer-of euen and morwe xii sponfull y-warmed.

P. 30. Item. For þe lyuer.—Drynke þe Iuys of letuse and [ 20] endyue y-warmed.

P. 30. Item. A potage for þe same greuance.—Take longde∣befe,

water cresses, leues of primerole, leues of violet and auence, of eche y-lyche moche, and vse þer-of a potage.

P. 31. An oynement for þe crampe.—Take in þe laste ende of may þe Iuys of camamylle and cattes grece, of eche lyche moche, and fry it to-geder and kepe it in a box; and as þe crampe þe [ 5] greueth enoynte þe same place þer-with.

P. 32. Potatus.—Accipe polipodium a-rete [? et rete] a-ranee vrticam rubeam et sal et erbam Walteri equales proporciones.

P. 32. A plastyr for a sor hede.—Yf þou wil make, þou muste take herbys þer-to. Þe fyrst herb a clet [A clet, i.e., a 'cleat,' a lump or portion.] or to or iii, [ 10] also mykyl of hemp, als mykel veruene, als mykyl selfol, ['Self-heal.'] halfe als mekyl of sely leuys, waybred als mekyl, Borrys als mekel, and stampe hem to-geder in a morter, and þan take þe Iues of hem as clene als þou may; now hodyr thyngis most þou haue þer-to. Þou most haue new was and kod methole, fres talow of [ 15] [Line 15 is obscure.] a shep, may-botyr or hellys [May-butter or else (i.e., otherwise).] odyr botyr if þou wilt, clerifyd galt gresse, [Galt-gresse; i.e., grease of a boar pig (see Hall. Dict.).] in al þeis alyke mykyl and wellam [For 'wel hem,' i.e., boil them; as in l. 19.] in a pane al to-gedyr; and wan þei are multyn take þe Iuys of þe herbys and put þer-to, and wel hem wylle in a panne to-geder; and when þou haue so don it and whan it is cold, make þi plaster. [ 20]

P. 33. To wyte whethere a man schale lyue or deye on the meny∣soun. [I.e., bloody flux.] —Take a penywyght of tuncarse-sede and ete it iii dayes

fastyng and drynke after a draught of vyne or of blache water, and it shall staunche; or it shal torne into anothere colour, and than he shal deye.

P. 34. For eche manere euel of a mannes hede.—Take rue and leye it in eysell and smere with thyne hede al aboute. Or take [ 5] rue and fenel and sethe in water and washe þyn heued and take þe Iuys of the blake bete and smere þi forhede and þi temples.

For eche mane[r] venym and poysunn.—Take þe mylke of a goote and sethe it with þe seede of chaune to þe þrid dendell and drynke it þre dayes and vnder heuen is none betere medecyne [ 10] ne none so goodee.

For poysonn and venym also.—Take þe Iuys of morell and herhoune [For horhoune; horehound.] and drynke it with olde vyne; so he shal caste oute þat venym and fro þe þoysunn be saued.

P. 35. For ache of heued that longe halt. [Holds or lasts.] —Nyme an handfull [ 15] of rue, anoþer of herhoune [For horhoune; horehound.] and the thirde handfull of leues of lorell; and nyme ix bayes, that is the frute of the lorere and sethe hem alle to-geder in water or in wyne, and that plastre leye on þin heued.

P. 36. For the bolnyng [Bolnyng; i.e., swelling.] goute and for othere swellyng on the [ 20] legges or where-so it be on the body.—Take broklemke, [Brooklime.] hors∣mynt, auence, coweslopp, daysyes, plaunteyn, [Anglo-Fr. aun.'] rede bremble

croppes, ribbewort, senchun, [Prov. English 'simpson,' from senecio, groundsell.] ground-yvi; of ich an handefull, saue ȝe schal haue as muchil of lemke and horsmynt as ȝe haue of alle the othere herbes: and þanne braye hem smal in a morter, and þanne take water that be right hote and wasch wel þe place ther the playstre schal be medlid [wi]the hote watere and fres [ 5] chepes talw; and in that tyme þat it be in þe washyngis sette the herbes ouer the fyer and frye hem wel with fresch multen [Melted.] schepes talw; and whanne it is wel fryed, do þer-to an handful of bren of clene whete, and menge it wel to-geder, and thanne ley it on a clothe abrod and as hot as thou myght suffre with [ 10] thy bac of thyn hond; ley on the playstre on the sor and do so euery ones til he be hool.

P. 37. For the fyere of helle.—Take plaunteyn, letuȝes and make watere ther-of, or the Ius and vinegre and medle it to∣gedere and anoynte þer-with, and he shall be hool. [ 15]

P. 38. Here is the makyng of a goode water for olde sores, for festeres, for cancres and for mormal.—Take welle-water the mountance of a galounn or more or lesse, and alom-roche that was neuere broken iiii vnces, brent salt in the fyer, coperose and crop mader, of ich iii vnces and make hem on smal poudere in a [ 20] brassen morter, and boyle hem alle to gedere in-til a quarter be so-then in wax, [Perhaps boiled into a wax; i.e., to the consistency of wax.] and thanne clense it thurgh a cloth; and ȝif thou wilt, do ther-to half a dragme of kaunfre, it schal ben meche the

bettre: and thanne take karpy [Fr. 'charpie,' lint. 'Karpie' is Picard dialect.] of lynnen cloth and dip it in the forseid water and ley it to the forseyde sores and wasch thanne al abouten and lat it drinke in, and thanne take a lynnen cloth and trusse it wele fro the kne doun to the ancle; and moiste þe trussyng iii on the day with the forseyd water, and euery day [ 5] at morwe vndo the trussyng and ley new the karpy, and di[?gh]t it aȝen as thou dedist it before, til it be hole; for this is a good medicyne and trwe and proued.

P. 39. For to helen al manere sores.—Take planteyn, ache, laurele, litel consoude and rubarbe, evene porcioun of alle herbes, [ 10] and frankencens, vertgrece, euene porcioun, and virgine wax euene as muchul as the ii laste, and take fresch gres of an hog, as miche as the iii laste, and fry hem wel alle to-gedere in a panne and after clense hem thurgh a cloth and ley þer-of to what sor so thou wilt; but abyde til it blynne [Blinne, i.e., cease (Hall. Dict.).] of bledyng. [ 15]

P. 40. For to make a goode oynement for alle woundes and ouþere lyng.—Take egremoyne, primerole, saxifrage, pigle, fraser, violet, mylfoil, troifoill, quyntefoil, matfeloun, scabioise, the lesse consound, the more [I.e., the greater consound.] consoud, herbe-yue, plauntein, laurele, hare∣foot, water-cresses, madir, orpyn, persyl, sauge and fenkel, [Fennel.] of [ 20] iche an handfull, and a handfull of hempe-seed, and a partye of buke-gres, [[Buck's fat.]] and medle hem wel to-gedere with half a galoun of fresch buttyr of may, and after do it boylen in a galoun of eysel

wel, and after clense it thurgh a clothe, and thanne take the grees of al whan it is cold and melte it and put it in bostes. [For boistes, i.e., boxes.] And it is good Inow.

P. 41. A good entret that that [sic] is callide gracia dei.—Take thyse herbes, verueyne, pympernole, herbe walter, egry∣moyne, [ 5] betoyne, of iche I. handfull and well wasched. Stampe hem in a morter and after sethe hem in a galoun of whith wyn til the iii parties ben wasched, and thanne clense hem thurgh a cloth and thanne put the wyn aȝen to sethen, and thanne take of vergine wax iii vnces, resine de coffyn depurata i pound, [ 10] mastice pulueriȝata ℥ I and stere euere with a slyce; [Slyce; i.e., a spatula.] and after a good sethyng and medlyng tak it fro the fyr, and take half a pond of turbentyne; and whanne this is al medlid lat it kelen, euere steryng with thy slyce, til hit be al cold so that ne satle nout to the grond, and after the kelyng, take and do a-wey that [ 15] fleteth abouen with a feþer, and þis [This, i.e., 'This is' (not an uncommon contraction).] gratia dei; and kepe it tyl it nedith; and it hath this virtues, it is goode for euery wounde olde or newe and it is more clensyng and norichyng of flesch, and it is more consolidatif in a wikke thanne alle othere emplays∣tres in a moneth and neuere no corrupcion in þe wound. [ 20]

P. 42. For to maken entret.—Take plauntein, laurele, litil consounde, ditayne, water-cresses, orpyn, herbe water, herbe Robert, nosebledt, betoyne, ache, croppe of yvi, bugle, pigle and

sanicle, of euery herbe I pound, &c. and iche wel stampped by hym-self and after put in a vessel to-gedres, and take I pound of newe wax, I pound of pich, half a pound resine, halfe a pound of hertes gres or of buk, I quartroun of olde bores gres and a quartroun of franke-encens and alle these brese hem smal cut wit [ 5] the wax, and grynde it with the herbes beten. After put ther∣to whit wyn til they ben couered and hele wele the wessell; and lat it stonden al a nyght and on the morue sethe it withe a lityl fyer, and at gret leyser, and stere it wel in the panne with slyce; and whanne the slyce bicomes al grene thanne do hem take and [ 10] wring in-to a vessel wit wax and lat it stand in the vessel refeter [Refeter in O. F. means 'to remake'; perhaps it means 'to settle down.'] and thanne lift op the cappe aboue and the wyn and the filthe from the cappe doun-ward, and thanne put hem aȝen in a panne for to melte aȝen and put [in] boistes or in sikir vessels; and after, take fresche may buttire and caste it with the drafe, [ 15] and fry it til it be wel grene and after streyne it thurgth a cloth and put it in boystes til the nedis [Thee needs (to use) it; you want it.] it and thus it is mad.

P. 43.—Vnguentum viride; A goud oynement grene, whiche clenseth wondes and norischith good flesche in wondes olde and [ 20] freteth Iuel flesche with-out violence and is best.—Take celydoyne-rotes, walnote-leues, centrum galli, i. oculus Xi [Christi,] leuistici agrestis .i. loueache, scabious, euene iliche michil, an hanful; this herbes schul ben wele stampede with a pound of schepes

talwe, and a pounde of oyle dolyue wel medled, and lat hem stonden x dayes for to moysten and thanne do boylen hem to-gedre at an esy fyer til the herbes go to the ground of the vessel, and thanne clense hem and do ther-to wax and tereben∣tyne ana [Ana; i.e., 'apiece' or 'equally'; from Grk. ava. See ana in Ducange, Dict. of Med. Latin.] ii. ℥ colophome .I. vnce masticis albi viridis eris ana ℥ [ 5] þer-whith schul ben put in last of alle, smal made, and stere hem fast, vt fiat vnguentum [viride].

P. 45. A good medicine for the cancre.—Take an henne ege and put out al that is ther-in and take rye-cornes and salt and hony and of whyte of the same ey euene I-liche porciond, and [ 10] put aȝen to the skelle; and þis poudre do to the sor. Or, take salt-petre and wurtis-stokkis and fine senchoun, wilde cardamum to a feloun, sauyne, peper, olde netisflesch, of ich of hem .ii. ℥ and put in a newe pot and bren hem to poudre; and after bulte hem thurgh a dase [Unrecognizable word.] and put þer-to .iiii. ℥ of whyt glas smale [ 15] poudred, and iiii ℥ of arrement and iiii of alom and I ℥ and dī ℥ of vertiegrece, and alle thise medlid togedre with the brent poudre, and put it to þe sor. But first a man schuld kerue the dede flesche with a scharpe rasur ȝif any be ther, and wasche the wounde with pis of the seke man and lat it a-whyle dryen, and [ 20] so schald it be don euery day ii tymes. Or, take rye-flour and poudre of glas and clene hony and make a playstre and bynd it on the sor til he be hoole. Or, take 5 eg-schellis of an henne

and euery by hym-self wel fillede. In the I^e. arrement, In the .II^e. salt as mychil. In the iii^e simphame, In the iiii^e. hemp or of the seede, In the v^e fille saunȝ dotaunce, and alle in pot bren to poudre and strewe it smal on the cancre and ofte tymes by-hold it. [ 5]

P. 46. For man or womman that is blisted with wikkede spiritis to do away the ache and abate the swellyng.—Take an henne ey [Ey; i.e., egg (southern form). On p. 45 of the MS. it is spelt 'ege.'] and roste it hard and do away the ȝelke [Yolk.] and take the whyte and do it in-to a brasyn morter, and do þer-to a quartron of an vnce of ceperose [For 'coperose.'] and grynd hem wel to-gedere, [ 10] that it be as smal as an oynement and anoynte ther-with the seke the face or wher it be, and that schal cessen the ache and don awey the swellyng. For it is kynde ther-for, and whanne it is ner hool, anoynte the seke with a litil popilion and that schal supple the skyne and make it esy. [ 15]

P. 47. For the elf cake. [Perhaps 'elf take;' meaning obscure.] —Take þe rote of gladene and make poudre ther-of and ȝif the seke ther-of bothen in his metis and in his drynkis halfe a sponful at-tones and he schal ben hol wit-Inne .ix. dayes and ix nightis, ȝif he schal lyue.

P. 48. For the coghe.—Take elena campana, radich, serlange, [ 20] pigle, lycorys, and sethe hem in iii quartis of water til I quarter

and after put ther-to poudre of gingere and licoris and whyt ȝueith [Perhaps for zucir (sugar?).] and drynke ther-of fastande. [Fastande, a northern suffix of pres. pt.]

P. 53. A god poudre for to slen festres and for to frete awey Iuel flesche in wondis and cancres.—Take Ius of affodill iii ℥, of qwyke-lyme iii ℥, of orpiment I ℥, and take and boyle the Ius [ 5] in a pot and put ther-to the lyme smal poudred and thanne set it doun; and qwanne it is a litil dried, make there-of smole pelotis and the may ben kept .iii. ȝer.

P. 55. For to maken a drynke that men calle dwale, [Dwale, the night-shade. This sleeping-potion is alluded to by Chaucer (Hal. Dict. s.v.).] to make a man slep-en whyles men kerue hym.—Take the galle of a borw∣swyne [ 10] and for a womman of a gilte, [Gilt, a spayed sow (Hal. Dict.).] and iii sponful of the Ius of humloke and iii sponful of the wylde nep and iii sponful of letuz [Lettuce.] and iii sponful of pope and iii sponful of henbane and iii sponful of eysylle; and medle hem alle to-gedere and boille hem a litil and do hem in a glasen vessel wel stoppede and do ther-of [ 15] iii sponful into a potell of good wyne or good ale and medle hem wel togedere, til it schal ben noted; and thanne lat hym that schal ben curuen sitte ageyne a good fyre, and make hym to drinke ther-of till he falle on slepe. And thanne men may safly keruen hym, and whanne he hathe ben serued fully and wilt haue [ 20]

hym to wake, take vynegre and salt and wasche wel his temples and the thonewonges [Thone-wonges, A. S. þun-wang, the temple; but literally 'the pro∣minent cheek,' and here, probably, used in the literal sense; from þunian, 'to be prominent,' and wang, 'cheek.'] and he schal wake anon-ryght.

P. 58. For schakyng of hede and of handes.—Take primerole with alle the rotes, lange with alle the rotes, mustard-seed and lorer-leues, and of alle the herbes liche miche, and lat hem ben wel [ 5] grounden in a morter and wel medlit with may buttyre or other fresche buttyr that neuere com in water, and lat it stande so iiii. dayes or v. and after frye it in a panne, and clense it thurgh a cloth; and with that oynement anoynte the nekke and the synwes and the veynes and the Ioyntes of the handes. [ 10]

P. 59. For the feueres iii^e day or iiii^e day proued certeinly.—Take dayesheye, plaunteyne, dent-de-lyoun, [Dandelion.] of iche Iliche mychil, on handful and the Ius, and wringe it out whanne they ben stamped alle to-gedere and put ther-to I ℥ de regrie [Regrie; the sense is obscure.] and ȝif it him by-forn his accesse [Accesse, i.e., attack; see 'access' in New Eng. Dict.; axes is a phonetic spelling. [Troyl. and Crys., l. 1315, Chauc.]] and on the iiii^e day lat him blod, but∣ȝif [But-ȝif; i.e., unless.] [ 15] he be ouer michil wasted.

P. 60. For to helen man or womman of the dropesey be it hot or cold, ȝif euere they schul ben hool.—Take wyrmod, petimorel, fetherfoy, spurge, wolwurt rote, of iche on half a pond, fenel, persyle, ysope, sauge, smalhage, auence, mentes, welle-cresses, [ 20]

heyhoue, endyue, lyuerwurt, the middle barke of the eller, [Correct form of 'elder,' to which form it is now corrupted.] of ich a quartron; and wasche clene thy rotis and thyne herbes and grinde hem wel in a morter, and put hem into an erthen pot that was neuere noted, [Note, to use or enjoy (Hal. Dict.).] and do that to ii galons of whyt wyn or of good wurt that is nought turned, and seth it til I galoun and [ 5] take it doun and lat it renne thurgh an hersyue [Hair-sieve.] into a fayr panne, and wasche clene thy pot and do in that licour and kouere it fayre; and let the seke vsen ther-of half a pynt at ones, and euere hot at morwe, and cold at euen and lat him iii dayes eten no mete but bred and potage made of well-ecresses, and of [ 10] whyt wyne and otemele, and lat him take ii pond of fayre sauge and wasch it clene, and do it in a cophyn [Coffin, the raised crust of a pie (Hal. Dict.); here, 'a crust.'] of whete dogh as thou schuldist do ther-in a capoun and sette it into an ouene whan men setten in here houenes to baken; and whane they drawe forth, take thy coffyn and breke it In a brasyn morter, [ 15] and do it into a fayre clout a pece of half a pound weyghte and hange it in a ii galoun vessel and fill it ful of good whyt wyne or of stale ale, and kouere wel the pot that ther may non eyer [Air.] out ner In; and lat the seke drynke no drinkis but ther-of ay∣whyles it lastes; and ageyn it be spendid ordeyne another the he [ 20] ne drinke non other drinkis til he be hool saue even and morwen as it is by-forn seyde; and after iii dayes be goon of

etyng of his potage lat hym eten what mete his herte stant to, saue qweysy [Queasy; squeamish, nice, delicate (Hal. Dict.).] metes, but lat him drinke non ale ne wyn, but of the vessel, til he be hool; for he schal ben hool with-Inne xv dayes or xvi at the ferrest, [Far-est = Farthest.] and also lat him blod on the veyne i or ii; for this is proued sykirly. [Sikerlye; certainly, surely (Hal. Dict.).] [ 5]

P. 62. For bytyng of a tode.—Stampe ruwe and drinke it, and ley it to þe bytyng and he schal ben hool.

P. 62. For to assayen ȝif a worme be in a sor or none.—Take softe chese that is newe and fresche, and anoynte it with hony and bynd it to the sor al a nyght; [I.e., 'all one night.'] and in the morwen take it [ 10] a-wey, and ȝif it be tamed [Tamed; i.e., 'cut into'; short for 'entamed' (see New Eng. Dict.); but here it means 'opened,' or 'pierced.'] thanne is a worm ther-In and ellis non.

P. 63. A medicine for to slen hym.—Take leues of violet and leues of southirnewode and leues of wirmod and the ȝelke of an ey and a gode porcioun of salt, and make a plaistre and ley it [ 15] þer-to.

P. 63. For to slen þe worm in the ere.—Take loueache and stamp it and put þe Ius in the ere, and lat it ben so a myle-wey and it schal sle the wurme and make him com out, qwyke or ded, certeynly. [ 20]

P. 66. A medicine to make a precious water to clarifyen eyne and done a-wey the perle [Pearl; an eye-disease.] on the hawe [Haw; an excresence in the eye (Hal. Dict.). For on, read or.] whethir so it be.—Take rede roses, smalache, rue, verueyne, mayden-here, eufras, endyue, sengrene, [From sin, 'ever' and 'grene.' The houseleek. Prior's Pop. Names, p. 212.] hil-wurt, [Wild thyme.] red-fenel, celidoyne, of iche I-liche mychel, þat is for to sey half a quartrun and wasche clene and ley hem in [ 5] good whyt wyn a day and a nyght, and after stille hem in a stillatorie; and firste water will be lich gold, the ii^e as siluer and the iii^e as baume for any maner maladye of sore eyne.

P. 67. For to sen passandely. [I.e., passingly, or extremely well.] —Take the galle of a goot and hennes gres and medle it to-gedere and anoynte thyne eyne. [ 10]

P. 69. For a man that hath lost his syght alto-gedere.—Take aloe and opium, of eyther I-liche myche, and stampe hem and medle it with wommannes mylke that norischit a knaue chyld; anoynte ther-with his eyne and he schal seen.

For all Iuellis of eyne.—Take þis xii herbes, merch, fenoil, [ 15] rue, verueyne, egrimonie, [Not 'oine,' for the 'i' is marked with a dash in each word.] betonie, [Not 'oine,' for the 'i' is marked with a dash in each word.] celidonie, [Not 'oine,' for the 'i' is marked with a dash in each word.] troifoil, samedreos, eufras, pimpernole, sauge, euene porciouns of ich an handful and stamp hem smal and clense it thurgh a clothe and after put þer-to vrine [of] a child Innocent and mayden and a litil of poudre of peper and v sponful of hony or more and kep it in vessel of [ 20]

gold or siluer; and ȝif it dry, moyst it aȝen with vrine of a mayde, for thus warischid [Warist, cured (Hal. Dict.); Warischid is a more correct form.] maistre Morice alle sore eyne In Sicilie.

P. 68. Here is a good medicine for tothe-ache.—Take pelethre of spayne, bothe of the rote and of the crope and wasch it and stampe it, and make ther-of iii smale ballis in thyn hand; Iche [ 5] bal as gret as a comoun ploumbe, and ley the firste bal be-twix the cheke and the tothe that aketh, the space of a myle weye, and euere as the water gedereth in-to the mouth, spit it out, and after that space take out the bal hool, and put there-In an other fresche and al thou dedest with the firste do with bothen [ 10] the tothre, and spit out the water euere as it comes; and loke ȝif thou myght take a sleepe after and hele the warme, and thou schalt ben hool by that thou haue slept, by the grace of god.

P. 69. For toth-ache of wurmes.—Take hennebane-seede and leke-seed and poudre of encens, of iche Ilike mychil, and ley hem [ 15] on a tyl-ston hot glowyng and make a pipe of latoun [Latten; not 'plate-tin' (Hal. Dict.); but a metal like pinchbeck.] that the nether ende be wyde that it may ouer-closen the sedes and the poudre and hald his mouth there ouer the ouerende that the eyre may in-to the sore tothe and that wil slen the wurmes and do away the ache. [ 20]

P. 69. For goute of tethe.—Anoynte the chekes on þe sore syde with plaunteyne and schepes talgh boylede to-gedere, and þe worme schal fallen in thyne hand, for this is proued.

P. 71. For stynche that comes out the nose-thirles.—Take rue and myntis, of eythere Iliche mychil Ius, but stamp eythere by hym-selfe and do the Ius to-gedre, and ley the man vp-ryght [I.e., on his back.] and poure the Ius in his nose-thirles, that it mawe drawe towarde the brayne for out of the brayne it commes. [ 5]

P. 73. For to maken a bile to gadere and breke.—Take sour dokkes and whith [White.] malwes and broklemke and stampe hem and fry hem with scheppis talgh and ley the playstre to the sor. Also, the croppes of the rede cole wele sothen and leyd to schal swage it and hele it. [ 10]

P. 74. For the feloun that ma[k]s a mannes hed to swellen.—Take betoyne, camamille and heyhoue and egrimoyne, of iche an handful and wasche hem and stampe hem and take hertis gres and lyf hony of eyther a quartroun and do ther-to and barly me[le] half a quartroun and lat fryen hem wel to-gedere; and lat [ 15] schaue the hede first and ley the playstre abouen as hot as the seke may suffre it.

P. 74. For the dropsey in the wombe and in the fete; and for costifnesse and glet aboute þe stomake and for wurmes in the wombe and for badde stomake.—Take iii penywyghte of scamonye [ 20] and ii penywyght of rubarbe and vi penywyght of sene and iii penywyght of poudre water and obolus [Obolus; i.e., half-penny; half a penny-weight.] weyght ȝedewale [Zedoary; ȝ = z.] and a penywyght of spikenard and Id. wyghte of poudre of canele,

and dī vnce of zucre of cipre; and do hem alle to-gedere and bray hem wele In a brasyne morter al to poudere; and lat the seke vse thys medicyne fastyng iche a day a good sponful iii dayes and he schal ben hool [as] a-fore-sed.

P. 75. For to maken a drynke for the pestilence.—Take [ 5] fetherfeu, matfeloun and mugwurt, solsicle and scabiouse and maythe, of iche one I-like myche, and wasche hem and stamp hem and tempere hem with stale ale and ȝif the seke drynke vi sponful at ones, and ȝif he haue it by tymes it schal distroye the corupcioun and sauen the man or wumman whethir it be. [ 10]

P. 76. For the ston, a god medicyne.—Take gromele, madere, burnet, percil, mugwort, detayne, lemke, fenele-seed, saxifrage, careway, smalache, and culrage; of iche an herbe Iliche mychil, wasche hem and braye hem and sethe hem In stale ale til the half be wasted and thanne streyne hem; and take pouder of an hare and [ 15] a lettuarye [Electuary.] that is called benedicta, of eythere a quarteroun, and do to þat licour, and sethe it ryght wele; and do it In a clene vessele wele couerede, and ȝif the seke drynke there-of first and last, at heuen hoot, at morwe cold.

P. 77. An-othere.—Take smalache-seed, percile-sed, louache∣sed, [ 20] fenele-sed, saxifrage-seed, careawey-seed, rotes of philipen∣dula, gromyl-seed, chirestoun-kirnelis, of ichon yliche michil, and bet hem to poudere, and ȝif the seeke to drynke I sponful at ones,

in wyne newe warmede, first and last til he be hool; for this is proued sekyrly.

P. 77. An-othere for the same.—Take an hee whyt goot, and fed hym iii dayes with Iuy, and lat hym drynke no drinke but whyt wyn wele salted tho [Those.] thre dayes; and at the iii day ende, [ 5] let him blod by-twen the clees of his fet; and ley the blode whanne it is colde on an hot tilston, and so lat it dry, and make poudre there-os; and ȝif the seke to drinken in hot wyn til he be hool; for this proued.

P. 80. For to knowen whanne a man is smytten with a staf [ 10] on the hede, ȝif the panne be broken or non, and the flesche hool abouen and nought broken.—Take a rasure and schaue the heed ther the sor is, and take a lynnen cloth and ley it duble, and take the whyte of a ney [A ney; a common spelling for 'an ey,' i.e. 'an egg.'] and sprede it on the clothe and ley it to the sore at heuen, whanne he schal reste hym; and bynde it [ 15] til on the morwen, and thanne take it awey; and ȝif the panne be broken, it will be moist there a-nemptis, [For anentis; with respect to, concerning (Hal. Dict.). See also New Eng. Dict. Here, it apparently means 'near.'] and ouer-ale ellis drye; and thenne must on kerue the flesche anemptis [For anentis; with respect to, concerning (Hal. Dict.). See also New Eng. Dict. Here, it apparently means 'near.'] the brech, and leten out the brised blod, and don In oynement that is kynde there-fore; and so may man saue and helen hym, and ellis he [ 20] were ded.

P. 84. Ȝif a man lye seeke, to wete whethire he schal lyuen or dye.—Take verueyne in thy ryght hand, and take his ryht hand

in thyn, and lat the herbe ben betwen, that he ne wete it nought; and aske hym hou he fareth and hou he hopeth of hymself; and ȝif he seye he schale lyue and fare wele, for certeyne that [Error for 'than' = then.] he schal lyue and fare wele; ȝif he seye he hopeth of no lyfe, wete wele for certen he schal dyen of that Iuel. [ 5]

P. 85. For the mormal.—Take grene walnotis with alle þe huskes, and bray hem smal in a morter, and put ther-to a litil blake pyke, [Pitch.] and medle hem well to-gedere, and after put therto a litil quyke-siluere, and bray hem wele to-gedere and tempere it vp with oyle dolyue; and thanne frye hem well to-gedere and make [ 10] an oynement ther-of; and put it in a box, and anoynte the sore there-withe and ley a weybrede-lef there-on the bak-syde to-ward the soor; and iche a morwen wasche the sor with madere-water.

P. 86. An oynement cold for schaldyng or brennynng.—Take plaunteyn, gosgres, an hous-leke, but as michil of plaunteyn as [ 15] bothe the tothere, and substaunce of may-butture, and frye it in a panne and streynne it; and thanne lat it stande al a nyght, and thanne take out the water in the botume and purifiet [Purify it.] out ageyne and thanne put it in a box.

P. 87. For to make fyne bawme.—Take I quarter fyne mete [ 20] hole, I vnce of galbanum and litil of castor uel beuersyn, [I.e. castor or beaver-sinew (?); (syne is sinew).] and dī pounde of fraunke-ensense, I vnce of libanum and I vnce of mastyke, I vnce of myre and I vnce of fyne werdcresse.

P. 91. For the dry coughe.—Take halȝ a pounde of licoris, and scrape awey the barke and bryse it in a morter, and do it in a newe erthe potte; and do þere-to a galoun of goode swet worte, and an vnce of sucre poset wele poudred, and quartrun of an vnce of poudre of gingire, and a quartrun of clarifiede hony; [ 5] and sethe þem tille halfen-dele be wastede, and þanne lat streyne it thurgh a lynnen clothe, and do it into a clene vesselle, and lat þe seke vsen there-of, first at morwe coolde, and lat at euen hote; and he schal bene hole.

P. 94. For to make grene entrette.—Take bugle, pigle, tanseye, [ 10] ver-ueyne, herbe water, virgine wax and frankencens, schepes talughe and perosyne; and grynde þem smalle to-gedere, and maket [I.e. make it.] soo, and put in boxis.

P. 94. For to maken a dry steuwe.—Take a fatte [I.e. 'vat;' fatte, fat, the usual spelling.] and couer it o-bouen with clothis and take iii or iiii grete stones in the [ 15] fyre; and whanne þei ben hote I-nowe, ley oþer colde stones in þe fattes botume, and the hote abouen and sette a stole besyden, and go into þe fatte, and sette þe on þe stole; and take a lauour fulle of colde water in thyn hande, and ay as þou wilt haue it hattare poure a litill of þe watere þere-on; and þus is made, or [ 20] elles ley vm [Vm; A.S. ymb; i.e. 'about,' 'around;' still spelt um in Mod. Germ.] þe hote stones herbes þat are beste for bathes.

P. 94. An-othere maner for þe same.—Make a dep hole in þe erthe in a chaumbure, and ley þer-in stones as fele as resonn is,

and make a gode fyre þer on þem; and when þe fyere is brent, take hopes or longe roddes and couer þem with clothes, and take an hirdill and ley ouere þe hole and ley þe herbes on þe hirdill; and set þe þer-on; for þus it [is] made.

P. 95. For man or wommane þat hath þe perliouse coughe.— [ 5] Take sauge and rue and comyne, and poudre of pepire, of iche iliche miche; and seth þem to-gedere in hony and make a letwarye ye; [Accidental repetition of the two last letters of 'letwarye.'] and use þer-of a sponfull at morughe and an∣oþere at euene.

P. 95. For þe coughe þat is called þe kynke. [I.e. chincough; the whooping-cough (Hal. Dict.).] —Take þe rote of [ 10] elena campana, and þe rote of confirye, of eþere iliche miche; and grynde þem wele in a morter and sethe þem in fayre watere till þe halfdele be wastede, and take þe ii partes þerof, and þe thirde of hony þat is boylled and scommede, and do þem to-gedere, and make þere-of a letwarye and do it in boystes, and lat þe seke vse [ 15] þer-of v dayes or vi a gode quantite at ones, at morughe and at euen; and he schale ben hole.

P. 95. An-othere for þe same.—Take þe Ius of heyhoue, and with [White.] flour of whete and medle þem to-gedere, and make ix smale tourtellis, [Little twists or rolls.] and bake þem and ete euery day on tille alle ix [ 20] be spent; and he schal be hole.

P. 97. A medicyne for þe sore throte or mouthe.—Take quin∣foyle a gode quantite, and stampe it and boyle it in fayre water

wele in a possenet [Possenet, posnet; i.e. 'little pot.'] and when it is boyled I-nough, holde hopenn þi mouthe þere-ouere, and lat þe ayere in-to þi throte as hote as þou myghte suffure, and so stewe þe righte wele; and aftyre as þou may suffur, soupe þer-of; and as it keleth In þi mouthe, spit it oute and take a-fresche, and do so iii tymes or iiii tymes, and [ 5] do so iii dayes; and þou salt ben hole sikerlich.

P. 97. For man or womman þat lesethe his speche for seknes.—Take þe Ius of sauge or ley a lef vndyr his tonge, or of primerole, and do it in his mouth, and he schale speke.

P. 97. Anothere for the same.—Take a cristal bede and grynde [ 10] it smal on a marbul-stone, and tempere it wit wommannes mylke of a knaue childe; and ȝef hym drynke and he schale speke.

P. 98. For alle goutes a gode oynement. [Compare MS. [A], fo. 167; p. 19 supra.] —Take an oule and pull hym, and open hym as þou woldeste ete hem, and salt hym wele, and do hym in an erthe potte, and lay a lytille stone þer-on [ 15] and set it in ane hote ouene, whanne men sette in þe doughe; and when men drawe forth the brede, loke if it be Inoughe for to makyne poudre, and if it be nought, lat it stande til it be; and be[t] it to poudre and tempre it with bores gres, and anoynte þe sore be þe fyre. [ 20]

P. 98. For alle swellyng.—[Take] groundsuille, .i.cenchon [.I. cenchon, meaning 'id est, senecio'; groundsel.] and lemke and chiken-mete and daiessie and rubarde and litelle

morell and herbe Benette, and stampe þem and do þem ouere þe fyre, and boyle þem wele; and as hote as þe seke may suffure, lay on þe playstre; and he schalle be hole.

P. 98. For to drawe oute a thorne of any place of a mane.—Take þe rote of þe Rose and stampe it with hony, and ley it on a [ 5] lynnen clothe and bynde it þere-on; and it salle drawe oute withe-outyne any diseyse.

P. 99. For þe goute-cayne. [No such word is known: probably for 'sayne,' a healing, cure; from Latin sanare. Cp. tutsain, toutsain, all-heal.] —Take þe rote of ache and writte þer-on iii wordes + ihs [Ihs; i.e. Jesus.] + xt [Christus.] + dominus + and as longe as he be rith [Rith; i.e. 'right,' 'exactly fixed.'] on hym a-boute his nekke, if he haue gode beleue on [ 10] god, he salle neuere have it more in alle his lyue.

P. 100. For þe goute in þe bone.—Take sufre and wax and boyle þem in a panne and ley a lynne clothe þere-ine til it be ful drunken þere-of, and bynd it there-on.

P. 100. For a brynnyng festre.—Take clere hony and rye∣flour [ 15] and medle it wele to-gedere and bake þere a koket [Cocket; i.e. a small loaf; see New Eng. Dict.] as harde as þou may, and ley it to þe hole; and when it is moiste, do it awey and ley on an-othere to.

P. 101. For a feloun.—Take doughe of whete and medle it with wommannes mylke þat hathe a sone, and ley it on þe felounn [ 20] and he salle be hole.

P. 103. For þe bolnyng of a mannys ȝerde.—Take porrettes [PORET. A young onion (Hal. Dict.).] and kerue þem smalle, and frye it with fresche gres, and bynd it alle abouten þe ȝerde, and it salle suage.

P. 104. For to do awey þe blode in þe eye of an hurt.—Take þe blode of þe pynoun of a swalugh, and drope in þe eye and it [ 5] schalle gon awey.

P. 104. An-oþere.—Take þe blode of þe veyne under a dowes wenge, and do þe same maner, and it schalle be hole.

P. 104. For a wommane þat may not bere no chyld for colde blode.—Take and let hire blode, and take trisandali [[Unknown word.]] and [ 10] diapendion, [DIAPENIDION. An electuary (Hal. Dict.); see New Eng. Dict.] and take and ley þem to-gedere with hony, and ete iche day þer-of, and haue blode bothe hote and gode.

P. 106. For þe stone.—Take ix Iuy-beries, persile, and alisandre, cerfoile and sauge; stampe þem in newe ale and drynke þere-of ix daies; and when þou pyssys, clense his vryne [ 15] thurgh a clothe; and þou schalt fynde þer-Ine smale stonnes.

P. 107. Anoþere for the same.—Take bardona, [Bardane, Fr., i.e. burdock. Elsewhere, it occurs among a list of plants, 'Bardana .i. brembel.'] polipodie of hoke, bayes [bayes. Cf. p. 83, line 17; 'bayes' = berries.] of iuy þat growes in þe wode, saponarie, archangele, saxifrage, of ich eliche miche, and alf a pounde of sucre or licoris

or hony, and þan medeled and wele stamped, and aftyre sothen In gode wyne or in gode clere ale, til þe hawndele [Short for halvendele, half.] be wastede; and lat hym drynken at morne colde, and at euen leuke; [Luke-warm.] and þe man salle ben hole and waste awey þe stone.

P. 111. For þe wulfe [From Lat. lupus, a kind of ulcer.] or þe worme on any membre of man.—Take [ 5] þe eggis þat ben rotyne vndre an henne whanne sche sittes to bryng forth bryddes, and breke þem and ley þem on þe sore and it salle slene þe worme for þe stynche; and wo-so hathe none eggis take þerof þe Ius of mynte and it wille do þe same.

[From 112th to 207th page are medical and other receipts in [ 10] Latin and arranged alphabetically.]

P. 227. For to make oyle de baye.—Take þe tendir leues of lorer-tre as many as þou wilt haue, and of þe bayes of þe same tre, as many as þou wil, and stampe þem in a morter as smal as þou mayht, and also many pound as þou hast of leuis and of [ 15] bayes. Whan þei be in þe pound, puttis þer-to half so many poundes of oyle, and so many half-vnces of wex, and lete hem stonde so to-gidere ix dayes; and at þe ix days ende, fry hem alle to-gidere in a panne, and after streyne þem thorow a stren∣youre; and so schal þou make oyle de baye. [ 20]

P. 229-296.—Here be-gynnyth medicynis þat good lechis haue made and drawyn out of hir bokys, Galien, Aselipius, and Ipocras. [Galen, Esculapius and Hippocrates.] Þes were the beste lechis of the world, of al maner sorys and

woundys, cancrys, gowtys, festrys, felons, and for sodeyn sorys, and al maner Iuelys in the body, with-In and with-oute.

[Then follow 169 headings of Recipes, on pp. 229-236.]

P. 237. For þe heuyd.—Mak lye of verueyne, of betayne and of werwod; [Old form 'wermod'; then, 'wermwood,' shortened to 'werwod.'] and wassh þi hed thries in þe woke. [ 5]

A-nother.—Tak betayne and verueyne, worwood [Old form 'wermod'; then, 'wermwood,' shortened to 'werwod.'] and selidoyne, rue, wallworth and sawge, and ix cornys of pepyr; and stampe hem and sethe hem to-gedyr in water; and drink þer-of fastyng.

P. 237. A-nothir oynement for þe heuyd.—Take walewort and [ 10] virgyn wax, and boyle hem to-gyder ouer þe fyre, and anoynte þin hed þer-with.

Another.—Tak camamille and beteyne, and temper hem to∣gedir with red wyn, and gif it him to drink.

P. 237. For scallyd hedis.—Tak pyk and wex, and melt hem [ 15] to-gedyr, and shafe þe hed clene, and make a plaster þer-of and ley it to þin hed; and do it not a-wey in-to þe ix day; or stamp garlyk with hony and ley to þin hede.

A-nother.—Shafe þe hed clene with þe her, ['With the hair;' 'in the direction of the hair;' and then again 'against the hair;' i.e., the other way.] and sithen ageyn þe her, and anoynt it with hony; and loke þat it be shafed [ 20] ilka wyke onys, and ilka day twyes anoyntyd; and it shal be hool with-outyn fayle.

P. 237. For þe pose [Pose, a cold, a rheum in the head (Hal. Dict.).] in þe hed.—Sethe pympernol in wyn and drynk it at euen hoot and at morwe cold.

A-nother.—Tak red onyouns and sethe hem in water, and hille [Hile, to cover over (Hal. Dict.).] hem wel; and whan þei ar wol [Wol; i.e., well.] sodyn, vnhille hem and hold þi nose ouer þe breth, [For 'broth.'] and lat it gon in-to þin heuyd. [ 5]

P. 238. For eyen þat er sore.—Sethe the rede snayl in water, and geder of þe grese and anoynt þin eyen þer-with.

A-nother.—Tak and brenne sneylis on a sklat-ston, [Slate-stone.] and tak powder and ley to þyn eyen whan þou gost to bedde.

P. 238. For eyen þat er rede.—Take þe rede mykil sneyl, and [ 10] do him in a basyn and prik his bak ful of smale holys, and put euery hole ful of salt, and kepe þe water þat comyth þer-of; and do it in-to þin eyen and it shal wel hele hem.

P. 238. For to haue good syght and cler.—Tak rue, ilka day a porcioun, and ete it fastyng; and it shal wel clere þi syght. [ 15]

For wateryng eyen.—Vse often beteyne in mete, and drynk it and it shal make þin eyen clere and fayre.

P. 238. For to do awey a web. [Pin-and-web, a kind of excrescence in the ball of the eye (Hal. Dict.).] —Take þe ieus of eufras, and swynes-gres and hen-gres and capoun-gres, and mynge hem to∣gider

in a panne, and kepe þat in boystis; and anoynte þin eyen þer-with whan þou gost to bedde.

P. 238. For bolnyng of eyen.—Tak may-butter and comyn and stamp hem to-gyder, and ley it on a lyn cloth and ley it to þin eyen, and ofte tyme new it; and whan þe bolnyng is [ 5] a-swagyd, tak safroun and wommannys mylk, þat fedyth a knaue-child, and grind hem to-gider, and drop in þin eye.

P. 239. For eyen þat ar rennyng.—Take millefoyle and rubbe it be-twix þi handys, and eftyrward [Afterwards.] put it in-to a basyn with a a lytil wyn and a lytil frankensens; and lat it stonde vii dayes [ 10] or more, and þan klense it þorw a cloth, and kepe it and drop it, to dropys in þin eyen at onys.

P. 239. For þe pyn in þe eye.—Tak hony and sethe it and spoo[r]ge ['Sporge' = Old Fr. 'esporger;' Lat. expurgare. Here, to 'strain' or 'clear' it.] it and put þer-to als mykil of whit wyn, and sum of þe pome-garnet; [Pomegranate.] and let it al sethe to-gidir til half be sodyn In; [ 15] and anoynte þin eyen þer-with.

P. 239. For him þat may not wel se.—Tak whit gynger and stamp it in-to pouder, and myse [Myse; probably signifies 'crumble;' cf. O. Fr. miche, a crumb; mod. Fr. mie.] crummys of a wastel þer-to, and put þer-to als mykil salt as þou hast powder, and temper hem with wyn; and þan put hem al to-gider and in a clene basyn; [ 20] and lat it stande so a day and a nyȝt, and þan take þe clere þat

stondyth a-bofe and do it in a vyol of glas; and smere þin eyen withal, whan þou gost to þi bed with a fedre, til þei ben hole.

P. 239. For to sle wormys þat etyn eye-liddys.—Take salt and brenne it, and do hony þer-to, and temper hem to-gider, and do þin eyen. [ 5]

P. 239. A good medecyne for eyen.—Tak an eg and rost it hard and pul it clene and clefe it in to, and tak out þe ȝolk; and put in þe hole þer þe ȝolke was, a pors[i]oun of coprose, þat is a maner of salt. Þan, tak and ley þe eg to-gider, and put it in a cloth, and bruse it with þi fyngers til þe coprose cum þorwe þe [ 10] cloth. Kepe þat water and anoynte þi eyen þer-with.

P. 240. For defnes.—Take grene bowes of an hesil, [Hazel-tree.] and ley it on þe fire, and kepe þe watir þat comyth out at þe endys a shelleful, and þe Ius of senigrene ii shoellefullis, [Error for shelle-fullis.] and of hony a shelfull, and of lekys hedys with al þe faȝis [[Unknown word.]] a shelful; and [ 15] menge al these to-gider; and þan put þer-of in þe hole ere, and ly on þe sore ere.

A-nothir.—Tak þe gres of a clene ele and þe Ius of senigrene, of bothe a-lyk mykil; and put þer-of in the hole ere and ly vpon þat othir. [ 20]

And also an-other.—Take an onyon and fry it in oyle, and put of þe oyle in his ere, and vse it; and do ventuse [Ventouse, to cup (Hal. Dict.).] him be∣twene his shuldres.

P. 240. For qweke þingis þat gon in-to a mannis ere.—Take þe Ius of sentory and menge it with þe gres of a clene ele, and with þe Ius of rue and do in þin ere.

Anothir.—Take we[r]wod, [For werwod; as at p. 106, l. 5, 6.] saueyn, rue and soþerynwode; and stampe hem and put þe Ius in þin ere. [ 5]

P. 241. For akyng of erys.—Take mustard-sed and rue and stamp hem to-gider, and tempyr it with water þat it be thikke, and ley to þin erys.

P. 241. For bledyng of the nose.—Tak þe bark of hesil and brenne it and blow þe powder in thi nose. [ 10]

Anothir.—Tak and brenne eg-shellys, þat bryddys haf ben in; and when þei are brent, blow þe powder in thi nose.

P. 241. If a veyne be brokyn in thi nose.—Take confery and drinke þe Ius with stale ale, and it shal hele the.

P. 241. For stynk of þe nose or of þe onde. [Onde; for ande; i.e., 'breath.'] —Tak blak mynte [ 15] and þe Ius of rue, of ilk a lyke mekil, and put in his nose∣thirlis.

P. 241. For him þat may not wel speke.—Ȝif him to drynke houndestunge.

Anoþer.—Take saueyn and stampe it with leuys of whit-þorn [ 20] and temper it with ale and gif it him to drynke.

Anoþer.—Take þe Ius of primerole or of sawge and put it in his mowth.

P. 241. For gomys þat smellyn or akyn.—Stamp plantayne and ley þer-to.

P. 241. For blisterid mowthis.—Tak an herbe þat hight [ 5] Ilhouue, and brenne it to powdir, and blow þe powder in his mowth with a penne, and rub it þer-with til it be hool.

P. 242. For þe toth-ake.—Take houndistunge and wash it clene, and stamp it and fry it wel in oyle or in may-butter, and make a plaster þer-of and ley it to þi syde. [ 10]

Anoþer.—Take þe lefys of gladyn, and stamp hem with hony, and make a plaster þer-of, and ley to þi sore cheke.

Anothir.—Take þe rote of pellettre of spayne, and chew it with þi sore toth.

P. 242. Anoþer.—Take þe sede of pellettre, and also mekil of [ 15] pepir, and to so mykil [I.e., two (times) so mickle; twice as much.] of henbane, and make powdir þer-of; and put it in-to a lynen bagge, and hete it ageyn þe fyre, and al hoot ley it to þi teth.

P. 243. For wormys þat eten teth. [Comp. MS. [A], fo. 159, p. 8.] —Take henbane-sede and leke-sede and stare, [For 'stor.'] and ley þese on a red glowing tile-ston; and [ 20] make a pipe with a wyde ende, and hold þi mouth ouyr þe ston,

þat þe breth may come þorw þe pipe to þi teth; and it shal sle þe wormys and don awey þe akyng.

P. 243. Anoþer for wormys.—Take henbane and pimpernol and ache and virgyn wax and stare, and make a candil þer-of, and lught it and hold þi teth ouer þe candel þat þe hete may [ 5] come to þi teth; and vse it often, and wormys shal falle out.

P. 244. For waggyng of teth.—Tak rede hertis hornys [Harts' horns.] and pimpernol red and [illegible] and do a-wey þe askys in a cloth, and ley to þi teth, and it wil feste he[m]. [Feste hem; i.e., 'fasten them.']

P. 244. For bolnyng of teth.—Take þe Ius of þe red nettyl, [ 10] and the Ius of an egge, and frank-ensens and whete mele; and make a plaster þer-of, and ley to þi sore; or anoynt þi cheke with oyle de bay.

Anoþer.—If þi teth rotyn, take horn and bren it, and do it in a lytil cloth; þat is to sey, þe askis þer-of; and ley it to þi [ 15] teth.

P. 244. For to make a face whit.—Take benys and ley hem in aysel, and in wyn, a nyȝt and a day; and do a-wey þe hoolys, ['Hoolys,' i.e., hulls, husks.] and dry þe white agayn þe sunne, and make powder þer-of, and stampe þe rote of lely, and put al to-geder in hoot water; and wesh [ 20] þi face þer-with when þou gost to slepe; and þat wil make it whit and do a-way þe spottys.

P. 244. Anoþer for to don a-wey frekenys. [Freckles.] —Take þe galle or þe blood of a bole, and anoynt þi face þer-with.

P. 244. For to make þi face rody.—Tak to vncys of þe rote of senuey, and I vnce of þe rote of briony, and stampe hem with hony, and sethe al to-gedir in wyn, and anoynt þi face þer-with. [ 5]

P. 245. Anoþer, for to don awey frekenys.—Tak galle of a cok and cokkil-mele, [Cocille mele, i.e., meal from Darnel, Lolium temulentum. It is mentioned in an old medical receipt in MS. Lincoln A. i. 17, f. 304 (Hal. Dict. s. COCKEL-BREAD;) see New Eng. Dict.] of ilk a lyk mykil, and menge hem to∣gidir, and bynd it to þi face and þei shul gon a-wey.

P. 245. Anoþer.—To make þe face whit and soft.—Take fressh gres of a swyn, and hen gres and þe whit of an egge rostyd, and [ 10] do þer-to a litil cokkyl-mele, and gres of a swyn and henne gres, and þe whyte of a egge haf rostid, and do þer-to a lyttyl cockyl-mele and gres þi face þer-wyth.

P. 246. For þe quinsy.—Take sede of columbyn and þe sede of febrifu and þe leuys of conferi, and dryng [For 'drynk' (Anglo-French spelling).] it with stale ale [ 15] and þou sal be be [['Be' repeated in MS.].] hole.

P. 246. For swellyng of nekke or of þe vesage.—Make a vow to seynt blase, and mark þi neke or þi hede with a thred, and make a sandyl [French error for 'candyl.'] so long, and offir yt to a ymage of hym.

P. 247. For the quincy.—Take speneche and make powder [ 20]

þer-of, and dring þe Ius in somer; and kepe þe powder tyl wynter. Speneche [[The spinachia of herbalists appears to have been usually one or more species of Atriplex or Chenopodium. The present plant is unrecognizable.]] ys a herbe with a blw floure.

P. 247. For al maner bolnyngys, brosyngys, and brokyn bonys.—Take broke-lemke, chekyn-methe and malwes, small∣ache, grounswely; and stampe al to-gydyr with chepis [Chepis, for 'shepis;' French spelling.] talu [ 5] and sweynnys gres, and do þe herbys þer-to; and lat hem sethe long, and put þer-to wyn-dreggys and wete brenn, and stere al to-gyder and ley þer-to es hot as þou may sofyr.

P. 247. For bolnyng of armys and of leggys.—Take þe holi∣malue, [Holyhock.] gronswel, sinchon, egreymonye, lely, waybrede, and [ 10] stamp al to-gydir, and tak þe Ius of hem and crummys of wete brede and þe white of an egge, and knede al to-gedir, and ley to þe sor.

P. 248. For the voys.—Take þe Ius of horhowne and the Ius of water-cressis and Ius of fenugrek, of ilk a-lyk mekel; and [ 15] sethe hem with [s]uger and hony, til it be þekke [Thick; Keutish dialect.] and ete it as it wer letwari.

P. 251. Who-so haue þe perlus cohw.—Take sauge, rue, comyn, and pepyr, and sethe hem to-geder with hony; and þer∣of ete ilk a morwu, a sponful, and at euen a sponful; and þou [ 20] chalt [Chalt; 'shalt;' (French).] be delyveryd.

P. 252. Anoþer.—Take letwary; for it is good for al yuel of þe cohw, [For 'cowh;' cough.] and for þe brest, and for raskelyng [Hoarseness.] in þe throte, and for sorys in þe seyde, and þe hede.

P. 252. For the drye cohw. [Compare recipe on p. 9.] —Take [h]orshouue and confery, and ete it with hony iii dayes, and þou chal be hole in haste. [ 5]

P. 252. Anoþer.—Take iii penyweyte of elena campana wel dryel, [Error for 'dryed.'] and alf a nonce of gynger, and mykyl licorys, and make þer-of pouder, and vs it in þi potage.

P. 265. For þe morphu. [Morphew, a leprous eruption on the face (Hal. Dict.).] —Take brinston and grynd it smal and put it in a lynyn clowth, and wech it in aysel [Ayselle, vinegar (Hal. Dict.); but distinguished in the text.] or in venegre; [ 10] and rub þe oft þer-with.

P. 255. Anoþer.—Take fumiter and stamp it, and gyf it hym [to] drynk with stale ale.

P. 267. For þe menyson.—Take nese-blede and stamp it and medelet [For 'medel it.'] with a kake of wete mele, and ete it wel hot; and yf [ 15] þou wylte wete [Know.] weþer he schal leue or deye þat hath þe menyson; take a penywyȝt of towncresse-sed and seþe it and gyf it hym to drynke; and ete wel and a drynke after a drauȝt of good wyn and anoþer of water; and do so iii dayes; and yf he staunche, he may leue with help; and yf he do noȝt, he schal dye. [ 20]

P. 267. For þe flyx.—Take the rust of þe belle-claper and temper it with water and drynke it.

P. 267. Anoþer.—Take melyfoly; id est yarwe; temper þe Ius with floure and yelkys of heggys, and make a kake þer-of; and ete þer-of and ete it al hot. [ 5]

P. 268. For bytyng of a wodhound.—Lat hym drynke betayne with fenel-sed, or sunne go to reste.

Anoþer.—Take towncresses and puliol, and sethe hem in water and gyf hym to drynke; and he schal caste out þe venoum; and ley on þe bytyng of þe hondys here, if þou may haue it. [ 10]

P. 269. Another—Take milke and clene lekis and salt and temper hem al to-gedere and stamp hem, and ley to þi wonde til it be hol.

P. 272. For wondys þat stynkyne for myskepyng.—Take mastyke and pouder þer-of and cast it þer-in and it schal do [ 15] a-way þe stynke.

P. 274. For rankelyng of a wonde.—Take rede nettel and salt and stamp to-gedir, and drynke the Ius fastyng.

P. 284. For to sle þe canker.—Take a rokys egge and put it in a new pot of erþe, and brenne it al to powder, and do it in∣to [ 20] þe hole, and it schal sle it.

P. 287. Medicyne for þe podagre.—Take þe rote of homloke and kerue it smale, and sette it in oyle of rose and ley þer-to.

P. 287. A precious water to clere a mannys syȝt and distroy þe pyn in a mannys eye.—Take þe rede rose and ambrose, þat men callyn capillus veneris, and fenel, iue, verueyne, eufras, endiue and beteyne; of ilk alyk mekyl, so þat þou haue vndur alle vi hanful; and lat hem reste in whit wyn a day and a [ 5] nyȝt; and þe secunde day stille hem in a stillatory; þe fyrst water þat þou stillist schal seme colour of gold, and þe toþer of siluer, and þe iii of baume; þis precious water may serue to ladys insted of baume. [This receipt, with some additional ingredients, is the first paragraph in Latin in the book from which the first transcript is made [A].]

P. 288. Aqua aromatica sic fit.—Take notmige and holow [ 10] gelofere, canel, and a litil quantite of caumfere, and muste [For 'musce,' musk?] þat be good; and þan of alle þes make pouder, and do it in water of rose a day and a nyȝt; and after pure it and clense it, and do it in a viol of glase.

[Pp. 288, 289, contain receipts for various waters made from [ 15] different herbs.]

P. 289. Here begynnes makyng of salues, tretys, oynementys good and trewe, without fayle; or to make salue.—Take þe rote of madir, auence, bugle, cinigle, mousere, wodsour, tansey, gronde-yuy, wodbynd, crop of the red nettel, crop of the red [ 20] brere, crop of þe rede cole, crop of hemp, solsicle, herbe Iohan, herbe Roberd, herb wauter, wild sauge, crasop, milkwort, ribbe, pimpernol, broun bugle, agrimoyne, plaunteyne, ox-eye daysey,

confery, osmunde, mugword, herbe que [vocatur?] gratia dei, wermode, soþernewode, endiue, eufras, beteyne, violet, herwort, scabius, matfelown, morsus diaboli, agnus castus, oculus Christi, mewlote, [[Probably 'melilot.' See s.v. in List of Plants.]] siniewo[r]t, [[Error for 'sineue,' mustard.]] camamylle, funil, puliol real, puliol moun∣teyne, mayde[n]here, astrologia longa and rotunda, primerole, [ 5] strawberis, smallache, feþerfwe. Tak as mekyl of madir as of þat oþer, and of halfdel þat oþer, halfdel auence and of þe toþer euer alik mekyl, and stamp þem, wan þei are wel wasche with may-butter, and let hem ly so vii daies. Take þanne butter and melt it and scome [Skim.] it clene þat þ[er] be no filþe þer-Ine, and put [ 10] þe herbes þer-to, and lat hem seþe longe; and after streyne hem þorwe a cloþe and lat it stonde al day; and þanne hete it ageyne; and if it be ouer þekke, purysy more butter and put þer-to, and streyne it oft; and if it be not clene anow, do so oft; kepe þat and gyf it þe wonded for to drynke onys on þe day with warme [ 15] ale as mekyl as a pese at onys and ley a wort-lef to þe wounde.

P. 291. For to make a oynement þat is callid popiliol.—Take þe leuys of popil-tre [Poplar-tree.] and schinchon, ribe-planteyn, Iusquiamus, peny-gres, morell, boþe more and lesse, smallache, broklembin and oþer erbys þat ben cold; stamp hem and let stonn so iiii [ 20] or v dayes, and þan take schepys talowe, swynys gres, and may-butter, and melt hem to-geder, and do to þe herbys, and seþe hem wele al to-geder; and wanne þei haue long soden, clense it

þorw a cloþe in-to anoþer vessel, and lat it kele; and þanne melt it ageyn and clense it eft-sonys; and kep þat wele; for þat is gode for al maner of hot sorys.

P. 292. For to make grene tret, þat ys callid gratia dei. [Comp. MS. [A], p. 53.] —Take bugle, pigle, cinigle, beteyne, scabious, ribe, siniwort, [ 5] morsus diaboli, gratia dei, planteyn, oxie, [The 'Ox-eye' daisy.] petingale, herbe water, crowfoot, egrimoyne, pimpernole, violet, euperatoir, agnus castus and oþer herbis þat are [Indicative of Nth. dialect.] sanatif, as many as þou wilt; and take most of bugle, cinigle, pimpernole, and of þe toþer euer alike mekyl; wasche þes herbis and stamp hem with schepis [ 10] talow and swyn grese and may-butter, and lat hem stond on þat maner of fustynge [Becoming fusty or mouldy.] viii dayes and viii nyȝtys in a pot of erþe; and þanne set ouer þe fere, and lat hem sethe to-gedir long tyme, til þe gres and þe herbis ben wele sodyn; þanne take a clene baceyn and ley a cloth þer-ouer, and purify þorwe a clothe in-to [ 15] a baceyn, and lat it stond til it be cold. Take þanne and gaþer vp þe oynement and put it into þe pot ageyn, and melt it; and grynd vertegres smal and put þer-to; if it þekke, put þer-to more butter, and clense it eft þorwe a cloth; and wan it is cold put it in bostys; and if þou wilt haue it red, take a vnce of [ 20] sanink dragun, [Sanguis draconis.] and grynd as mekyl of armenyke, [Ammoniac.] and do þer-to bitt [I.e., do thereto neither a bit [of anything] nor verdigris.] ne vertegrese. Þis oynement ys gode for alle manere of

sorys; and kepe þe water þat is under þe oynement in þe bacyn, for it is gode for to wasche wondys and alle sorys.

[Then follow various receipts, such as To clarifie suger, To mak aneys in confyte, To make kanelle in confyte frised, &c.]

P. 301. To make suger plate. [This receipt occurs in MS. [A], but in Latin.] —Take a lb of fayr clarefyde [ 5] suger and put it in a panne and sette it on a furure [Er. for 'fure,' Sth. dial.] and gar [Gar; i.e., make; so Scotch, 'gar.'] it sethe; and a-say þi suger be-twene þi fyngers and þi thombe; and if it parte fro þi fynger and þi thombe, þan it is I-now sothen, if it be potte suger; and if it be fyner suger, it will haue a litell lower decoccion; and sete it þan fro þe fyre on a [ 10] stole, and þan stere it euermore with a spature [Spatula.] til it tourne owte of hys browne colour in-to a ȝelow colour; and þan sette it on þe fyre a-geyn þe mountynance of a ave maria whist euermore steryng with þe spatur, and sette it of ageyne; but lat it noght wax ouer styfe, for cause of powrynge; and loke þou haue redy [ 15] be-forne a fauer [Fair.] litel marbill-stone and a litell flour of ryse in a bagge shakyng ouer þe marbill-stone till it be ouer-hilled; and þan powre þi suger þer-on as þin as it may renne, for þe þinner þe platen þe fauier it is. If þou wilt put þer-in any diverse flours, þat is to say, Roses-leues, Violet-leues, Gilofuer-leues or [ 20] any oþer flour-leues; kut þem small and put þem in whan þe suger comes firste fro þe fyre. And if þou wilt mak fine suger plate, put þer-to all þe first sethyng ii vnce of Rose-water; and if

ȝe will make rede plate, put þer-to I vnce of fyne tournsole clene waschen at þe fyrst sethynge.

To mak penydes. [Penydes; French penide (Cotgrave); Latin, Penidion; barley-sugar sticks.] —Tak a I lb suger þat is noght clarefyed but euen colde with water, with-owten þe white of a egge; for if it were clarefyed with þe white of a egge, it wold [ 5] be clammy; and þan put it in a panne and sette it on þe fyre, and gar it boyle and whan it is sothen I-now a-say be-twyx þi fyngers and þi thombe; and if it wax styfe and parte ligh[t]ly fro þi fynger, þan it is I-now; but loke þou stere it but lityl with þi spatur in hys decoccion, for it will [ 10] be-nyme [Take away.] his drawyng; and whan it is so sothen, loke þou haue redy a marbyll-stone; anoynte it with swete mete oyle as thyne as it may be anoynted, and þan pour þi suger þer-on; euen as it comes fro þe fyre sethyng, cast it on þe stone with-outen any sterynge; and whan it is a litel colde, medel hem to-gedyr with [ 15] bothe ȝoure handes and draw it on a hoke of eren til it be fair and white; and þan haue redy a fair clothe on a borde and cast on þe clothe a litell floure of ryse, and þan throw ['Throw' here means 'twist.' It refers to the twisting so familiar in barley-sugar.] oute þi penedes in þe thyknes of a thombe with þi handes as longe as þei wilt reche and þan kut þem with a peyre scherys on þe clothe, ilk a [ 20] pese as mychest as a smale ynche, and þan put þem in a cofyn,

and put þem in a warme place; and þan þe warmenesse schal put a-way þe towghnesse; but loke ȝe make þem noȝt in no moyste weder nor in no reyne.

[This is followed by various receipts, e.g.]—To mak gobet Ryale. To mak past Ryale. To mak penenate. To mak con∣serue [ 5] of madrian. To mak suger candy. To make char de qwince. [Char de quince; see New Eng. Dict.] To make ymages in suger. To mak grene gynger. To mak þe sirrup to grene gynger. To make grene walnottys in connfyte. To mak vynegre. To make diaquilon. [Diachylon.] To make popilian. [It concludes (p. 324) with "pomum ambre for þe [ 10] pestelence."]

[The remainder is in Latin.]