A chronicle of London, from 1089 to 1483; written in the fifteenth century, and for the first time printed from mss. in the British museum: to which are added numerous contemporary illustrations, consisting of royal letters, poems, and other articles descriptive of public events, or of the manners and customs of the metropolis.

NOMI'A MAIOR' ET VICECOMITU' LONDON' TEMPORE REG' EDWARDI T'TIJ, QUI CORONATUS FUIT APUD WESTM' DIE D'NICA PRIMO DIE FEBRUAR' ANNO D'NI MILL'MO CCC^mo xxvj^to, ET ANNO ETATIS SUE xiiij [["et anno etatis sue xiiij" is omitted in the Cotton MS.]] , P'RE SUO AD TUNC VIVENTE.

Ric'us Betayn, maior, goldsmyth. Ric' Rotyng. Rog' Chauntecler.

A^o. p'mo.

In this yere were seyn in the firmament too mones, and in [Too mones and too popes.] this yere were too popes. Also in this yere, the vj day of March, the kyng confermed the lettres and the fraunchises of London. Also he graunted that the meire schulde ben on of the justices at Newgate. Also he graunted to the schirreves of London and Midd' the ferme of the schirrevehode for ccc^li be yere, as it was in old tyme. Also he graunted that the schirreves of London ne the citezens schulde nought be charged with men that fledden to holy chirche, ne they schulde not be con∣streyned to gone out of the citee of London to eny werre.

Also the same tyme the kyng graunted that the liberties and fraunchises of London schulde nought after that tyme for no cause be taken into the kynges hond: and the same tyme Suthwerk was graunted to the schirreves of London to have to [Southwerk was graunted to ferme.] ferme: also the same yere, after the fest of Pask', the kyng ordeyned an huge oost for to feighte ayens the Scottes; and S^r. John of Henaude come into Engelond with [["V c." in the Cotton MS.]] men of armes for to helpe the yonge kyng Edward. And the Scottes comen into Engelond and deden muche harme, and distroyden the contreye tyl they comen to the park of Stanhope in Wyrdale, where they helden them in a busshement in the parke. And the kyng besette the park alle aboughte that the Scottes schulde never escaped: but thorugh treson of the Mortymer they es∣capid everych on, and so the kyng was disceyved. And also in this same yere of oure lord a m^l cccxxvj, be treson of Sire Roger Mortymer, kyng Edward [["the fadir"—Ibid.]] was sclayn in the castell of Berkele [["in the xxj yere of his reigne."—Ibid.]] . Also in this yere, in the [["even of the."—Ibid.] The foun∣dacion of Garlykhithe chirch.] conversion of seynt Poul after Criste∣messe, the kyng spoused dame Philip' the erles doughter of Henawde at York. Et id'm Ric'us Rothyng' tunc vic' fundavit eccl'iam de Garlykhithe s'c'i Jacobi et dotavit.

Hamo Chikewell, m'. Herry Darcy John Hawteyn.

A^o. s'c'do.

This yere, in the feste of Pentecost, the kyng helde his par∣lement at North'; at whiche parlement, thorugh counseill of the Mortymer, the kyng of yonge age and withinne age accorded with the Scottes, and foryaf and relesed them al the homage [Scottes wer discharged of their homage:] and feautee that they oughte to do to the crown of Engelond

be chartre ensealed and an endenture, in whiche were con∣teyned alle the homages and feautes that the kyng of Scotlond and the lordes of the same lond schulde do to the kyng of Engelond, which was ensealed with alle the seales of alle the grete lordes of Scotlond spirituelx and temporelx, and other chartres and remembraunces that kyng Edward and hise barons hadde of right in the lond of Scotlond; which alle, thorugh counseille of quene Isabell the kynges modir, and S^r. Roger Mortymer, were delyvered to the Scottes with the blak crosse [with the blakke crosse.] of Scotlond, the whiche goode kyng Edward the kynges ayell [["his grandfather" in the Cotton MS.]] hadde conquered in Scotlond and broughte it fro the abbeye of Stone, whiche was a precious relyke, the whiche was also delyvered to the Scottes: also the kyng, thorugh counseill of his modir and of the Mortymer, relesed and foryaf alle that right that the barons out of Engelond hadden in ony londes of Scotlond of olde conquest.

John Grantham, m'. Simon Fraunceys. Herry Combemartyn.

A^o. iij^cio.

This same yere David Bruz the sone of Robert Bruz, be ordynaunce of the kynges modir and of the Mortymer, spousyd at Berewyk dame Johanne of the Tour, the kynges suster, upon Marie Magdaleyn day, in the yere of oure lord a m^l cccxxviij: and whanne the maryage was done, the Scottes called here in despyte of Engleyssh men "make pees" [["the countes make peas" in the Cotton MS.]] ; but the kyng bar the blame wrongfully. This yere the kyng helde his parlement at [A p'lement at Salesby. Rog' Mor∣temer was made erle of Marche; S^r. John Eltham] Salesbury; and at that parlement Sire Roger Mortymer was mad erle of the March, and S^r. John Eltham the kynges brother

was also mad erle of Cornwayle. Also this same yere Sire [the k'brother erle of Cornewalle.] Edmond Wodestoke erle of Kent, the kynges uncle, was be∣heded at Wynchestre, thorugh procurment of the quene, the kynges modir, and of the Mortymer. Also in this yere the kyng seyled into Fraunce, that is to seye the yere of oure lord a m^l cccxxviij, and dede homage to the kyng of Fraunce for the [Dyd homage to the kyng of Fraunce.] ducherye of Guyene and for the counte of Pountyf.

Simon Swaynlond, m'. Rob't of Ely. Th' Harewold.

Anno iiij^to.

This yere Edward the first begeten sone of kyng Edward [Prynce Ed∣ward was born.] the thridde was born at Wodstoke, the day of seynt Viti and Modest'.

John Pounteney, m'. Rob't of Ely. Tho's Harewold.

A^o. v^to.

In this yere Edward Bailloil, the sone of John Bailloil sum∣tyme kyng of Scotlond, come into Engelond chalangynge his right heritage of the kyngdom of Scotlond, and arreyved at Dounfermelyne; where, faste be the abbeye, ii m^l Englysshmen scomfited and xl m^l Scottes [[See note L.]] . In the same yere Sire Roger Mortymer was hanged upon a theves galowes, on seynt Andrew [S^r. Rog', Mortim' was hanged.] even, in the yer of oure lord a m^l cccxxx^ti.

Id'm maior. John Mokkyng. Andr' Aubrey.

Anno vj^to.

The same yere kyng Edward beseged the town and the castell [Sege of Berwyk.] of Berewyk: and upon seynt Margeretes even the Scottes in

wondyr grete noumbre comen for to remove the sege, with whom the kyng faughte and discomfyted them: and there were sclayn of the Scottes viij erles and a m^l and ccc knyghtes and squyers, and of footfolke mo thanne xxxv m^l; and of En∣glysshmen there were dede a knyght and a squyere and xij footfolke. And so upon seynt Margarete day the town [The yeldyng of the castell of Berewyk and the town.] and the castell were yolde to the kyng, in the yere of oure lord a m^l cccxxxj.

John Preston, m'. Nicholl Pyk. John Housbonde.

Anno vij^mo.

Also in the same yere the kyng Edward sclough many Scottes, and he recovered the castell of Kilbrigge.

John Pounteney, m'. John Hamond. Will' Hansard.

A^o. viij^to.

In this yere the kyng of Scotlond come into Engelond to the newe castell upon Tyne: and aboughte the feste of the Nati∣vite [The kyng of Scotland did homage: and allso the duke of Bretayn.] of seynt John baptiste, there he dede homage to kyng Ed∣ward. The same yere the duke of Bretayne dede homage also to the kyng for the counte of Richemond.

Reynald at the Conduyt, m'. John Kyngeston. Walt' Turk.

A^o. ix^o.

This same yere was a gret moreyn of beestes and of men also, [A gret moreyn of men and of bestes. xl s. j quart' whete.] and gret habundance of reyne, where thorugh there was so gret derthe of corne that a quarter of whete was worth xl s.

Id'm maior. Walt' Moordon. Ric' Upton.

Anno x^mo.

In this yere the Scottes offendeden ayeyne: and the kinge wente over the Scottyssh see and werred upon the Scottes, and overcame them myghtyly, at whiche tyme the erle of Morre was taken.

John Pounteneye, m'. Will' Bikkesworth. John Northale.

A^o. xj^mo.

This same yere, in the monthe of Juyne and July, in diverses [Stella co∣mata. j q'rt' of whete ij s; and a fat oxe for di' marc; and vj pegons for a peny.] parties of hevene appered stella co'mata. Also in this yere was gret plente of vitaile, that a quarter of whete was sold at London for ij s; and a fat oxe for vj s. viijd; and vj pegons for a peny: but natheles it was ful gret scarste of money. Also this yere deyde S^r. John of Eltham.

Herry Darcy, m'. Walt' Neel. Nicholl Grave.

Anno xij^mo.

In this yere kyng Edward made of the counte of Cornwayle [The counte of Cornwayle was made a duche.] a duche, which he yaf to Edward his firste begetyn sone, withe the erledom of Chestre. Also, the kyng graunted that the [Sergeaunts of the maire and the schir∣reves of Lon∣don schulde b're maces of silv'.] seriaunts bothe of the meire and the schirreves of London schulde beren before the maire and the schirreves of London maces of silver and over gilte, withe the kynges armes.

Id'm maior. Will' Pomfreyt. Hugo Marleberer.

Anno xiij^o.

In this yere the kyng and the quene seyled to Braban; and at

the town of Andewarp the quene chylded S^r. Leonell. And this same yere in Braban the kyng made first cleyme to the crowne of Fraunce.

Andr' Aubrey, m'. Will' Thorney. Rog' Forsham.

Anno xiiij^mo.

This same yere the kyng held his parlement at London; and [A p'lement at London. The kyng asked moche good for his werres.] he axed to begynne hise werres the fyfthe part of alle the moeble goodes of Engelond, and the custume of wolles, and the ix schef of every manere of corn, the which was graunted. And in this yere the kyng changed hise armys: and also the kyng [The coyne of the noble, half noble, and ferthyng.] made the coyne of goold; that is for to seyne the noble, the half noble, and the ferthyng. And this yere was called the firste yere oft oure kyng of the regne of Fraunce.

Id'm maior. Adam Lucas. Barth'us Mareys.

Anno xv^o.

This same yere the kyng faught with the Frensshmen at [The bataill of Scluse.] Scluse, where there were sclayn of Frensshmen xxx m^l; and the kyng toke and scomfyted at the sayd bataill of Scluse cccx schippes. And in this yere the kyng began the bataill of Torneye, and the town of seynt Amandys was distroied. And in the same yere, on seynt Andrewes even, kyng Edward come fro beyonde the see be nyghte to the tour of London, and there tok manye lordes and peres of the reaume and putte them into preson. And in this yere of kyng Edward began the firste yere of his regne of the kyngdom of Fraunce.

Also in this yere of oure lord a m ccc xl^ti, there was sente out [The comaun∣dement of the Emp'o^r of Tartary.] a maundement fro the emperor of Tartarye into alle hise londes and kyngdomes, that every man schulde use what lawe and beleve that he wolde, be so that he schulde worschep non idoles but only everelyvynge God.

John Oxenford maior p' p'te aⁱ. et Simon Fraun∣ceys p' alia p'te. Ric' Berkyng. John Rokesley.

A^o. xvj^o.

In this yere the kyng lefte the sege of Turney [[See note M.]] .

Simon Fraunceys, m'. John Lovekyn. Ric' Kelsyngby.

A^o. xvij^o.

In this yere was a gret turnement at Dunstaple of alle the chivalrye and gentyles of Engelond. And in this yere was a gret [T're motus magnus.] erthequake.

John Hamond, m'. John Syward. John Aylesham.

A^o. xvij^o.

This same yere the noble kyng Edward held his parlement at London, in whiche parlement he made Edward his oldest sone prynce of Walys.

Id'm maior. Geffrey Whityngham. Thomas Legge.

A^o. xix^o.

In this yere the kyng began the rounde table at Wyndesore, [Knyghtes of the Garter.] that is to seye, the ordre of Knyghtes of the Garter.

Ric' Lacere, m'. Edmond Hampenale. John Gloucestr'.

A^o. xx^mo.

This yere the kyng sailed over the see into Bretayne and into Guyen, and come ageyn this same yere.

Geffrey Whityngham, m'. Will's Clopton. John Croydon.

A^o. xxj^mo.

This same yere kyng Edward seyled into Normandye; and in the xij day of Juyll he arryved at Hogges; and the xvj [["xxvj"—in the Cotton MS.]] day of Juyll the kyng faught with the Normaundes at the brigge of Cadoun, where there were taken the erle of Ewe, the lord Tankervyle, and an hundred knyghtes, and of men of armes vij [["vj c."—Ibid.]] c; and moche peple of Normandye were sclayn. Also in this same yere in the xxvj day of August, the yere of oure lord a m^lcccxlvj, was the bataile of Cressy, in whiche bataill [The bataile of Cressy.] were sclayn the kyng of Beame, the duke of Loreyne, the erle of Alaunson, the erle of Flaundres, the erle of Bloys, the lord of Harecourt, the lord of Awmarle, the erle of Navers, and manye othere knyghtes and barons to the noumbre of xv^e xlij; and kyng Phillip fledde. And the thridde day of Septembre folwynge the kyng began the sege of Caleys, [Sege of Caleys.] whiche sege he contynued unto the thridde day of August next folwynge. Also the same yere, durynge the forsaid sege, David kyng of Scotlond was taken at the bataille of Derham, the xvj kal' of Novembre, whiche kyng was raunsoned at an hundred m^l marcs, to be payed in x yere, that is to sey every yere x m^l mark.

Thomas Legge, m'. Adam Brakson. Ric' Basyngstoke.

A^o. xxij^do.

This yere durynge the segee of Caleys the kyng Phillip of Fraunce, purposynge to remeve the sege, cam the xxvij day of Juyll, and proposed bataille to kyng Edward, and assigned day and place; and kyng Edward accepted it with a glad chere: and kyng Philipp undirstondynge of this thinge, the nyghte folowynge he brende the tentes and cowardly fledde awey: and so the peple withinne the town, seynge no comfort of rescues, yolden the town to the kyng with the castell the ix^e [Caleys was yolden.] day of August. And aboughte the feste of seynt Mighell kyng Edward, which dede a glorious tryumphe, retorned ayene into Engelond.

John Lovekyn, m'. Herry Picard. Simon Dolcelle.

A^o. xxiij^cio.

In this yere began the grete pestilence among the Sarazynes, that unethes it lefte the x man alyve. And this same yere, that is to seye the yere of oure lord a m^lccc^mo xlviij^o, it reyned con∣tynuelly [A gret reyn.] for the moste partye fro the Nativite of seynt John baptist unto Cristemasse next folwynge.

Walt' Turk, maior. Adam of Bery. Rauf Lynne.

A^o. xxiiij^to.

This same yere of oure lord a m^lcccxlviij^o [["m^l, iij^e xlix" in the Cotton MS.]] was the grete pestylence at London, which endured fro the feste of Myghel∣messe unto the monthe of August sewyng. [Gret pesty∣lence.]

Ric' Kylsyngby, m'. John Notte. Will's Worcetr'.

Anno xxv^to.

In this yere of oure lord a m^lcccl the kyng faughte with the [Bellu' sup' mare int' regem E. et les Spay∣nardes.] Spaynardes on the see, besyde Wynchelse and Romeneye: and thankyd be God the kyng hadde the victorye, and wan there manye a faire vessell.

Andr' Aubrey, m'. John Wroth. Gilb't Steynethorp, goldsmythe.

A^o. xxvj^to.

In this yere of oure lord a m^lccclj the kyng made newe [New moneye of grotes and half grots and pens.] moneye; that is to seye grotes, and half grotes, and penyes: natheless the weyte was lasse be v s. in the pound than the olde starlyng. Also in this yere two fysshmongers were beheded at the standard in Chepe.

Adam Fraunceys, m'. John Pecche. John Stodeye.

A^o. xxvij^o.

In this yere was a gret derthe of vitaile in somer tyme. In this [The dere Somer.] yere was a gret droughte, whiche endured fro the begynnyng of March unto the laste ende of Juyll.

Id'm maior. Will' Welde. John Lytele.

Anno xxviij^o.

The same yere after Estre the kyng held his parlement [The first duk of Lan∣castre.] at Westm', in whiche parlement Herry erle of Lancastre was mad duke of Lancastre, whiche was the firste duke of Lancastre.

Thomas Legge, m'. Will' Totenham. Ric' Smelte.

A^o. xxix^o.

In this yere kyng Edward and kyng Phillip of Fraunce were sworne to kepe pees; and kyng Edward schulde have in pees, withoute homage doyng, alle the londes of Guyon, Angeoy, and Normandye, and othere that longen to hym be heritage of olde tyme. Also this yere the kyng revoked the staple of wolles [The staple of wolles were ordeyned.] out of Flaundres, and ordeyned it to be in diverses places of Engelond; that is to seye, at Westm', Caunterbury, Chichestre, Bristoll, Lincoln, and at Hull.

Simon Fraunceys, m'. Th' Forst'. Walt' Brandon.

A^o. xxx^o.

This same yere deyde kyng Philip of Fraunce, and John his eldest sone was crowned kyng of Fraunce. And the same yere kyng Edward seyled over the see and landed at Caleys, whiche with all his oost rood forth into Fraunce to mete with kyng John, that wykkedly hadde broken the pees. And anon kyng John wyste of his comynge, cowardly he fledde: and he dede all his peple 'carie awey there vitailes and goodes, that kyng Edward and his peple' [[Supplied from the Cotton MS.]] in nothing schulde be refresshed. Also the same yere the Scottes token the town of Berewyk, but the castell was kepte stille be Englysshmen. Also the same yere was graunted to kyng Edward the custume of wolles; that [The custume of wollys was graunted to king E.] is to say, l s. of the sakke for the terme of vj yere folwynge.

Herry Picard, m'. Ric' Notyngham. Thomas Dolcell.

A^o. xxxj^mo.

This yere S^r. John Bailloil kyng of Scotlond yaf up the

reaume of Scotlond and the crowne to kyng Edward at Rokes∣burgh. Also in this yere the town of Berewyk was yolden up to kyng Edward. And in this same yere, that is to seye the yere of oure lord a m^lccclvj^to, the xix day of Septembre, kyng John of Fraunce was taken at the bataill of Peyters [Kyng of Fraunce John was taken at the bataill of Peyters, and othere lordes with hym.] be the doughty prynce Edward the firste sone of kyng Edward. Also Sire Philip his sone was taken with hym; and the erle of Pountys, the erle of Ewe, the erle of Longeville, the erle of Tankervyle, with othere viij erles and thre bysshoppes: and there were sclayn the duke of Burbon, the duke of Daceus constable of France, and the bysshop of Chalons, and manye othere grete lordys of Fraunce; and the dolphyn fledde.

John Stodeye, m'. Steph'us Caundyssh. Barth'us Fretlyng.

A^o. xxxij^do.

In this yere prynce Edward, with kyng John of Fraunce and [Prynce Ed∣ward with kyng John, with alle the p'soners, comen into Engelond.] with alle hise presoners, comen into Engelond the xxiiij day of May, aboughte iij of the belle at afternoon he rod over London brigge toward the kynges paleys at Westm'. Also the same yere were ryall justes in Smythfeld, there beynge present thre [Grete justes in Smyth∣felde, beynge there thre kynges.] kynges, that is to say the kyng of Engelond, the kyng of Fraunce, the kyng of Scotlond; and manye othere grete lordys of diverses regyons.

John Lovekyn, fysshmong', m'. John Bures. John Bernes.

A^o. xxxiij^o.

This same yere the kyng helde ryally seynt George feste at Wyndesore, there beynge kyng John of Fraunce; the whiche

kyng John seyde in scorn, that he sawe never so ryall a feste and so costelewe mad with tailles of tre, withoughte payeng of gold and sylvere.

Simon Dolcelle, m'. Simon Bedyngton. John Chichestre, goldsmythe.

A^o. xxxiiij^to.

This yere, in the xiiij kal' of Juyn, Sire John erle of Rich∣mond, the kynges sone, wedded dame Blaunche [[See note N.]] . Also in this yere kyng Edward seyled to Caleys, and rood up into Fraunce, because Charles regent of Fraunce thanne meved werre.

John Wroth, m'. John Deynes. Walt' Berneye.

A^o. xxxv^to.

This same yere, that is for to seye the yere of oure lord a m^lccclx, the xiiij day of Aprill thanne beynge the morwe after Estre day, kyng Edward with hys oost lay aboughte Parys; whiche day was a foul derk day of myst and of hayl, and so bitter cold that manye men deyde for cold: wherfore unto this day manye men callen it the blake Moneday. This same yere were rovers [Blak Monday.] on the see, undyr the governayle of the erle of Seynt Poule; whiche the xv day of March distroied the townes of Rye and Hastinge and othere be the see syde, and sclewen manye men. Also in this yere the pees was made betwen the kyng Edward and kyng John of Fraunce, the xv day of May: and kyng Ed∣ward sente hise ambassatours into Fraunce, and toke the othe of Charles regent of Fraunce, whiche othe was plight undir this forme: Charles dede lete solempnely a masse to be songen; and whanne Agnus Dei was thries seyd, Charles leyde his right hand

upon the patene, whereupon lay Godes body, and his lefte hond pressyng don upon the masse bok, seyenge, We swern upon the holy precious Goddes body, and upon the Evaungelies, fermely to holden anentes us pees and concord fourmed betwen the too kynges of Fraunce and of Engelond, and in no manere to do the contrerie. Also in this yere mennes, bestes, trees, and housynge were alle to smyte with violent lyghtnynge, and sodeynly peresshyd; and the devell in mannes lyknes spak to men goynge be the weye.

John Pecche, m', drap'. Will' Holbeche. Jemes Tame.

Anno xxxvj^to.

Also in this yere, in the kal' of Juyn, fell a blody reyne in [A blody reyne and a blody crosse.] Burgoyn, and a blody crosse apered in the eire fro the morwe unto myd day at Boloyne, the whiche afterward moved hym and fel down into the see. And in this yere prynce Edward wedded the countesse of Kent. And in this yere was the [s'c'da pesti∣lencia.] seconde gret pestilence, in whiche good Herry of Lancastre deyde, and S^r. John erle of Richemond, the kynges sone, was [John the erle of Richm' was made duke of Lankaster.] mad duke of Lancastre. And in the same yere began the grete companye.

Steph'us Caundyssh,m'. John of Seynt Albons. Jacob Andrewe.

A^o. xxxvij^o.

This same yere upon seynt Maurys day, the yere of our lord a m^lccclxj, was the gret wynd whiche caste doun tres, houses, [Magnus ventus.] pynacles and steplees of chirches and manye places in En∣gelond. Also this yere S^r. Leonell the kynges sone was mad [Lyonell the k' son duke of Clarence.]

duke of Clarence, and S^r. Edmond of Wodestoke was made erle of Caumbregg.

John Notte, m'. Ric' Croydon. John Hyktost.

Anno xxxviij^o.

In this yere comen thre kynges into Engelond to vysyte and [Thre kynges comen into Engelond.] to speke with kyng Edward; that is to seye, kyng John of Fraunce, the kyng of Scottes, and the kyng of Cipre.

Adam of Bery, maior, skynnere. Simon Mordon. John Medford.

A^o. xxxix.

This same yere of oure lord a m^lccc^mo lxiiij was the batell of [The bataill of Orrey.] Orrey in Britayne, where S^r. Charles de Bloys chalanged to be duke of Bretayne was sclayn, and S^r. Bertram Claykyn was take with manye othere lordes and knyghtes. Also this same [John kyng of Fraunce deide at Saveye.] yere, at Saveye besyde Westm', deyde John kyng of Fraunce. And also in the same yere was a strong cold frost, whiche [A gret frost that longe dured.] endured fro seynt Andrewes day unto the kal' of Aprill.

Id'm maior usq' xxviiij diem Januar', quo die p' p'ceptu' reg' illo amoto, Joh'es Love∣kyn el'tus fuit in mai∣orem p' residuo aⁱ. John Brikelesworth. John Irland.

Anno xl^mo.

This same yere, the vij kal' of Feverer, Edward the firste sone [E' p'mogenit' E' princip' nat' est.] of prynce Edward was born; whiche in the age of vij yere endyd hys lyf. Also in this yere was grete and stronge batailes [Bataile of sparwes.]

of sparwes in Engelond in diverses places, whereof the bodyes were founden in the feldes dede withoughte noumbre. And in this yere manye men and bestes were enfect with pokkes where [Men and bestes weren enfect with pokkes.] thorugh they deyden. And in this yere on seynt Barnaby day was Cornwayle hanged.

John Lovekyn, m', fysshmong'. John Warde. Th' atte Lee.

A^o. xlj^mo.

In this yere Richard the sone of prynce Edward was born at [Natus fuit Ric' fil' p'cipis E.] Burdeux.

Jamys Andrew, maior, drap'. John Thorgold. Will'm Dykeman.

A^o. xlij^do.

This same yere, that is to say the yere of oure lord a m^lccclxvij, in the monthe of March appered stella comata. [Stella comata. The bataille of Nazers.] Also in this yere was the bataille of Nazers in Spayne, where prince Edward with his companye scomfyted the bastard of Spayne, and restored kyng Petir ayeyn to his reaume that was put out be the forseid bastard; and there was taken the erle of Dene, S^r. Olyver Claykyn, and manye othere; thankyd be God.

Simon Mordon, m'. Adam Wymondham. Rob't Girdelere.

A^o. xliij^cio.

In this yere Sire Leonell duke of Clarence with a fayre meyne sailled over the see toward Melane; whiche aboughte the natyvyte of oure lady the same yere deyde. In this yere [iij pesti∣lencia.] was the thridde pestilence, in whiche deyde dame Blaunche of [[See note M.]]

Lancastre. And in this yere the Frensshmen meved ayeyn werre.

John Chichestr', m', goldsmyth. John Pyell. Hugh Holbech.

A^o. xliiij^to.

In this yere was so gret derthe of corne in Engelond that a busshell of whete was worth xl d. And in this yere was the [j bus' whete xl d.] grete vyage into Fraunce be S^r. Robert Knolles. And in this yere Mortherer of Pembrok in Cristemasse weren at the count∣esse hous; and the same Mortherer sclewen of men, women, and children in the cradell, xiij; and this was don be a fyssh∣mongre that the countesse hadde founde to scole and brought up of a child. And in this yere, the day of the assumpcion of oure lady, the yere of oure lord a m^l ccclxix, deyde dame Philip quene of Engelond.

John Bernes, drap', m'. Will' Walworth. Rob't of Gayton.

A^o. xlv^to.

In this yere the houses and gardynes were drowe doun aboughte Poules. And in this yere the duke of Lancastre seiled over the see and rood thorugh Fraunce: and S^r. John Haukewod florysshed that tyme in Lumbardie. And in this yere the prynce with hys wyf and hise meyne comen into Engelond, levynge behynden hym the duke of Lancastre in Gascoigne, and the erle of Cambregge.

Id'm maior. Rob't Hatfeld. Adam Stable. [The tresorer, chaunceller, and pryve sell were discharged.]

Anno xlvj^to.

In this yere the chaunceller, the tresorer of Engelond, bys∣shopes,

and the pryve seall were discharged of there offyces, and in there stede were put seculere lordes.

John Pyell, m'. John Philpot. Nicholl Brembre, groc'.

A^o. xlvij^o.

This same yere, at Awrastelynge, John Northwold, mercer, was sclayn at the blak heth, wherethorugh aroos a gret dis∣cencion and debate among the craftes of London. And in the same yere the duk of Lancastre and the erle of Cambregge come out of Gascoyne into Engelond, and wedded the doughter of kyng Petyr. And the same yere too cardinalx were sent fro [Too car∣dinalx were sent fro the pope into En∣gelond for to trete for pes.] the pope to entrete for the pees betwen the two reaumes. And in this yere was a bataill upon the see betwen Englisshmen and Flemynges, where there were taken of Flemynges xxv schippes [A bataill upon the see betuen En∣glysshmen and Fle∣mynges.] lade with salt of the bay. Also in this yere the erle of Pem∣broke was taken at the Rochell be the Spaynardes, on the even of the nativite of seynt John baptiste.

Adam of Bery, skynn', m'. John Aubray. John Fyfhede.

A^o. xlviij^o.

In this yere the duke of Lancastre seiled into Flaundres, and passed be Parys thorugh Burgoyne and alle Fraunce into Bur∣deux, withoughte ony withstondyng. And in this yere Sire Alex' Neville was mad erchebysshop of Yorke, and Thomas Arundell bysshop of Ely, maistre Herry Wakefeld bysshop of Worcestre.

Will'm Walworth, fyssh∣mong', maior. Ric' Lyons. Will' Wodehous.

A^o. xlix^o.

In this yere, at the town of Bruges in Flaundres, was tretyd upon diverses articles hangynge betwen the pope and kyng Edward. Also the same yere was treted at Bruges for the pees betwen the too reaumes. Also in this yere rood dame Alice Perrers, as lady of the sune [[See note N.]] , fro the tour of London thorugh Chepe; and alwey a lady ledynge a lordys brydell. [Ladyes ledde lordes bridel.] And thanne began the grete justes in Smythefeld whiche en∣dured vij nyght.

John Warde, m'. John Hadley, groc'. Will's Newport.

Anno l^mo.

In this yere was the thridde grete pestilence, in whiche dyed [iij pesti∣lencia.] the honorable knyght Edward lord Spenser, and lythe beryed at Tewkesbery.

Adam Stable maior usq' xxj^m diem Marcij, quo die p' p'ceptu' regis amotus fuit, et Nich's Brembre el'tus fuit p' res' aⁱ. John North, drap'. Rob't Launde.

A^o. lj^mo.

In this yere, upon Trinite Soneday the viij day of Juyn, withinne the kynges paleys of Westm' deyde the noble flour of [Obit' Ed∣wardi prin∣cipis.] knyghthood, that is to seye, the goode prince Edward, whoos body lith worthily entered at Caunterbury a for yeyns seint Thomas schryne. Also in this yere oon Prentyng of Norfolk

was enprisoned in the erles place of Northumbr', for whiche the peple of London aroos and wolde a sclayn the erle and cast down his place. Also in this yere Richard the sone of prynce Edward was mad prynce of Walys [[See note O.]] .

Nicholl Brembre, groc', m'. Andr' Pykeman. Nicoll Twyford.

A^o. lij^do [[See note P.]]

In this yere was graunted to the kyng of every persone, man and woman, above the age of xiij yere, iiij d; and of every man of holy chirche avaunced xij d; and of every man nought avaunced iiij d. freres only except. And this same yere the cardynall of Engelond was smyten with the palsye and loste his speche, and upon Marie Magdaleyne day he dyde. Also in this yere, the xij day of Aprill, S^r. John Mynstreworth knyght was beheded. Also in this yere, in the xij kal' of Jull, that is for to seye on seynt Albones even, at Schene, deyde the moost excellent and doughted prynce Edward the thridde: the whiche Richard, the sone of goode prynce Edward the sone of the sayde kyng Edward, at the age of xj yere began to reigne: the whiche forsaid kyng Edward lyth ryally entered at Westm'.