A chronicle of London, from 1089 to 1483; written in the fifteenth century, and for the first time printed from mss. in the British museum: to which are added numerous contemporary illustrations, consisting of royal letters, poems, and other articles descriptive of public events, or of the manners and customs of the metropolis.

Sire John Bryton, knyght, custos. Ric' Glouc'. Herry Box.

A^o. xxiij^cio.

In this yere was a gret rysyng in Walys, wherfore the kyng [A gret rysyng in Walys.] wente into Walys and made pees and reeste. Also the townes of Bloy and Bayone werre wonne be S^r. John Seynt John and other worschepful bachelers of Engelond. Also the same yere the Normaunes arryved at Dovorre and brent a gret part of [The Nor∣manes ar∣ryved at Dovorre.] the towun and martyred an holy man that was clepyd Seynt Thomas of Dovorre: but the Normaunes were sclayn every modir sone, ther eschapid none. Also in this yere the kyng was defraunded of his lond in Gascoigne in this manner, sothly: the kyng hadde yoven the forseyd lond of Gascoyne to the kynges suster of Fraunce, for that sche schulde be yoyned to hym in fre mariage, and be some of his counseill enfeffed here in the sayd lond of Gascoigne; whiche lond of Gascoigne sche yaf to Charles here brother and to other, and the matrymoigne betwen here and kyng Edward sche sette at noughte, and wolde noughte stonden therto. Wherfore kyng Edward sente hyse ambassatours to the kyng of Almaigne, Spayne, and of Aragon, and to manye other dukes and erles beyonde the see, preyenge and askynge counseill and helpe of the seid matier: of whiche some because of affynyte and for yeftes yeven, and some for good and faire beheste of yeftes, graunted the kyng his axynge.