Caxton's Blanchardyn and Eglantine, c. 1489 : from Lord Spencer's unique imperfect copy, completed by the original French and the second English version of 1595
edited by Leon Kellner
Page  3

HEre begynneth the table of the victoryous prynce Blanchardyn / sone of the noble kyng of Fryse, And of Eglantyne Quene of Tormaday, other wyse callyd lorgoylleuse damours, whiche is to saye, the proude lady in loue.

  • ¶ The first chapitre conteyneth / how blanchardyn departed from his fader and moder wythout lycence / ca primo [p. 11]
  • How to fore his departyng he deuysed wyth his mayster, enquyring hym of the bataylles of Troye the grete cyte / whiche he sawe in tapysserye, the fygures of the knyghtes, and other affayres.capitulo ijo. [p. 14]
  • ¶ How blanchardyn departed wythout knowleche of the kynge his fader, and the Quene his moder, and ledde wyth hym the beste hors & courser that the kynge his fader hadde, and his goode swerde. capitulo iijo. [p. 16]
  • ¶ How the kyng of fryse sent out men for to folowe and to seche Blanchardyn his sone, and of the grete angre and displayser that the kynge & the quene hadde / calo. iiij [p. 18]
  • ¶ How blanchardyn fonde in his waye a knyght wounded to the deth by a nother knyght whiche had taken his lady from hym / And how by the sayd blanchardyn was promysed to rescowe hir agayn, & how he receyued thordre of chiualrye of the wounded knyght / capitulo vo. [p. 21]
  • ¶ How Blanchardyn wente after the knyght soo ferre that he fonde hym, And wolde haue enforced þe lady of the hurte knyght / capitulo vjo. [p. 25]
  • Page  4
  • Of the bataylle that [happed] betwene blanchardyn and the knyght, whiche soo longe fought togyder that blanchardyn slewe hym, and rescowed the mayden / whom he brought agayn to her loue and frende, whome she fonde ded, wherfor the mayde deyde for sorowe. capitulo vij [p. 27]
  • How blanchardyn fonde a knyght whiche sente to hym a bote to passe ouer a ryuer / and of the dyuyses that they had togyder / and of the good chier that the goode knyght dyde to blanchardyn. capitulo viij.o [p. 31]
  • Of the deuyses and fayr exhortacions that the knyght of þe fery gaaf to blanchardyn / and how he conueyed hym on the waye toward Tormady curtoysly / capytulo ixo. [p. 34]
  • ¶ The x chapiter conteyneth how blanchardyn departed fro the knyght of the ferye, and went all alone after thorguylleuse damours. capitulo xo. [p. 40]
  • How blanchardyn rode so ferre that he ouertoke thorguyllouse damours, and kyssed her / For taccomplysshe his enterpryse, wherof she was in grete sorow / caplo. xjo [p. 41]
  • ¶ Of the grete anger & sorowen*. [Wanting in the French.] thorguylleuse damours had of the kysse that blanchardyn had receyued of her, and of the complayntes that she made to hir maystresse / whiche dyde grete payne to appease her. capitulo xijo [p. 42]
  • ¶ How after that Blanchardyn had kyssed thorguylleuse damours, [he] departed fro hir*. [Wanting in the French.], and rode thynkyng all on her, tyl that he cam to Tourmaday, & arryued at thostell of þe prouost, for to lodge there: where as he dyd meruayllus armes*. [Wanting in the French.]: Capitulo xjijo. [p. 44]
  • ¶ How blanchardyn Iusted wyth the prouost and ouerthrewe hym; and by two damyselles, doughters of the saide prouost, was ladde in to their hous for to be lodged honorably*. [Wanting in the French.]. capitulo xiiij [p. 47.]
  • ¶ How blanchardyn was richely lodged and receyued in to the hous of the prouoste by his two doughters / and of the complayntes Page  5 that thorguylleuse damours made to her maystresse, of blanchardyn.capitulo xvo. [p. 50]
  • Yet of the complayntes and grete thretenynges and*. [Wanting in the French.]menaces that thorguylleuse damours made to her sayd maystresse, of Blanchardyn / capitulo xvj [p. 52]
  • How thorguylleuse damours, after many remonstraunces whiche by her maystresse were made to hir, bygan to modere*. [ et dechasser ensus delle] her anger and hate, whiche she hadde toward blanchardyn for the kysse.*. [Wanting in the French.]Capitulo xv.ijo. [p. 53]
  • ¶ How thorguyllouse damours*. [apres pluseurs remonstrances] made thordynaunce for þe defence of the cyte. And how the kyng Alymodes arryued & toke the porte nyghe vnto Tormaday, where he sette his siege. Capitulo xviijo. [p. 55]
  • How a*. [ la] doughter of the prouoste brought to blanchardyn a whyte couerture for his hors, and gaaf to hym one of hir sleues, prayng hym to bere it on his helme / whiche he dyde gladly*. [Wanting in the French.] / Capitulo xixo. [p. 58]
  • *. [Ay parle]Of the grete bataylle whiche was to fore Tormaday, ayenst the people of kynge Alymodes / And of the grete prouesses that Blanchardyn dyde that daye. And how thorguylleuse damours becam amorouse of hym. And of the deuyses whiche made to her maystresse of blanchardyn, and other thynges*. [Wanting in the French.] / Capitulo xxo. [p. 61]
  • How thorguylleuse damours, by the grete loue that she had sette vpon blanchardyne / by cam moche Ialouse / & sore*. [Wanting in the French.] doubted leste he shold sette his loue in one of the doughters of the prouost / for whom she sente moche hastely, & speke to hym secretely*. [Wanting in the French.] / Capitulo xxjo. [p. 69]
  • *. [Ay parle]Of the deuyses that were bytwene the prouost & thorguylleuse damours, & of the grete loue that she had sette in blanchardyn / Capitulo xxijo. [p. 72]
  • How the prouost retourned home, & recounted to blanchardyn alle Page  6 that thorguylleuse damours had sayd to hym / & how she sent for blanchardyn to com to her / þe whiche cam, & of the deuyses, & how their loues were confermed. caplo. xxiijo. [p. 74]
  • How blanchardyn retourned home wyth the*. [retourned home with the = revint en lostel du] prouoste, and the fayr stede or courser all white, & of the sleue of cloth of golde, whiche his lady thorguylleuse damours sente to him / and of the grete bataylle bytwene blanchardyn & a geaunt, whiche was slayn, & of the meruelouse prouese doon by blanchardyn: and also how he was taken. capitulo xxijijo. [p. 80]
  • How kyng Alymodes wold haue put to deth Blanchardyn / but at the request of his doughter fayr & good / respyted hym of hys deth / and how thorguylleuse damours sent the prouost to alymodes to offre hym raenson for his delyueraunce, whiche wold not accepte it. Capitulo xxvo. [p. 92]
  • How daryus, by the commaundement of the kyng his fader, ledde blanchardyn toward the kyng of salamandre / but the ship was peryshed, & all drowned except blanchardyn / whiche arryued on londe,*. [on londe = a port] & cam to þe kyng of maryenborugh, whiche reteyned him, & made him conestable of his oost / ca. xxvjo. [p. 94]
  • How a knyght wounded cam & reported tydynges to þe kynge of maryenborugh, that þe kyng of polonie, his enemye, was entred in to hys royalme wyth a grete armye.*. [Wanting in the French.]ca. xxvijo. [p. 100]
  • How the kyng of Maryenborugh delyuered his sone sadoyn wyth fourty thousand men to blanchardin for to fyghte wyth his enmyes, and chased*. [jetter] them oute of his royalme. Capitulo xxviij [p. 102]
  • How blanchardyn & sadoyn wyth ther armye dysconfyted their enemyes. and blanchardyn toke þe kyng of polonye prysoner, whom he delyuerd to þe kyng of maryenborough:*. [ et de lonneur quil fist a blanchandin]ca. xxix [p. 105]
  • How daruys, sone of kyng Alymodes, by fortune of the see arryued in fryse / where he tok the kyng, fader of blanchardyn, and dyde there grete dommage, and ledde hym prysoner in to Cassydonye. Capitulo xxxo. [p. 110]
  • Page  7
  • How darius arriued in thost of the kyng his fader, where he was receyued with grete Ioye, bycause he brought grete foyson of bestaylle, & almanere of vitayll, to þe oost.*. [to the oost = quil ot amene du pays de frise a lost de soudit pere de quoy Ilz orent eu tresgrant dangier]caplo. xxxio. [p. 115]
  • How the goode prouoste wente oute of Tormaday, And toke all the bestayll / that Daryus hadde broughte in to the ooste*. [du roy son pere] / And ladde it in to the cyte, Wherof they hadde grete nede. Capitulo xxxij [p. 117]
  • *. [Ay parle]Of the complayntes that Blanchardyn made: And of the grete comforte that Sadoyne made to hym / promysyng that to his power he wolde ayde hym. Capytulo xxxiij [p. 122]
  • How Sadoyne toke leue of his fader and also Blanchardyn, and wente to the see wyth a grete nauye full of men of armes / for to socoure thorguylleuse damours / and of the goode prouoste whiche they mette in the see, of whome Blanchardyn was Ioyous.*. [in the see, of whome Blanchardyn was Ioyous = en chemin]Capitulo xxxiiij [p. 125]
  • Of the grete deuyses of Blanchardyn and of the goode prouoste / and of the lettres that he sente to thorguylleuse damours / and of the Ioye that she had. Capitulo xxxvo. [p. 131]
  • Yet of the Ioye that thorguylleuse damours had for the comynge of her frende & loue*. [Wanting in the French.] / & of the grete sorow that sone after she demened, whan she sawe the tempest & fortune that so soone put hym soo ferre fro the porte / Capitulo xxxvjo. [p. 134]
  • How blanchardyn & sadoyne arryueden tofore Cassydonye, where they fonde daryus, whiche cam and spake to theym / Capitulo xxxvijo. [p. 137]
  • *. [Ay parle]How blanchardyn sleue daryus, & of the grete batayll where cassydoniens were slayen & dyscomfyte, & the cyte taken / And how sadoyne & the fayr beatryce dyd do baptyse theym & their people. Capitulo xxxvjijo. [p. 140]
  • How blanchardyn fonde ther his fader kyng of fryse, whiche ther was prysoner / and of their pituose deuyces that thei had togyder.*. [Wanting in the French.]capitulo xxxix [p. 144]
  • Page  8
  • How blanchardyn, sadoyne, & the kyng of ffryse wente to þe see wyth a gret puyssance for to com to socoure þe fayr orguillouse damours, where they arryued in thende wyth right grete Ioye, by the prouesse & valyaunce of armes that they dyde.*. [Wanting in the French.]Capitulo xlo. [p. 149]
  • ¶ How blanchardyn recounted to the kynge his fader, & to Sadoyne, the beaulte and bounte of his lady: and of the prouoste whiche cam for to mete theym / Capitulo xlj [p. 151]
  • Of the grete Ioye that thorgulleuse damours had whan she herd saye of the prouoste, the Ioyous tydynges of the comyng of blanchardyn, her frende and loue*. [Wanting in the French.] / caplo xlij [p. 157]
  • Of the grete bataylle tofore Tourmaday ayenst the kyng Alymodes, whiche was descomfyted / And of the takynge of Sadoyne: and of the sorowe that blanchardyne made. Capitulo xliijo. [p. 160]
  • ¶ How Blanchardyn made hym redy, and toke his men in his shippe for to goo socoure his felawe sadoyne, whom kyng alymodes ledde wyth hym prysoner in grete distresse.*. [Wanting in the French.]Capitulo xliiijo. [p. 171]
  • How blanchardyn put hymself to the see for to socoure his sayd felawe Sadoyne / Capitulo xlvo. [p. 174]
  • How subyon, to whom blanchardyn to fore his departing had lefte the gouernaunce of his loue, thorguylleuse damours, had made conspyracion ayenst her for to take hir to his wyff, & make hym self kyng, & of his grete alyaunces*. [& of his grete alyaunces = et ce quil en aduint] / Capitulo xlvjo. [p. 175]
  • How the erle of Castelforde: the prouoste, and the knyght of the ferye, toke and ledde the lady by force to castelforde, maulgre subyon & alle his puyssaunce. capitulo xlvijo. [p. 179]
  • How the kyng Alymodes arryued to fore Cassydonye / & how he spack to his doughter, the fayr beatryce. And for to doo her despyte / he ded reyse a payr galowes, supposyng to haue hanged theron sadoyne her husbonde. caplo. xlviij [p. 182]
  • How the fayr beatryce sente socours to her husbond sadoyne, & was Page  9 rescowed fro deth / and brought wythin Cassydonye, maulgre the kynge Alymodes / Caplo. xlix [p. 189]
  • *. [A leaf is out of the original. The next four Chapter-headings are taken from Caxton's text below. The last is from the edition of 1595.]How Blanchardyn arryued in the hauen of Cassydonye, before whiche Towne he founde Alymodos the Kynge.*. [et se mist en ordonnaunce pour le combatre]cap. l. [p. 191]
  • How grete the Batayll was bytwyx Blanchardyn and kyng Alymodos before Cassydonye, and how Alymodes was ouercome, take, & broughte prysoner into the Cyte,*. [et des nopces] & of the Coronacyon of Sadoyn, & of his Wyff Beatryse. cap. li. [p. 192]
  • How the proude Mayden in loue sent the Prouost toward Blanchardin, whiche after thees tydynges exployted so sore, that he arryued wyth alle his Exeercyte nyghe to the oost of Subyon. cap. lii. [p. 197]
  • How Blanchardyn and Sadoyne dyscomfyted Subyon, and of the grete bataylle and manere how he was taken, and what followed after.*. [Wanting in the French.]cap. liii. [p. 202]
  • How Blanchardin wedded his loue, the proude pucell in amours: And of the grete joye that was made there, and of the Kynge of Fryse deth.*. [and of the Kynge of Fryse deth = et de la mort de subien]cap. liv. [p. 206]