ÞE OÞER BOȜ OF PREDE.
þe oþer boȝ / þet comþ out / of þe stocke / of prede: zuo is onworþnesse despit / þet is / wel grat zenne.
Dan Michel's Ayenbite of Inwyt : or, Remorse of conscience : Richard Morris's transcription now newly collated with the unique manuscript British Museum MS. Arundel 57, volume 1, text / by Pamela Gradon.
About this Item
- Title
- Dan Michel's Ayenbite of Inwyt : or, Remorse of conscience : Richard Morris's transcription now newly collated with the unique manuscript British Museum MS. Arundel 57, volume 1, text / by Pamela Gradon.
- Author
- Michel, Dan, of Northgate, fl. 1340.
- Editor
- Morris, Richard, 1833-1894., Gradon, Pamela.
- Publication
- London: Oxford University Press
- 1965
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Link to this Item
-
http://name.umdl.umich.edu/Ayenbite
- Cite this Item
-
"Dan Michel's Ayenbite of Inwyt : or, Remorse of conscience : Richard Morris's transcription now newly collated with the unique manuscript British Museum MS. Arundel 57, volume 1, text / by Pamela Gradon." In the digital collection Corpus of Middle English Prose and Verse. https://name.umdl.umich.edu/Ayenbite. University of Michigan Library Digital Collections. Accessed June 7, 2025.
Pages
Page 20
And þaȝ hit by zuo / þet no zenne dyadlich / by wiþoute onworþnesse / of god. alneway be þet / þet we spekeþ of onworþhede / hyer specialliche / ine þri maneris / me may zeneȝi / be þise zenne. Oþer uor þet / me ne prayzeþ / oþren ariȝt / ine herte / ase me ssolde. Oþer uor þet / me ne berþ naȝt worssipe / and reuerence: þer þet me ssolde. Oþer uor þet / þet me ne bouȝþ naȝt ariȝt: to ham / þet me ssolde / riȝtuolliche bouȝe.
Nou þench riȝt wel / ine þine herte / hou ofte / þe hest y-do / þe ilke zenne / þet þou hest / ine þine herte : þe ilke / þet more byeþ worþ / þanne þou / onworþest. uor zome graces wyþoute / þet god / þe heþ y-yeve. oþer uor noblesse / oþer uor prowesse. oþer uor richesse. oþer uor wyt. oþer nor uayrhede. oþer uor oþre guodes / huet þet hi by: hueruore / þou þe prayzest / more þanne þe ssoldest. and oþren lesse.
Efterward / þench hou uele ziþe þou hest / litel ybore worþssipe / and reuerence / to ham / þet þou ssoldest. Auerst / to god. and to his moder. and to his halȝen. and to þe angles of heuene. Vor þer ne is non / to-yans [typographic Fol. 5. b.] huam / þet þou ne hest agelt / ine onworþnesse despit. oþer be onworþnesse / þet þou hest / ofte ziþes / euele / and wroþe / y-loked hire festes.
Efter þan þench / hou uele ziþe / þou hest misserued oure lhord Jesu crist. oþer ine þet / þet þou ne hest naȝt bleþeliche / y-hyerd his seruise. ne y-zed his benes. ne yhyerd sermons. and huanne þe ssoldest / yhere his messe / oþer his sermon / at cherche: þou iangledest / and bourdedest / to-uor god. and ine þet / þu bere him / litel worþssipe.
Efterward / hou þou hest ueleziþe / litel ybore worþssipe. to þe bodye / of Jesu crist / þanne þou hit yzeȝe. oþer þanne / þou hit onderuinge. ine þet / þet þou nere naȝt / digneliche y-diȝt / be ssrifþe. and by vorþenchinge. Oþer be auenture / þet wors is: þet þou hit
Page 21
onderuinge ine dyadlich zenne / be þine wytinde / þet is grat onworþnesse. despit.
Efterward / to þine zuete uelaȝe / and to þine / guode lokere / þin angle. þet alneway / þe lokeþ. hou uele ssames / þou hest him y-do / ine þet / þou dedest / þine zennes / beuore him.
Efterward þench/ hou ueleziþe / þou hest y-by / onboȝsam to þine uader / and to þine moder. and to þan / to huam þou ssoldest bouȝe: and bere honur. Yef þou wylt / ine þise manere / recordy þi lif : þou sselt ysi þet þou hest / more ziþe y-zeneȝd / ine zuyche manere / of prede / þet is ycleped / onworþnesse despit : þet þou / ne kanst naȝt telle.