DCCXCI.
Vsurarius inuite moritur.

Iacobus de Vetriaco tellis how som̛ tyme þer was ane vsurar þat lay in passions of dead̛, and he began̛ to be passyng [hevie] & Page  526 sorowfuƚƚ, & prayed his sawle t[o] abyde in þe body & he sulde purvay þerfor̛, and he promytt it gold̛ & syluer & aƚƚ þe delytis of þis werld̛, & els he wold̛ not gyff þer-for̛ þe valour of a sh[red] clowte *. [Harl. MS. non vnam pictam.] . So at þe laste he saw his sawle wolde not abyde in his bodie bod at hym̛ burde nedelyngis dye, he wex passand wrotℏ & sayd̛ vnto his saule; "Þou sawle! I sulde hafe ordand̛ þe a gude herbarie, bod sen̛ þou erte so fond at þou wiƚƚ not abyde, I beteche þe vnto aƚƚ þe devuls in heƚƚ." And þus he dyed̛ and was berid̛ in heƚƚ.