Alphabet of tales : an English 15th century translation of the Alphabetum narrationum of Etienne de Besançon, from Additional MS. 25,719 of the British Museum / by Etienne de Besançon

DCLVII.
Puer ex actibus suis quandoque declarat qualis sit futurus.

We rede in 'Cronicles' how on̛ a tyme kyng Agibundus, kyng of Lombardie, soiornyd̛ in Germanye, he fasted & walkid̛ abowte, & he fand̛ casten̛ in piscinam vij childer be a common̛ womman̛ for to sla þaim; and aƚƚ þies þis same common̛ womman̛ had born̛. And when̛ þis knyght saw þaim he had grete mervayle and put down̛ a spere-shafte vnto þaim. And ane of þaim gat þe shafte with his hand̛ be þe end & helde it styƚƚ. And þe kyng had merveƚƚ here-of & pullid hym̛ vp̛, & garte nuryssℏ hym̛ and namyd hym̛ Lawncelott [Harl. MS. Lamissionem. Arund. MS. Lancissionem.] , þat is als mucℏ to say as he þat sal be a grete man̛ in tyme to com̛. So afterward̛ hym̛ happend to be of so grete nobylnes þat when̛ þe kyng was dead þe Lombardis made hym̛ þer kyng̘.

• ...Puer in purgatorio punitur. Supra de blasfemia.