DXLV.
Mures eciam homines aliquando inuadunt.
We rede in 'Cronicles' þat in þe tyme of þe iij Henrie þe Emperour, how þer was a riche man̛ on̛ a day satt at his meate. And sodanlie he was vmlappid̛ with a grete flok̘ of myce, and sodanly þai lefte aƚƚ [MS. repeats, aƚƚ.] at was in þe howse, & pursewid̛ vppon̛ hym̛. & men̛ tuke hym̛ and had̛ hym̛ vnto a ship̛ on̛ þe watir at he mot so esskape þe myce, & voyde þaim fro hym̛. And þai lepid̛ after hym̛ in-to þe watyr, & come to þe shupp̛ & gnew it þurgℏ. & so he mott on̛ no wyse kepe hym̛ fro þaim, vnto so muche att he was had to land̛ agayn̛; & þer þe myce feƚƚ on̛ hym̛ & kyllid̛ hym̛, & ete hym̛ vp euere morseƚƚ vnto þe bare bonys.