XXIII.
Abstinencia refrenat concupiscenciam in re habita
que fuerat concupita vel desiderata.
We rede ex 'Dictis Patrum' how þat þer was som̛ tyme a man̛ of religion̛, þat be temptacion̛ of þe devuƚƚ covett gretle to ete spyce. So on̛ a tyme he boght hym̛ spice, & wulde not ete þerof, bod hang it befor̛ hym̛ þat he mott se itt. & becauce he wolde not be ouercommen̛ with covatice þerof, he wolde neuer eate þeron̛ nor tuche itt, Bod euer when̛ he saw itt, punysshid̛ his body þerwith becauce þat it desirid̛ it.