CCXXX.
Cruce signatis datur filius beate
virginis.
Jacobus de Vetriaco tellis of hym̛ selfe and says: "ans in my childed̛, when̛ I was in a howse of Ceustus ordur, þer I hard̛ a sermon̛ of þe cros. And mekiƚƚ pepuƚƚ lefte aƚƚ [MS. repeats, all.] þe gudis att þai had̛, and come and wurshuppyd̛ þe cros. So emang þaim was a bruther þat hight Symond̛, and he besoght God att he mott hafe som̛ knowlege whatt mede þai sulde hafe att wurshuppyd̛ þe cros; and on̛ þe nyght after he was ravisshid̛ in his spiritt, and þer he saw our Ladie Saynt Marie holdand hur dere son̛. And aftre þat euerilk a man̛ with a contrite harte had taken̛ þe cros, sho gaff vnto hym̛ hur son̛." et c̛.