CCXXVI.
Crudelitas dampnum inferens rei publice non est
toleranda
MS. tolleranda..
We rede in þe same storie, how on̛ a tyme Nero had grete mervaƚƚ whatkyn̛ a thyng burnyng was; and he garte sett fyre in ane end̛ of Rome, & it burnyd̛ vij dayes & vij nyghtis. And evur he lay in a hy towre & beheld̛ it; & when̛ he saw þe low rise vp̛ into þe ayr, hym̛ thoght it was a fayr syght. And þan̛ þe Romans wex grevid̛ & wold̛ suffre it no langer, & rase & pursewid̛ opon̛ hym̛, & drafe hym̛ oute of þe cetie, & wold̛ hafe slane hym̛ & þai myght hafe getten̛ hym̛. And when̛ he saw þat he mot not esskape, he gatt hym̛ a stowre, & gnew vppon̛ þe tone end̛ & made it sharpe with his tethe, & þrustid̛ hym̛ selfe evyn̛ thrugℏ þerwith. And þus he made his end̛. Neuer-þe-les we rede in a noder place þat he was devowrid̛ with wulfis [MS. wulfid̛.] .
- ... Crudelis non debet esse iudex. Infra de iudice.
- ... Crudelis non debet esse prelatus. Infra de prelato.