CXCV.
Consolacio diuina allicit hominem ad manendum
in ecclesia.
Cesarius tellis of a monk̘ of Ceustus ordur, þat had a grace and a lefe, for feblenes att his body was in, for to ly in his bed̛ & not com̛ att matyns at mydnyght; & yitt for aƚƚ þat he myght not reste in his bed in matyn̛ tyme, bod þat reste at he had, hym̛ burd̛ hafe it in þe kurk̘. So on̛ a day his brether chalangid̛ hym̛ þerfor̛, & said̛ sen̛ he was so wayke of hym̛ selfe, at hym̛ wer bettir for to reste hym̛ in his bed̛ þan̛ for to com̛ vnto þe kurk̘, & specialli becauce he had lefe. He ansswerd̛ agayn̛ & said̛; "When̛ I here my brethir syng, & I be not with þaim, þan̛ I am̛ mervoloslie trubled̛ and turment in my harte; & þan̛ I wax hevy when̛ I vmthynk me þat þe comfurtℏ at God duse vnto þaim þer did it som̛ tyme þer vnto me. & þuf aƚƚ I may nott helpe þaim, yit it comfurthis me gretelie to here þaim."