CLXVIII.
Compaciendum est amplius peccatis hominum
quam rebus temporalibus proprijs.
Saynt Gregor̛ tellis; "we rede of a gude holie man̛ þat had no þing to lif on̛ aƚƚ yere bod a little corn̛ þat he had gravyn̛ þe erd̛ of, & sawen̛ hym̛ selfe. So on̛ a tyme when̛ he had shorn̛ it & broght it home, ane iƚƚ man̛ þat luffid̛ hym̛ nott sett fyre in his lathe, & burnyd̛ vp̛ þe corn̛ and aƚƚ. So a man̛ hard̛ teƚƚ þeroff & come vnto hym̛ & said̛; 'allas! fadur, what is happend̛ vnto þe? wo is me for þe.' And he ansswerd̛ agayn̛ with a chere as he had bene nothyng grevid̛ & said̛; 'wo is me for þat at saƚƚ happyn̛ vnto hym̛ þatt did̛ þis dede!' as he had not sett be hys awn̛ herm̛, bod rather be þe toder mans syn̛." et c̛.
- ... Compositus debet esse homo in sensibus exterioribus, vt habetur supra de Aspectu.