[folio 93r]
Lines 3780 through 3812
Thane his enmye, with oste of owtlawede beryns,
Line 3780
All enangylls abowte oure excellente knyghttez,
Line 3781
That the traytoure be tresone had tryede hym seluen;
Line 3782
Dukes of Danemarke he dyghttes full sone,
Line 3783
And leders of Lettowe, with legyons inewe;
Line 3784
Vmbylappyde oure men with launcez full kene.
Line 3785
Sowdeours and Sarazenes owte of sere landys,
Line 3786
Sexty thosande men semlyly arrayede,
Line 3787
Sekerly assembles thare one seuen schore knyghtes,
Line 3788
description
Page 143
Line 3788
Sodaynly in dischayte by tha salte strandes.
Line 3789
Thane Sir Gawayne grette with his gray eghen,
Line 3790
For grefe of his gud men that he gyde schulde;
Line 3791
He wyste that þay wondyde ware and wery forfoughtten,
Line 3792
And what for wondire and woo, all his witte faylede.
Line 3793
And thane syghande he saide, with sylande terys,
Line 3794
"We are with Sarazenes besett appon sere halfes.
Line 3795
I syghe noghte for my selfe, sa helpe oure Lorde;
Line 3796
Bot for to see vs supprysede, my sorowe es the more.
Line 3797
Bes dowghtty todaye, ȝone dukes schall be ȝoures;
Line 3798
For dere Dryghttyn this daye, dredys no wapyn.
Line 3799
We sall ende this daye alls excellent knyghttes,
Line 3800
Ayere to endelesse joye with angells vnwemyde.
Line 3801
Þofe we hafe vnwittyly wastede oure selfen,
Line 3802
We sall wirke all wele in þe wirchipe of Cryste.
Line 3803
We sall for ȝone Sarazenes, I sekire ȝow my trowhe,
Line 3804
Souppe with oure Saueoure solemply in Heuen,
Line 3805
In presence of þat precious Prynce of all oþer,
Line 3806
With prophetes and patriarkes and apostlys full nobill,
Line 3807
Before His freliche face that fourmede vs all.
Line 3808
Ȝondire to ȝone ȝaldsons, he þat ȝeldes hym euer,
Line 3809
Qwhylls he es qwykke and in qwerte, vnquellyde with handis,
Line 3810
Be he neuer mo sauede, ne socourede with Cryste,
Line 3811
Bot Satanase his sawle mowe synke into Helle!"
Line 3812