Lines 1973 through 2005
Bot owre wyese Kyng es warre to waytten his renkes,
Line 1973
And wysely by þe woddez voydez his oste;
Line 1974
Gerte felschen his fyrez, flawmande full heghe,
Line 1975
Trussen full traystely and treunt thereaftyre.
Line 1976
Seþen into Sessoyne he soughte at the gayneste,
Line 1977
And at the surs of þe sonne disseuerez his knyghttez;
Line 1978
Forsette them the cité appon sere halfez,
Line 1979
Sodaynly on iche halfe, with seuen grett stales.
Line 1980
Anely in the vale a vawewarde enbusches:
Line 1981
Sir Valyant of Vyleris, with valyant knyghttez,
Line 1982
Before þe Kyngez visage made siche avowez
Line 1983
To venquyse by victorie the Vescownte of Rome;
Line 1984
Forthi the Kyng chargez hym, what chaunce so befall,
Line 1985
Cheftayne of þe cheekke, with cheualrous knyghttez.
Line 1986
And sythyn meles with mouthe, þat he moste traistez;
Line 1987
Demenys the medylwarde menskfully hym selfen:
Line 1988
Fittes his fotemen alls hym faire thynkkes,
Line 1989
On frounte in the forebreste the flour of his knyghtez;
Line 1990
His archers on aythere halfe he ordaynede þeraftyre
Line 1991
[folio 74v]
To schake in a sheltrone, to schotte when þam lykez.
Line 1992
He arrayed in þe rerewarde full riall knyghtez,
Line 1993
With renkkes renownnd of þe Round Table,
Line 1994
Sir Raynalde, Sir Richere, that rade was neuer,
Line 1995
The riche Duke of Rown wyth ryders ynewe.
Line 1996
Sir Cayous, Sir Clegis, and clene men of armes,
Line 1997
The Kyng casts to kepe be þaa clere strandes;
Line 1998
Sir Lott and Sir Launcelott, þise lordly knyghttez,
Line 1999
Sall lenge on his lefte hande, with legyones ynewe,
Line 2000
To meue in þe morne-while, ȝif þe myste happynne;
Line 2001
Sir Cador of Cornewaile and his kene knyghtez,
Line 2002
To kepe at þe karfuke, to close in þer oþere;
Line 2003
He plantez in siche placez pryncez and erlez,
Line 2004
That no powere sulde passe be no preué wayes.
Line 2005