The alliterative Morte Arthure

Lines 1844 through 1869

The Kyng of Surry þan es sorowfull in herte, Line 1844 For sake of this soueraygne, þat þus was supprissede; Line 1845 Semblede his Sarazenes and senatours manye: Line 1846 Vnsaughtyly þey sette thane appon oure sere knyghttez. Line 1847 Sir Cador of Cornewaile he cownterez them sone, Line 1848 With his kydde companye clenlyche arrayede; Line 1849 In the frount of þe fyrthe, as þe waye forthis, Line 1850 Fyfty thosande of folke was fellide at ones. Line 1851 Thare was at þe assemblé certayne knyghttez Line 1852 [folio 73r] Sore wondede sone appone sere halfes; Line 1853 The sekereste Sarzanez that to þat sorte lengede, Line 1854 Behynde the sadylls ware sette sex fotte large. Line 1855

Line 1855 They scherde in the schiltrone scheldyde knyghttez, Line 1856 Schalkes they schotte thrughe schrenkande maylez, Line 1857 Thurghe brenys browden brestez they thirllede, Line 1858 Brasers burnyste bristez in sondyre, Line 1859 Blasons blode and blankes they hewen, Line 1860 With brandez of browne stele brankkand stedez. Line 1861 The Bretons brothely brittenez so many, Line 1862 The bente and þe brode felde all on blode rynnys. Line 1863 Be thane Sir Cayous þe kene a capitayne has wonnen, Line 1864 Sir Clegis clynges in and clekes anoþer, Line 1865 The capitayne of Cordewa, vndire þe Kynge selfen, Line 1866 That was keye of þe kythe of all þat coste ryche; Line 1867 Vtolfe and Ewandre Ioneke had nommen, Line 1868 With þe Erle of Affryke and oþer grette lordes; Line 1869