Page 41
Lines 1 through 25
[folio 53r]
Now grett glorious Godd, thurgh grace of Hym seluen,
Line 1
And the precyous prayere of Hys prys Modyr,
Line 2
Schelde vs fro schamesdede and synfull werkes,
Line 3
And gyffe vs grace to gye and gouerne vs here,
Line 4
In this wrechyd werld, thorowe vertous lywynge,
Line 5
That we may kayre til Hys courte, the kyngdom of Hevyne,
Line 6
When oure saules schall parte and sundyre fra the body,
Line 7
Ewyre to belde and to byde in blysse wyth Hym seluen;
Line 8
And wysse me to werpe owte som worde at this tym
Line 9
That nothyre voyde be ne vayne, bot wyrchip till Hym selvyn,
Line 10
Plesande and profitabill to the popule þat them heres.
Line 11
Ȝe that liste has to lyth or luffes for to here
Line 12
Off elders of alde tym and of theire awke dedys,
Line 13
How they were lele in theire lawe and louede God Almyghty,
Line 14
Herkynes me heyndly and holdys ȝow styll,
Line 15
And I sall tell ȝow a tale þat trewe es and nobyll,
Line 16
Off the ryeall renkys of the Rownnde Table,
Line 17
That chefe ware of cheualrye and cheftans nobyll,
Line 18
Bathe ware in thire werkes and wyse men of armes,
Line 19
Doughty in theire doyngs and dredde ay schame,
Line 20
Kynde men and courtays and couthe of courte thewes;
Line 21
How they whanne wyth were wyrchippis many,
Line 22
Sloughe Lucyus þe lythyre, that Lorde was of Rome,
Line 23
And conqueryd that kyngryke thorowe craftys of armes;
Line 24
Herkenes now hedyrwarde and herys this storye.
Line 25