Line 699
That warnes me wyrchippe of my wedde lorde;
Line 700
All my lykyng of lyfe owte of lande wendez,
Line 701
And I in langour am lefte, leue ȝe, for euere.
Line 702
Whyne myghte I, dere lufe, dye in ȝour armes,
Line 703
Are I þis destanye of dule sulde drye by myne one?"
Line 704
"Grefe þe noghte, Gaynour, fore Goddes lufe of Hewen,
Line 705
Ne gruche noghte my ganggyng: it sall to gude turne.
Line 706
Thy wonrydez and thy wepyng woundez myn herte;
Line 707
I may noghte wit of þis woo, for all þis werlde ryche!
Line 708
I haue made a kepare, a knyghte of thyn awen,
Line 709
Ouerlyng of Ynglande, vndyre thy seluen,
Line 710
And that es Sir Mordrede, þat þow has mekyll praysede,
Line 711
Sall be thy dictour, my dere, to doo whatte the lykes."
Line 712
[folio 61r]
Thane he takes hys leue at ladys in chambyre,
Line 713
Kysside them kyndlyche and to Criste beteches;
Line 714
And then cho swounes full swythe, when he hys swerde aschede,
Line 715
Twys in a swounyng, swelte as cho walde.
Line 716
He pressed to his palfray, in presance of lordes,
Line 717
Prekys of the palez with his prys knyghtes;
Line 718
Wyth a reall rowte of þe Rounde Table
Line 719
Soughte towarde Sandwyche—cho sees hym no more.
Line 720
Thare the grete ware gederyde, wyth galyarde knyghtes,
Line 721
Garneschit on þe grene felde and graythelyche arayede;
Line 722
Dukkes and duzseperez daynttehely rydes,
Line 723
Erles of Ynglande, with archers ynewe;
Line 724
Schirreues scharply schiftys the comouns,
Line 725
Rewlys before þe ryche of the Rounde Table;
Line 726
Assingnez ilke a contrée to certayne lordes,
Line 727
In the southe on þe see banke, saile when þem lykes.
Line 728
Thane bargez them buskez and to þe baunke rowes,
Line 729
Bryngez blonkez on bourde and burlyche helmes;
Line 730
Trussez in tristly trappyde stedes,
Line 731
Tentez and othire toylez and targez full ryche,
Line 732
Cabanes and clathe-sekkes and coferez full noble,
Line 733
Hekes and haknays and horsez of armez;
Line 734
Thus they stowe in the stuffe of full steryn knyghtez.
Line 735