Lines 570 through 609
Thane Sir Lucius lordlyche lettres he sendys
Line 570
Onone into þe Oryente, with austeryn knyghtez,
Line 571
Till Ambyganye and Orcage and Alysaundyre eke,
Line 572
To Inde and to Ermonye, as Ewfrates rynnys,
Line 573
To Asye and to Affrike and Ewrope þe large,
Line 574
To Irritayne and Elamet and all þase owte ilez,
Line 575
To Arraby and Egipt, till erles and oþer,
Line 576
That any erthe ocupyes in þase este marches,
Line 577
Of Damaske and Damyat, and dukes and erles,
Line 578
For drede of his daungere they dresside þem sone;
Line 579
Of Crete and of Capados the honourable kyngys
Line 580
Come at his commandmente clenly at ones,
Line 581
To Tartary and Turky, when tythynngez es comen;
Line 582
They turne in by Thebay, terauntez full hugge,
Line 583
The flour of þe faire folke of Amazonnes landes—
Line 584
All thate faillez on þe felde be forfette fore euere!
Line 585
Of Babyloyn and Baldake the burlyche knyghtes,
Line 586
Bayous with theire baronage bydez no langere;
Line 587
description
Page 57
Of Perce and of Pamphile and Preter Iohne landes,
Line 588
Iche prynce with his powere appertlyche graythede;
Line 589
The Sowdane of Surrye assemblez his knyghtes,
Line 590
Fra Nylus to Nazarethe, nommers full huge;
Line 591
To Garyere and to Galelé þey gedyre all at ones,
Line 592
The sowdanes that ware sekyre sowdeours to Rome;
Line 593
They gadyrede ouere þe Grekkes See with greuous wapyns,
Line 594
In theire grete galays, wyth gleterande scheldez;
Line 595
The kynge of Cyprys on the see þe Sowdane habydes,
Line 596
With all þe realls of Roodes arayede with hym one.
Line 597
They sailede with a syde wynde oure þe salte strandez,
Line 598
Sodanly þe Sarezenes, as them selfe lykede;
Line 599
Craftyly at Cornett the kynges are aryefede,
Line 600
Fra þe ceté of Rome sexti myle large.
Line 601
Be that the Grekes ware graythede, a full gret nombyre,
Line 602
The myghtyeste of Macedone, with men of þa marches;
Line 603
Pulle and Pruyslande presses with oþer,
Line 604
The legemen of Lettow with legyons ynewe.
Line 605
Thus they semble in sortes, summes full huge,
Line 606
Sowdanes and Sarezenes owt of sere landes;
Line 607
The Sowdane of Surry and sextene kynges,
Line 608
At the cetée of Rome assemblede at ones.
Line 609