[6-text p 567]
But go with you and com with yow ayein
The Chambre dore / shortly for to seyn
Line 1217
They opened and shette / and went her weye
And forth with hem þey carieden þe keye /
And commen ayein without delay
What shold I tarien / all þe long day
Line 1221
He toke the chalk / and shope it in þe wise
Of an Ingot/ as I shall yow devise
I sey he toke out of his owen sleve
A teyne of siluer euyll mot he cheve
Line 1225
Which þat ne was / but an vnce of weight/
And taketh hede now of his cursed sleight/
He shoope his Ingotte / in lenth / and in brede [Eg. 2726 folio 233a]
Of this teyne / without ony drede
Line 1229
So sliely þat the preest/ it nat espied
And in his sleve ayein / he gan it hied
And from the fire / he toke vp his matere
And in þe Ingot put/ it with mery chere
Line 1233
And in the watery vessell / he it cast/
Whan that hym lyst/ and bade þe preest as fast/
What there is / put in thyn hande and groope
Thow fynd shalt there / silver as I hoope
Line 1237
. . . . .
. . . . . [no gap in the MS.]
He put his hand in / and toke vp a teyne
Of silver fyn / and glad / in euery veyne
Line 1241
Was this preest/ whan he sawe it was so
Goddes blessyng/ and his moders also
And all halowes / haue ye sir Chanon
Seid this preest/ and I her malison
Line 1245
But and ye vouchesauf / to techen me
This noble craft/ and this subteltee
I woll be your / in all þat euer I may
Koth the Chanon / yitte woll I make assay
Line 1249
The secund tyme / þat ye mow taken hede
And ben expert/ of this / and in your nede
