& bigynneth the Prologe of the Chanouns ȝeman;
WHan that told was / the lyf of seynt Cecile
Er we had riden fully / fyue myle
At Boughton vnder blee / vs gan a-take
A man / þat clothed was / in clothes blake
Line 557
And vndernethe he wered / a surplys
his hakeney / which þat was / al pomely grys
So swat / that it wonder was to se
It semed / as he had pryked / myles three
Line 561
Aboute the peyntrel / stod the fome ful hye
Line 564
he was of fome / al flekked as a Pye
Line 565
The hakeneye eke / þat his ȝeman rod vp-oon [folio 202b]
Line 562
So swatte / that vnethe myght it gon
Line 563
A male tweyfold / vp-on his croper lay
Line 566
It semed that he caried / litel array
Line 567
Al light for somer / rod this worthy man
And in myn herte / to wondre I began
Line 569
What that he was / til that I vnderstode
how þat his cloke / was sowed to his hode
ffor which / whan I had longe a-vysed me
I demed him som Chanoun / for to be
Line 573
his hat heng at his bak / doun by a lace
ffor he had riden more / than trot or pace
he had ay / priked / lyke as he were wood
A clote leef he hadde / vnder his hood
Line 577
ffor swete / and for to kepe / his hed from hete
But it was ioye / for to sen him swete
his forhe[de] dropped / as a stillatorie
were ful of plaunteyn / and of peritorie
Line 581
