[6-text p 545]
(72)
¶ There lakketh no thyng / to thyne vttere eyen [¶ exteriori|bus oculis]
That þou nart blynd / for þing þat we sen alle
That is a ston / þat men moun wel espien
That ilke a ston / a god þou wolt it calle
Line 501
I rede the / lat thyn hond / vp-on it falle
And taste it wel / & ston þou shalt it fynde
Syn þat þou seest nat / with thyne eyen blynde
Line 504
(73)
¶ It is a shame / that the peeple shal
Line 505
So scornen the / and laughe at thyn folie
ffor comunly / men woot it wel ouer al
That myghty god is / in his heuenes hye
Line 508
And theise ymages / wel þou maist espie
To the / ne to hem self / moun nat profite
ffor in effect / they be nat worth a myte
Line 511
(74)
¶ Theise and swich othere / seide she
Line 512
And he wex wroth / & bad men shulde hire lede
hoom til hire hous / and in hire hous quod he
Brenne hire / right in a bathe / with flaumbes rede
Line 515
And as he bad / right so was done the dede
ffor in a bathe / they gonne hire faste shetten
And nyght and day / gret fyr they vnder betten
Line 518
(75)
¶ The longe nyght / and eke a day also
Line 519
ffor al the fyr / and eke the bathes hete
She sat al cold / and feled no woo
It made hire nat / a drope for to swete
Line 522
But in that bath / hire lif she muste lete
ffor he Almachius / with a ful wykke entente
To slen hire in the bath / his sonde sente
Line 525
