[6-text p 544]
(68)
¶ Han nought oure myghty princes / to me ȝeuen
Line 470
Ȝa / bothe power / and auctoritee
To maken folk / to dyen or to lyuen
Why spekestow so proudly / thanne to me
Line 473
I speke nought / but stedfastly quod she
Nat proudly / for I seye as for my syde
We haten dedly / thilke vice of pride
Line 476
(69)
¶ And if þou drede nought / a soth for to heere
Line 477
Thanne wol I shewe / al openly by right
That þou hast mad / a ful gret lesyng heere
Thow seist / thyne princes / han the ȝeuen myght
Line 480
Bothe for to sleen / and for to quyken a wight
Thow þat ne maist / but oonly lyf byreue
Thow hast noon other power / ne no leue
Line 483
(70)
¶ But þou maist seyn / thyne princes han the maked
Line 484
Ministre of deth / for if thow speke of moo [folio 200b]
Thow liest / for thy power is ful naked
Do wey thyn boldenesse / seide Almachius tho
Line 487
And do sacrifise to our goddes / er þou go
I recche nat what wrong / þat thow me profre
ffor I can suffre it / as a Philosophre
Line 490
(71)
¶ But thilke wronges / may I nat endure
Line 491
That þou spekest / of oure goddes heere quod he
Cecile answerde / o nyce creature
Thow seidest no word / syn þou spake to me
Line 494
That I ne knew there-with / thy nycetee
And that þou were / in euery maner wyse
A lewed officere / a veyn Iustise
Line 497
